العلاقه بين البنزين والهواء داخل غرفة الاحتراق ... ارجو مساعدة الخبراء

**amrmaismail** · 29-08-2010 08:31 PM

السلام عليكم شباب المنتدي المحترمين

المشكله ببساطه ان العربيه علي السلانسيه و الار بي ام تحت 10 فيها رجه عاليه في المحرك

في ميكانيكي ضبط تاكيهات
واحد تاني ضبط الايديال او نقدر نقول نضفه
واحد تاني قاللي غير حساس الهواء والايديل
وحاد غيرهم قاللي سيبها كده
مع العلم اني لسه مغير طقم شنبر وطقم دبرياج
بس المشكله دي قبل التغيير ولسه موجوده

انا مقتنع مع نفسي تماما ان دي مشكله علاقه هواء مع بنزين مش مضبوطه
بس ماحدش عايز او عارف يضبطها

مؤخرا نورت عندي لمبه في التابلوه بصوره متقطعه وفي الكتلوج اللمبه دي معناها بالضبط
Engine auto-diagnosis
If it flashes or lights while the engine is running
it indicates a fault within the fuel injection,ignition or anti-pollution systems
Consult a the dealer as soon as possible
متهيألي ان اللمبه دي ليها علاقه بنفس المشكله حتي لو ظهرت مؤخرا
انا بصراحه تعبت من افتائات الميكانيكيه وفسي الاقي حد بيفهم يكلمني كلام علمي
علي فكره ريحة العادم مش عاديه ني شويه
لاحظت والموتور مفكوك ان البستم عليه كربون اسود ولازق اوي بس البوجيهات نضيفه
الميكانيكي بيقول ده عادي بس انا عارف انه مش عادي اكييد

بالمناسبه العربيه سيتروين اكسارا 2001 لو حد عايز يسأل

وسؤال اخير المهندس سمير عياد فييين ؟؟؟؟؟؟؟
اعتقد ان مش ده العضو اللي المنتدي يقدر يستغني عنه حتي بصوره مؤقته

وشكرا للجميع وفي انتظار ردودكم

**amrmaismail** · 30-08-2010 10:04 AM

ايه ياشباب فين الردود ؟؟؟؟؟

**elewey** · 31-08-2010 04:00 AM

المشاركة الأصلية كتبت بواسطة amrmaismail

ايه ياشباب فين الردود ؟؟؟؟؟

طيب ليه يا استاذى مرحتش اى مركز صيانه يحطلك العربيه على الجهاز و تقدر تعرف اى حساس اللى بايظ

**semosoft** · 31-08-2010 05:17 AM

بص يا باشا جرب دوس بنزين و ثبت الار بي ام على 2000 لو الموتور شغال كويس و مكفيش تقطيع و لا تنتيش

و بس بيرج معاك و بينتش على الار بي ام الواطي و زي ما حضرتك بتقول ان ريحة الشكمان مش طبيعية
يبقى فعلاً ده زي محضرتك شخصت ده ليه علاقة بالبنزين و الهوا اللي داخل غرفة الاحتراق
و بما انها عربية ستروين 2001 يعني انجكشن
و في السيارات الانجيكشن المشكلة دي بتحصل نتيجة تلف او خلل في حساس الاكسيجين
لانه هوا اللي مسؤول عن معرفة نسبة الاكسجين الخارجة من غرفة الاحتراق للعادم و على اساسها بيظبط كمية الوقود اللي بيدخلها لغرفة الاحتراق

**amrmaismail** · 31-08-2010 09:49 AM

المشاركة الأصلية كتبت بواسطة elewey

طيب ليه يا استاذى مرحتش اى مركز صيانه يحطلك العربيه على الجهاز و تقدر تعرف اى حساس اللى بايظ

العربيه مش مسجله اي حساس بايظ علي الجهاز

**amrmaismail** · 31-08-2010 09:57 AM

المشاركة الأصلية كتبت بواسطة semosoft

بص يا باشا جرب دوس بنزين و ثبت الار بي ام على 2000 لو الموتور شغال كويس و مكفيش تقطيع و لا تنتيش

و بس بيرج معاك و بينتش على الار بي ام الواطي و زي ما حضرتك بتقول ان ريحة الشكمان مش طبيعية
يبقى فعلاً ده زي محضرتك شخصت ده ليه علاقة بالبنزين و الهوا اللي داخل غرفة الاحتراق
و بما انها عربية ستروين 2001 يعني انجكشن
و في السيارات الانجيكشن المشكلة دي بتحصل نتيجة تلف او خلل في حساس الاكسيجين
لانه هوا اللي مسؤول عن معرفة نسبة الاكسجين الخارجة من غرفة الاحتراق للعادم و على اساسها بيظبط كمية الوقود اللي بيدخلها لغرفة الاحتراق

الموتور شغال كويس من اول الأر بي ام علي ١٠٠٠
وفعلا انا حاسس انه حساس الماف او الايديل بس المشكله ان العربيه مش مسجله حاجه علي الجهاز
وده اللي خلاني احاول ادور علي اسباب تانيه واحاول استفيد من خبراتكم يمكن حد مر بالموضوع ده قبل كده لاني بصراحه مش باثق في اي ميكانيكي
ده واحد كان متأكد ان الموضوع ده بليه اسطوانة الدبرياج ولو ماكنتش لسه مغير طقم دبرياج كان زمانه مرمطني

الف شكر علي الردود وفي انتظار باقي الآراء

**Dr. Halawa** · 31-08-2010 05:20 PM

يا باشا فى انتظار المهندس سمير انا نفس المشكلة بس زاد عليها ان العربية بتحرق زيت كتير اكتر من نصه فى 5000 و هو زيت 10000 أصلا و العربية قارية حساس شكمان غيرته و برده قارية

**elewey** · 31-08-2010 05:24 PM

المشاركة الأصلية كتبت بواسطة amrmaismail

العربيه مش مسجله اي حساس بايظ علي الجهاز

اعتقد لو مفيش حساس بايظ يبقى المشكله كدة فى الماف بتاع العربيه

لانه هو الاساس فى كميه الهواء اللى داخله

**amrmaismail** · 02-09-2010 12:08 PM

المهندس سمير فين يا رجاله

**kaza** · 07-09-2010 12:52 AM

المشكلة د
ى ببساطة ان ضعط التسليم للرشاشات مش مضبوط او بالبلدي الرشاشات بتسيل وطالما ان كشف الكومبيوتر لم يسجل اي اعطال في الحساسات تبقي هية دي المشكلة وحلها بفك الرشاشات وتنظيفهم عند اي حد بينضف رشاشات ويقيس الضغط بتاعهم وكمية الضخ
الحاجة التانية ودي فنية شوية ممكن الميكانيكي اللي عملك طقم الشنبر يكون ماضبطش ثغرات الشنابر وخلي وضعهم بعيد عن مكان البنز زدة سهل كشفة بمقياس الضغط للمحرك
غير كدة مافيش اسباب تانية مع التاكيد علي سلامة حساس الكرنك والاكسيجين
تحياتي