لكل اللى بينسوا يربطو حزام الامان

**Car's Sniper** · 29-08-2010 05:24 PM

بسبب تعليم القيادة السىء فى مصر وعدم وضع قواعد لمدربى القيادة
طلعنا بالفطرة مش متعودين على حزام الامان..وانا فاكر لما كنت آجى اربط الحزام كان المدرب يقولى بلاش الدنيا حر
فاتعودت على عدم ربط الحزام فترة لكن بعد كدة عرفت اهميته من كلام الناس ...بس بعد ايه
كل مرة آجى اركب العربية انسى اربطه واتعودت على لمبة الحزام منورة فمكنتش باخد بالى منها
لغاية ماجتلى كذا فكرة عشان مانساش
الاولى: العربية كانت جاية بتوكة فى الحزام كدة للشيكة والتوكة دى ممكن تثبتها فى اى مكان فى الحزام وبكدة تمنع انه يرجع لمكانه تانى ..فكنت لما آجى امشى الحزام يقعد يخبط فى القايم فافتكر اربطه
بس معرفش التوكة دى بتتجاب منين وهل موجودة فى مصر اساسا ولا لأ(عربيتى كانت استيراد معاقين)
الفكرة التانية :تربط حزام الكرسيين الاماميين حتى فى حالة عدم وجود ركاب...يعنى تربط الحزام بتاع الكرسيين عالفاضى...عشان لو ركبت العربية تحس بالحزام وتفتكره ولو ماحستش بيه فى كرسيك فحزام الكرسى اللى جمبك هايفكرك...وغير كدة بيدى العربية منظر جامد وهو مربوط عالفاضى كأنها عربية سباق متعدلة
واخيرا ربنا يبعد عنكوا شر الطرق المصرية

**nobody** · 29-08-2010 05:28 PM

بس أنا مبقدرش أصلا أستحمل ألبس الحزام وأنا داخل على الكمين أول مابعدي من الضابط بشيله على طول لاعشان بيخنقني والحمد لله بلبسه بسرعه جدا قبل أي كمين

**Car's Sniper** · 29-08-2010 05:37 PM

المشاركة الأصلية كتبت بواسطة nobody

بس أنا مبقدرش أصلا أستحمل ألبس الحزام وأنا داخل على الكمين أول مابعدي من الضابط بشيله على طول لاعشان بيخنقني والحمد لله بلبسه بسرعه جدا قبل أي كمين

ههههههههههههههههههههههههه ههههههههههههههه
معظم الشعب بيلبس الحزام عشان اللجان...وعشان الحر تبقى تشده كل شوية بعيد عن جسمك او حركة من مكانه الملاصق لجسمك يعنى ترفعه لفوق سنة او تحت سنة

**yasserelsayad** · 29-08-2010 07:04 PM

انا مش بعرف اسوق من غير الحزام بحس ان انا سايب كدا .. لازم حاجة تمسكنى فى الكرسى :)

**gazzar91** · 30-08-2010 03:49 AM

على فكرة الحزام اللي الناس بتربطه علشان اللجان أنقذني (بعد ستر ربنا) من كسر في الظهر....
أنا نفسي أفهم الجزام بيخنق في ايه يعني؟؟؟ بيضايق في ايه؟؟؟ بيزعل الناس ليه؟؟؟
أنا الحمد لله متعود قبل ما أطلع على الطريق بربط الحزام...
أنا اتقلبت بالعربية و كان معايا واحد صاحبي و الحمد لله ولا واحد فينا جراله حاجة!! كل اللي حصل شوية تعب في الرقبة و الظهر من الـ Whiplash....

و لو محدش مصدقني يتفرج....

لو سمحتم يا جماعة أرجوكم اربطوا الحزام... "ذويكم بحاجة اليكم"!!!

ربنا يستر طريق الجميع..
في رعاية الله....

**Car's Sniper** · 30-08-2010 04:59 AM

المشاركة الأصلية كتبت بواسطة yasserelsayad

انا مش بعرف اسوق من غير الحزام بحس ان انا سايب كدا .. لازم حاجة تمسكنى فى الكرسى :)

انا لازم اخلى ركبتى كمان لازقة فى التابلوه...اينعم مابعرفش اطلع من العربية غير لما ارجع الكرسى ...بس فى نفس الوقت بحب اعمل كدة عشان احس ان انا والعربية كيان واحد

المشاركة الأصلية كتبت بواسطة mobitic

الحمد لله اتعودت عليه من بدرى
واللى مريحنى ان جسمى رفيع بالتالى مش بحس انه مضايقنى قوى
بس بصراحة فايدته كبيره جدا ياريت كلنا نلتزم بيه مش علشان اللجان وخلاص

طب خللى المرور تلغى مخالفة الحزام كدة وانت هتلاقى 99% من اللى كانوا بيلبسوه هايفكوه
دا فيه ناس بتحطه فوق جسمها من غير ماتربطه...باستغرب من الحركة دى اووووووووووووووى

المشاركة الأصلية كتبت بواسطة gazzar91

على فكرة الحزام اللي الناس بتربطه علشان اللجان أنقذني (بعد ستر ربنا) من كسر في الظهر....
أنا نفسي أفهم الجزام بيخنق في ايه يعني؟؟؟ بيضايق في ايه؟؟؟ بيزعل الناس ليه؟؟؟
أنا الحمد لله متعود قبل ما أطلع على الطريق بربط الحزام...
أنا اتقلبت بالعربية و كان معايا واحد صاحبي و الحمد لله ولا واحد فينا جراله حاجة!! كل اللي حصل شوية تعب في الرقبة و الظهر من الـ Whiplash....

و لو محدش مصدقني يتفرج....

لو سمحتم يا جماعة أرجوكم اربطوا الحزام... "ذويكم بحاجة اليكم"!!!

ربنا يستر طريق الجميع..
في رعاية الله....

الف حمد لله على سلامتك ياحمد باشا وربنا يستر طريقنا جميعا

**م. عصام مهنى** · 30-08-2010 11:44 AM

انا اتعود اول ما اركب العربية اربط الحزام على طول
الفكرة مش فى المرور
الموضوع سلامتك فى الاول والاخر
انا حتى ابنى 6 سنين لما يقعد جنبى اقولة اربط الحزام
اتعود اول ما يركب يربط الحزام لوحده

ربنا يسترها على الجميع

**wisambasha** · 30-08-2010 11:54 AM

يعني احنا بنكره نلبس الحزم ونقول انه بيخنقنا

بينما في دول بيربطوا الحزام للناس اللي قاعدين ورا علي الكنبة الخلفية

وكل ده باختيارهم يعني عندهم وعي مش لازم القانون والغرامة تبقي وراهم بالكربااااااااااااااااج

ااااااااااااااااااااااااا ه يا مصرييين

**Ashraf_Ibrahim** · 30-08-2010 11:56 AM

مبعرفش اسوق العربية بدون حزام
لما بركب العربية فيه حجات متتالية بعملها بتلقائية عشان انا عودت نفسي عليها قبل ماتحرك بالعربية
بقوم مشغل العربية
ابص على المرايات مظبوطة واللا محتاجة تتظبط
اربط حزامي
انزل فرامل اليد وانطلق

وربنا يستر على الجميع يارب

-

الموضوع: لكل اللى بينسوا يربطو حزام الامان

LinkBack

أدوات الموضوع

عرض

لكل اللى بينسوا يربطو حزام الامان - انشر الموضوع فى :

-

-

-

-

-

-

-

-

المواضيع المتشابهه

حزام الامان

لكل اللى بينسوا يربطوا الحزام

حزام الامان

جرس حزام الامان

حزام الامان من فولفو(خمسون عاما علي ابتكار حزام الامان)

الكلمات الدلالية لهذا الموضوع

المفضلات

المفضلات

ضوابط المشاركة