اليوم ... تم افتتاح كوبري موقف العاشر في اتجاه واحد ..

تم اليوم افتتاح كوبري موقف العاشر علي طريق مصر اسماعلية الصحراوي في اتجاه واحد و هو للقادم من الاسماعلية الي القاهرة علي ان يتم لاحقا عمل الكوبري في الاتجاهين

تعديلات مرورية على طريق القاهرة الإسماعيلية

السبت، 28 أغسطس 2010 - 20:05

فى إطار تنفيذ مشروع التقاطع الحر بطريق القاهرة - الإسماعيلية الصحراوى والانتهاء من تنفيذ المرحلة الأولى من كوبرى طريق الإسماعيلية (مدخل مدينة السلام والطريق الدائرى) المتجهة من الإسماعيلية إلى القاهرة، قامت الإدارة العامة لمرور القاهرة بالتنسيق مع محافظة القاهرة وجهاز تعمير القاهرة الكبرى بتشغيل الوصلة للقادم من الإسماعيلية تجاه القاهرة.

كما قامت الإدارة العامة للمرور بإجراء تحويلة مرورية للاتجاه الآخر من القاهرة إلى الإسماعيلية بمنطقة موقف العاشر لإتاحة الموقع لتنفيذ الاتجاه الآخر من الكوبرى.

وقد تم تركيب اللافتات الإرشادية والتحذيرية لهذه الوصلة، وذلك بصفة مؤقتة لحين الانتهاء من تنفيذ الأعمال على أن يبدأ العمل بالتحويلة المرورية اعتباراً من اليوم، وجارى تعيين الخدمات المرورية اللازمة خلال تنفيذ تلك الأعمال.

اليوم السابع | تعديلات مرورية على طريق القاهرة الإسماعيلية

يا رب الكوبري دا يخلص بسرعه و يخفف الزحمه شويه في المنطقه دي

كنت من اول العابرين على الكوبري الاسفلت معمول بلكلكه ولهوجه اي كلام العربيه بترقص عليه وهي ماشيه على الرغم اني كنت راكب اسكودا a5 ايضا خرسانات جسم الكوبري دون المستوى مش عارف مين المهندس اللى استلم الشغل ده .....شغل اي كلام ...و بصراح الزحام موجود كما هو كأن شيئ لم يكن ....الحسنة الوحيدة انهم سفلتوا الحفرة اللى في نهاية موقف العاشر في اتجاه القاهرة واللى كنت بشوف عربيات بتتهبد فيها وقلبي بيوجعني على صحابها

كوبري مالوش اي لازمة خالص....لازم ياخدوا حتة من المنطقة بتاعت الجيش ويحطوا فيها موقف العاشر علشان الزحمة اللى بتبقي في طريق الموقف...وانا كده كده بريح دماغي وباخد الطريق الموازي لطريق موقف العاشر اسهل بكتير.

اقتباس:

---

الاسفلت معمول بلكلكه ولهوجه اي كلام العربيه بترقص عليه

---

نفس احساسي برضه :11:

اقتباس:

---

وانا كده كده بريح دماغي وباخد الطريق الموازي لطريق موقف العاشر اسهل بكتير

---

طريق ايه ده ؟:E_braces[1]:

اقتباس:

---

المشاركة الأصلية كتبت بواسطة محمد محمد

كوبري مالوش اي لازمة خالص....لازم ياخدوا حتة من المنطقة بتاعت الجيش ويحطوا فيها موقف العاشر علشان الزحمة اللى بتبقي في طريق الموقف...وانا كده كده بريح دماغي وباخد الطريق الموازي لطريق موقف العاشر اسهل بكتير.

---

كان عندى احساس من الاول ان الكوبري دة مش هيفرق كتير فى تخفيف الزحام المفروض مطلع الكوبري كان ابتدى من قبل مخرج طريق بلبيس

وياريت بقى توصفلنا الطريق الموازى دة يا باشا

اقتباس:

---

المشاركة الأصلية كتبت بواسطة dr zezo

ن

طريق ايه ده ؟:e_braces[1]:

---

اقتباس:

---

المشاركة الأصلية كتبت بواسطة eng_mostafa_89

كان عندى احساس من الاول ان الكوبري دة مش هيفرق كتير فى تخفيف الزحام المفروض مطلع الكوبري كان ابتدى من قبل مخرج طريق بلبيس

وياريت بقى توصفلنا الطريق الموازى دة يا باشا

---

من عينيا الجوز ومناخيري اللوز وكلامك صح يا مصطفي والناس كلها قالت نفس الفكرة دي.
ركزوا معايا
وانت جاي من طريق جوزيف تيتو والمطار علي يمينك ورايح في اتجاه العبور وموقف العاشر والأسماعيلية والحرفيين متطلعش الكوبري اللى في نهاية جوزيف تيتو وادخل من جنب الكوبري وخليك في اليمين وسور المطار علي يمينك هتلاقي طريق بجوار السور وهتلاقي عليه يافطة مكتوب عليها الطريق مزدوج هتمشي في الطريق ده علي طول لا تخش يمين ولا شمال وهيبقي علي يمينك المطار وعلي شمالك الهايكستب والمنطقة بتاعت الجيش ويبقي كده انت ماشي موازي لطريق مصر الأسماعيلية هتفضل ماشي لغاية ما هتلاقي نفسك طلعت علي الدائري اتجاه المعادي والقاهرة الجديدة هتمشي عليه وخليك في الشمال هتاخد اول يوتيرن وهترجع هتنزل نزلة طريق القاهرة الأسماعيلية الصحراوي هنلاقي نفسك عديت الزحمة بتاعت موقف العاشر .

تسلم يا باشا

انا فعلا عارف الطريق ده و بخرم من جوه الهايكستب و بطلع بعد موقف العاشر مباشرة بعيد عن الدائري

انا كنت اقصد طريق مختصر من العبور الي القاهرة

[QUOTE=abogogo;3872989334][SIZE=4][COLOR=DarkGreen][B]...و بصراح الزحام موجود كما هو كأن شيئ لم يكن ....


ازاى الكلام ده؟

الصبح ماعدش فيه عربيات واقفه من اول موقف العاشر لغايه العبور

و اخر اليوم مافيش زحمه نهائى

مش عارف حضرتك بتحكم كده ازاى؟؟؟


المشكله اللى نازل من الكوبرى بعيد جدا عن مجرى الطريق ة واعتقد هيبقى فيه حوادث

كمان لازم حل للزحمه عند مدخل الحرفيين عشان ممكن تقفل الطريق لغايه الكوبرى



طبعا الطريق العكسى للى رايح العاشر نفسى افهم ازاى الجرأه جايلهم انهم يسيبوا طريق اللى جنب الكوبرى بيعدى عربيه واحده بس فى حتت منه
انا كتير بروح متأخر الشل بسبب واحد عبقرى مش عارف يقيس مسافه و يهد جزء من الموقف عشان يعدى عربيتين تلاته

عالم عايزه الحرق

[QUOTE=human12;3872990138]

اقتباس:

---

المشاركة الأصلية كتبت بواسطة abogogo

[SIZE=4][COLOR=DarkGreen][B]...و بصراح الزحام موجود كما هو كأن شيئ لم يكن ....


ازاى الكلام ده؟

الصبح ماعدش فيه عربيات واقفه من اول موقف العاشر لغايه العبور

و اخر اليوم مافيش زحمه نهائى

مش عارف حضرتك بتحكم كده ازاى؟؟؟


المشكله اللى نازل من الكوبرى بعيد جدا عن مجرى الطريق ة واعتقد هيبقى فيه حوادث

كمان لازم حل للزحمه عند مدخل الحرفيين عشان ممكن تقفل الطريق لغايه الكوبرى



طبعا الطريق العكسى للى رايح العاشر نفسى افهم ازاى الجرأه جايلهم انهم يسيبوا طريق اللى جنب الكوبرى بيعدى عربيه واحده بس فى حتت منه
انا كتير بروح متأخر الشل بسبب واحد عبقرى مش عارف يقيس مسافه و يهد جزء من الموقف عشان يعدى عربيتين تلاته

عالم عايزه الحرق

---

غير كدة نادرة لما تلاقى تواجد مرورى فى المنطقة

غير انى خبطتنى فى الحتة دى عربية نقل و من زحمة الطريق كان امل حياتى انى امشى و مرضيتش حتى اقول للسواق مش تاخد بالك
مشيت على طول
كان عندى احساس غريب انى ممكن اقعد فى الزحمة دى اسبوع بحالة لحد ما اطلع منها

[QUOTE=aymanay32;3872990165]

اقتباس:

---

المشاركة الأصلية كتبت بواسطة human12

كان عندى احساس غريب انى ممكن اقعد فى الزحمة دى اسبوع بحالة لحد ما اطلع منها

---

انا كتير بنام فى العربيه و انا واقف بغمض و الالقى نفسى بصحى لما الناس تزمر :)

مسافه سته كيلو بفضل فيهم من نص ساعه لغايه ساعه و نص او ساعتين فبتعلم حكمه الصبر و قرايه نمر العربيات لدرجه انى ابتديت افتكر عربيات شفتها قبل كده و فيه صدقات قامت بينى و بين ناس نتكلم شويه و نسلم على بعض خصوصا بتوع النص نقل - ناس طيبين و عشريين بيبقوا شويه و ممكن يقعدوا معايا فى العربيه بدل ماعنيهم تطلع و هما بيبصوا

اقتباس:

---

حكمه الصبر

---

شفت حضرتك بقي

اهو الموضوع طلع وراه حكمة اهو :Ob_mak1[1]:

زي كل المواضيع اللي حوالينا

وراها حكمة:khd:

ازاي يا جماعة الوضع زي ما هو ...

انا كنت بقف اكتر من ساعة في الحتة دي ...

امبارح مخدتش مني 5 دقايق على بعض (في إتجاه المطار)

بس و انا راجع الطريق كان واقف شوية عند موقف العاشر برضه ... بس برضه مش زي الأول ... و لسة الكوبري هيشتغل على الإتجاهين

أ/ محمد محمد .. الطريق اللي سعادتك بتقول عليه ده انا كنت عارفه بس نسيته ... بس كدا انت فكرتني بيه ...:))

human12 ....ههههههههههههههه

اقتباس:

---

المشاركة الأصلية كتبت بواسطة محمد محمد

من عينيا الجوز ومناخيري اللوز وكلامك صح يا مصطفي والناس كلها قالت نفس الفكرة دي.
ركزوا معايا
وانت جاي من طريق جوزيف تيتو والمطار علي يمينك ورايح في اتجاه العبور وموقف العاشر والأسماعيلية والحرفيين متطلعش الكوبري اللى في نهاية جوزيف تيتو وادخل من جنب الكوبري وخليك في اليمين وسور المطار علي يمينك هتلاقي طريق بجوار السور وهتلاقي عليه يافطة مكتوب عليها الطريق مزدوج هتمشي في الطريق ده علي طول لا تخش يمين ولا شمال وهيبقي علي يمينك المطار وعلي شمالك الهايكستب والمنطقة بتاعت الجيش ويبقي كده انت ماشي موازي لطريق مصر الأسماعيلية هتفضل ماشي لغاية ما هتلاقي نفسك طلعت علي الدائري اتجاه المعادي والقاهرة الجديدة هتمشي عليه وخليك في الشمال هتاخد اول يوتيرن وهترجع هتنزل نزلة طريق القاهرة الأسماعيلية الصحراوي هنلاقي نفسك عديت الزحمة بتاعت موقف العاشر .

---

اصلى جدا
الطريق انا باخده من زمان (قصدى بمشى عليه يعنى عشان محدش يفهمنى غلط):whtauwant::whtauwant: بس للاسف بقى زحمة برضه لان الناس كلها عرفته وبقت بتاخده هى كمان

النهاردة و انا خارج من الشغل على الساعة 3 من العبور كان الطبيعى انها تقف من عند الشرطة العسكرية اللى امام مدرسة النزهة تقريبا لقيتها و لأول مرة مش واقفة لكن ماشية ببطء من اول مخرج ستاد السلام و اول لما ظهر الكوبرى كانت سالكة

رغم انى كنت من المعترضين على موقعه و شايف زى معظم الناس انه كان لازم يبقى بدرى عن مكان 2 كيلو على الأقل

لكن بصراحة النهاردة كان سالك عن أى يوم

[QUOTE=human12;3872990138]

اقتباس:

---

المشاركة الأصلية كتبت بواسطة abogogo

[SIZE=4][COLOR=DarkGreen][B]...و بصراح الزحام موجود كما هو كأن شيئ لم يكن ....


ازاى الكلام ده؟

الصبح ماعدش فيه عربيات واقفه من اول موقف العاشر لغايه العبور

و اخر اليوم مافيش زحمه نهائى

مش عارف حضرتك بتحكم كده ازاى؟؟؟



عالم عايزه الحرق

---

يا فندم اليوم الاحد يعني المصانع والورش والحرافيين قفلين جربه في يوم عادي وانت تحكم بنفسك

[QUOTE=abogogo;3872990454]

اقتباس:

---

المشاركة الأصلية كتبت بواسطة human12

يا فندم اليوم الاحد يعني المصانع والورش والحرافيين قفلين جربه في يوم عادي وانت تحكم بنفسك

---

هنشوف بكره بس اللى شايفه ان هيه هتبقى ماشيا

بس الحلو انى اكتشفت ان فيه ناس كتير معايا فى نفس السكه

و شاركى حبيبى معايا و ماعرفش

اقتباس:

---

المشاركة الأصلية كتبت بواسطة dr zezo

تسلم يا باشا

انا فعلا عارف الطريق ده و بخرم من جوه الهايكستب و بطلع بعد موقف العاشر مباشرة بعيد عن الدائري

انا كنت اقصد طريق مختصر من العبور الي القاهرة

---

حضرتك ادخل يمين من عند بنزينة كالتكس العبور وخليك ماشي على طول هتلاقي طريق بلبيس في الاخر هتدخل فيه وتاخد اول يوترن وترجع تمشي على طول في طريق بلبيس لحد ما توصل طريق مصر اسماعيلية قبل الكبري الجديد ده بحوالي 200 متر والطريق دا بيوفر كتير خصوصا انها اوقات بتبقى واقفة 5 و 6 كيلو

اقتباس:

---

المشاركة الأصلية كتبت بواسطة أبومريم

حضرتك ادخل يمين من عند بنزينة كالتكس العبور وخليك ماشي على طول هتلاقي طريق بلبيس في الاخر هتدخل فيه وتاخد اول يوترن وترجع تمشي على طول في طريق بلبيس لحد ما توصل طريق مصر اسماعيلية قبل الكبري الجديد ده بحوالي 200 متر والطريق دا بيوفر كتير خصوصا انها اوقات بتبقى واقفة 5 و 6 كيلو

---

يعني انت عارف الطريق ده ومش عارف الحي الثاني فين :36_1_8[1]:...علي فكرة ممكن كمان تخش من عند الصينية بتاعت الحي التاسع والخامس(في اتجاه التاسع طبعا يعني هتخللي الحي الترفيهي علي يمينك والتاسع علي شمالك وتفضل ماشي لغاية متلاقي سور مصنع الأنتاج الحربي زتخللي السور علي يمينك الطريق ده برضه بيبقي رايق وسريع شوية.

جزيتم عنا خيرا

بالفعل الطرق دي ساعات بامشي فيها

الجديد و حلو و متسفلت كويس هو طريق جديد " بتاع استاد السلام " عند مدارس نفرتاري

بتدخل منه و تلف طريق زي دائري صغير حول النهضة من بره و تطلع منه علي طريق بلبيس و اول يوترن و ارجع تاني

و ان شاء الله الكوبري يحل لنا الازمة دي و نخلص من الزحاام الرهيب

و طريق مجمع المصانع الحربية انا بادخله بس من عند بنزينة التعاون اللي في اول الشباب

عند المساكن الجديدة

بستلمه من اوله

المغربى: افتتاح كوبرى تقاطع الإسماعيلية الصحراوى

الثلاثاء، 31 أغسطس 2010 -

أعلن المهندس أحمد المغربى وزير الإسكان والمرافق، أنه تم فتح كوبرى تقاطع طريق الإسماعيلية الصحراوى مع الطريق الدائرى للقادمين من الإسماعيلية فى اتجاه القاهرة وتم بدء العمل فى الاتجاه الآخر للقادمين من القاهرة فى اتجاه الإسماعيلية ومن المنتظر الانتهاء منه فى يونيو المقبل.

وقال المغربى، إن هذا المشروع يعد أحد المشروعات الهامة فى تطوير المداخل الشرقية لإقليم القاهرة الكبرى، حيث يسهم فى تحقيق السيولة المرورية بمدخل طريق الإسماعيلية الصحراوى، كما يعمل على تخفيف الكثافة المرورية بمدخل مدينة السلام.

وأشار إلى أن المشروع يتكون من كوبرى علوى على مسار طريق القاهرة الإسماعيلية الصحراوى عند تقاطعه مع الطريق الدائرى بطول 790 متراً وعرض 24 مترا وقد تكلف 98 مليون جنيه، لافتا إلى أنه تم الإبقاء على كوبرى المشاة الحالى الذى يخدم عدداً كبيراً من المواطنين.

من جانبه، أشار اللواء محمود مغاورى رئيس الجهاز المركزى للتعمير إلى أنه تم الانتهاء من تحويل كافة المرافق المتعارضة مع المشروع، كما تم تطوير التقاطع السطحى فى الاتجاه من القاهرة إلى الإسماعيلية من خلال عدة تعديلات مرورية.

وأضاف أن هذا المشروع سيسهم فى تحقيق السيولة المرورية فى هذه المنطقة التى تعد أحد محاور التنمية فى إقليم القاهرة الكبرى وسيستفيد به مستثمرو وسكان المدن الجديدة الواقعة على طريق الإسماعيلية القاهرة الصحراوى.

اليوم السابع | المغربى: افتتاح كوبرى تقاطع الإسماعيلية الصحراوى

انا مش فاهم ازاي يعني افتتحوه من اتجاه واحد
مش المفروض هما عاملين مطلع برضو للي طالع من القاهره باتجاه اسماعيليه؟؟
مفتحوهوش ليه؟؟

الطريق النهاردة و امبارح رجع زى الاول و بقى زحمة جدا !!!

بشرى سارة

النهارده فعلا شوفت المعدات موجوده فى الموقع لبدء العمل فى الكوبرى التانى المفترض انه هيبقى فى اتجاه اللى جاى من العبور للقاهرة وبعد الانتهاء منه هيبقى اللى شغال دلوقتى هو اتجاه القاهرة العبور بس طبعا هايخدوا حوالى سنة زى ما الاول اخد تقريبا وخلى بالكو الاتجاه اللى من تحت الكوبرى بقى مقفوووووووووول يعنى اللى عايز يدخل القاهرة او جسر السويس لاااازم يطلع الكوبرى لانه لو نزل من تحت مفيش اتجاه شغال غير الدائرى يميييين فخلوا بالكو

انا مش فاهم الناس ازاي مش شايفة انه حسن السير في المنطقة!!!!!!!!
انا بارجع من العبور لمدينة نصر يوميا و قلل تلات اربع الوقفة هناك .. مازال احيانا بيبقي فيه زحمة .. بس الايام دي انا عارفها .. من غير الكوبري كنت باقعد ساعة زمنية قبل الموقف!!!!!!!!!

علا هوا حسن السير وحتى لو كان لسا بيبقى في زحمه فهيا لا تقارن باللي كانت موجوده


تحياتي

خدمات الكوبرى سيئة جدا
مطالع الكوبرى ومنازلة كلها حفر وغير ممهدة
وبعدين اية الميلغ الهلامى المعمول بية الكوبرى دا
98 مليون هيا ملايين الحكومة رخيصة كدا؟
وعلى رأى اللمبى هاتى 200 دولار أجيب سندوتش طعمية
عجبى عليكى يا بلد