اليوم ... تم افتتاح كوبري موقف العاشر في اتجاه واحد ..

**human** · 30-08-2010 12:03 AM

[QUOTE=aymanay32;3872990165]

المشاركة الأصلية كتبت بواسطة human12

كان عندى احساس غريب انى ممكن اقعد فى الزحمة دى اسبوع بحالة لحد ما اطلع منها

انا كتير بنام فى العربيه و انا واقف بغمض و الالقى نفسى بصحى لما الناس تزمر :)

مسافه سته كيلو بفضل فيهم من نص ساعه لغايه ساعه و نص او ساعتين فبتعلم حكمه الصبر و قرايه نمر العربيات لدرجه انى ابتديت افتكر عربيات شفتها قبل كده و فيه صدقات قامت بينى و بين ناس نتكلم شويه و نسلم على بعض خصوصا بتوع النص نقل - ناس طيبين و عشريين بيبقوا شويه و ممكن يقعدوا معايا فى العربيه بدل ماعنيهم تطلع و هما بيبصوا

**Dr Zezo** · 30-08-2010 12:15 AM

حكمه الصبر

شفت حضرتك بقي

اهو الموضوع طلع وراه حكمة اهو

زي كل المواضيع اللي حوالينا

وراها حكمة

**M.Osman** · 30-08-2010 12:30 AM

ازاي يا جماعة الوضع زي ما هو ...

انا كنت بقف اكتر من ساعة في الحتة دي ...

امبارح مخدتش مني 5 دقايق على بعض (في إتجاه المطار)

بس و انا راجع الطريق كان واقف شوية عند موقف العاشر برضه ... بس برضه مش زي الأول ... و لسة الكوبري هيشتغل على الإتجاهين

أ/ محمد محمد .. الطريق اللي سعادتك بتقول عليه ده انا كنت عارفه بس نسيته ... بس كدا انت فكرتني بيه ...:))

human12 ....ههههههههههههههه

**karkor30** · 30-08-2010 12:46 AM

المشاركة الأصلية كتبت بواسطة محمد محمد

من عينيا الجوز ومناخيري اللوز وكلامك صح يا مصطفي والناس كلها قالت نفس الفكرة دي.
ركزوا معايا
وانت جاي من طريق جوزيف تيتو والمطار علي يمينك ورايح في اتجاه العبور وموقف العاشر والأسماعيلية والحرفيين متطلعش الكوبري اللى في نهاية جوزيف تيتو وادخل من جنب الكوبري وخليك في اليمين وسور المطار علي يمينك هتلاقي طريق بجوار السور وهتلاقي عليه يافطة مكتوب عليها الطريق مزدوج هتمشي في الطريق ده علي طول لا تخش يمين ولا شمال وهيبقي علي يمينك المطار وعلي شمالك الهايكستب والمنطقة بتاعت الجيش ويبقي كده انت ماشي موازي لطريق مصر الأسماعيلية هتفضل ماشي لغاية ما هتلاقي نفسك طلعت علي الدائري اتجاه المعادي والقاهرة الجديدة هتمشي عليه وخليك في الشمال هتاخد اول يوتيرن وهترجع هتنزل نزلة طريق القاهرة الأسماعيلية الصحراوي هنلاقي نفسك عديت الزحمة بتاعت موقف العاشر .

اصلى جدا
الطريق انا باخده من زمان (قصدى بمشى عليه يعنى عشان محدش يفهمنى غلط)

بس للاسف بقى زحمة برضه لان الناس كلها عرفته وبقت بتاخده هى كمان

**Sharky** · 30-08-2010 12:48 AM

النهاردة و انا خارج من الشغل على الساعة 3 من العبور كان الطبيعى انها تقف من عند الشرطة العسكرية اللى امام مدرسة النزهة تقريبا لقيتها و لأول مرة مش واقفة لكن ماشية ببطء من اول مخرج ستاد السلام و اول لما ظهر الكوبرى كانت سالكة

رغم انى كنت من المعترضين على موقعه و شايف زى معظم الناس انه كان لازم يبقى بدرى عن مكان 2 كيلو على الأقل

لكن بصراحة النهاردة كان سالك عن أى يوم

**abogogo** · 30-08-2010 01:37 AM

[QUOTE=human12;3872990138]

المشاركة الأصلية كتبت بواسطة abogogo

[SIZE=4][COLOR=DarkGreen][B]...و بصراح الزحام موجود كما هو كأن شيئ لم يكن ....

ازاى الكلام ده؟

الصبح ماعدش فيه عربيات واقفه من اول موقف العاشر لغايه العبور

و اخر اليوم مافيش زحمه نهائى

مش عارف حضرتك بتحكم كده ازاى؟؟؟

عالم عايزه الحرق

يا فندم اليوم الاحد يعني المصانع والورش والحرافيين قفلين جربه في يوم عادي وانت تحكم بنفسك

**human** · 30-08-2010 02:08 AM

[QUOTE=abogogo;3872990454]

المشاركة الأصلية كتبت بواسطة human12

يا فندم اليوم الاحد يعني المصانع والورش والحرافيين قفلين جربه في يوم عادي وانت تحكم بنفسك

هنشوف بكره بس اللى شايفه ان هيه هتبقى ماشيا

بس الحلو انى اكتشفت ان فيه ناس كتير معايا فى نفس السكه

و شاركى حبيبى معايا و ماعرفش

**أبومعاذ** · 30-08-2010 02:36 AM

المشاركة الأصلية كتبت بواسطة dr zezo

تسلم يا باشا

انا فعلا عارف الطريق ده و بخرم من جوه الهايكستب و بطلع بعد موقف العاشر مباشرة بعيد عن الدائري

انا كنت اقصد طريق مختصر من العبور الي القاهرة

حضرتك ادخل يمين من عند بنزينة كالتكس العبور وخليك ماشي على طول هتلاقي طريق بلبيس في الاخر هتدخل فيه وتاخد اول يوترن وترجع تمشي على طول في طريق بلبيس لحد ما توصل طريق مصر اسماعيلية قبل الكبري الجديد ده بحوالي 200 متر والطريق دا بيوفر كتير خصوصا انها اوقات بتبقى واقفة 5 و 6 كيلو

**Dr Zezo** · 30-08-2010 02:44 PM

جزيتم عنا خيرا

بالفعل الطرق دي ساعات بامشي فيها

الجديد و حلو و متسفلت كويس هو طريق جديد " بتاع استاد السلام " عند مدارس نفرتاري

بتدخل منه و تلف طريق زي دائري صغير حول النهضة من بره و تطلع منه علي طريق بلبيس و اول يوترن و ارجع تاني

و ان شاء الله الكوبري يحل لنا الازمة دي و نخلص من الزحاام الرهيب

و طريق مجمع المصانع الحربية انا بادخله بس من عند بنزينة التعاون اللي في اول الشباب

عند المساكن الجديدة

بستلمه من اوله

-

الموضوع: اليوم ... تم افتتاح كوبري موقف العاشر في اتجاه واحد ..

LinkBack

أدوات الموضوع

عرض

-

-

-

-

المواضيع المتشابهه

افتتاح كوبري فوه علي النيل

كوبري التقاطع الحر مصر اسماعيليه تم افتتاحه!! اتجاه واحد!!!

ازاى اروح المنيل مواصلات من موقف العاشر او من موقف مسطرد

افتتاح بنزينة وطنية فى اخر الحى العاشر

الكلمات الدلالية لهذا الموضوع

المفضلات

المفضلات

ضوابط المشاركة