لنا الصبر
الكارثة ان ادارة الاهلى مش من الادارات اللى بتغير
اخر واحد افتكره والله مش فاكر كان اسمه ايه مكملش 3 شهور ومشي وبردو كانت نهاية الموسم
من اول ما مسك الاهلى وانا بدافع عنه بس كفاية بقة كدة
عرض للطباعة
لنا الصبر
الكارثة ان ادارة الاهلى مش من الادارات اللى بتغير
اخر واحد افتكره والله مش فاكر كان اسمه ايه مكملش 3 شهور ومشي وبردو كانت نهاية الموسم
من اول ما مسك الاهلى وانا بدافع عنه بس كفاية بقة كدة
البدرى فعلا لا يصلح والله مدرب للاهلى بس الناس تعاطفت معاه بعد ماتش الاتحاد الليبى وقبلها لما اخد الدورى....
بس بجد بيبان المدرب فى الماتشات الى زى دى الاهلى طول الماتش بيلعب كانه لوحده فى الملعب فرص بالهبل ولعيبه مفيش احسن منها والناتج ايه؟؟
مش عارفين يجيبوا جون ولا بيبنوا هجمات خطيره.... الاهلى كدا بقاله كام ماتش استحواذ كبير جدا ولاعيبه من اعلى طراز والمحصله مفيش!!
يلا حرقوا دمنا والله وخلوا شويه لاعيبه متلعبش كوره اصلا يشمتوا فينا....
وكمان عماد متعب بعد الاخت الى كانت معاه دى انسوووووه خلاص.. راح عماد
انا طول عمري اقول علي البدري ده فاشل
ولا خطة و لا فكر و لا منظر للعيبة و لا تغيير عدل ولا توجيه عدل حتي اثناء الماتش
حد يحط ابو تريكة هجوم اومال مين اللي هايحرك الفريق و يصنع اللعب ... شهاب و لا عاشور
حد يسيب جدو ينزل لبعد نص ملعبنا عشان يستلم كورة و يجري هنا و هناك و احنا معندناش مهاجم عدل غيرة
و حتي حسام البدري مش هاين عليه يقوله انت بتعمل ايه
حد يسيب فضل كل الفترة دي في الملعب
حد ينزل اسامة حسني في ماتش زي ده
حسبي الله و نعم الوكيل فيك يا بدري
عندك منتخب مصر و مش عارف تكسب ماتش
كفاية بقي
امشي
ده احنا لو جبنا طارق العشري هايبقي برقبتك يا اخي
" بخصوص متعب "
انا مش عارف ليه الناس مضايقة من متعب كده
طيب ما هو مش هايلعب في اي نادي غير مع الانتقالات الشتويه في يناير
و بعدين هو يعني مش عارف انه مشهور اوي و عارف انه هايتهري تصوير و كل الناس هاتشوفة مع البنت اللي معاه
اكيد عارف
فا اكيد دي مش صاحبتة يعني
و زي ما كلنا شوفنا معملش حاجة غلط لما قعد يتفرج علي الماتش معاها
و اكيد عيب لو طلعت خطيبتة و احنا اتكلمنا عليها ... حرام احنا في رمضان ... مش كده ولا ايه
بس نرجع نفكر الناس بحاجة مهمة و هي " حسبي الله و نعم الوكيل فيك يا بدري "
عينى على اهلى كايرو .......من البدرى و من عمايله
بس نبص للجانب المشرق فى الموضوع اننا مش حنشوف وشه باقى رمضان بس يا خوفى لينكد علينا فى العيد:11::11::11::11:
والله من الاول وانا بقول ملوش لازمه والناس عماله تقول ادوله فرصه
اهو اتنيل وخد الفرصه
لو الاداره عندها دم كانو مشوه من زمان دا انا كنت هتشل من تغييراته
الماتش ده لو إستمر لبكرة الصبح كان زمان بركات بيرفع من اليمين لسيد معوض عشان يرفع من الشمال لبركات عشان يرفع من اليمين لسيد معوض عشان يرفع للأوت
البنت اللي مع متعب دي اسمها يارا ناعوم :s1[1]:ملكه جمال مصر وفي مشروع خطوبه:ask:
شيد حيلك يا متعب
الله يرحم أيامك يامانويل يا جوزيه
موقع جماهير النادي الاهلى ولاول مرة في تاريخه في تقييم اللاعبين يضع المدرب ليتم تقييمه
من اول ما الموقع بدا موضوع تقييم اللاعبين ده من 3 سنين والتقييم على طول للعيبة
اول مرة يحطوا المدرب
انا عن نفسي اعطيته 1 لانها اقل درجة للاسف مفيش صفر