أعمل إيه لو الضابط أخد الرخص و ما رضاش يديني إيصال بها؟؟؟

**temokemo** · 02-09-2010 01:27 AM

المفروض ياخد رخصة العربية والقيادة ويقولة روح المكان الفلاني
انا حصل معايا قبل كدة واخد الظابط رخصة العربية والقيادة

**aymanay32** · 04-09-2010 11:54 PM

المشاركة الأصلية كتبت بواسطة kamalsalem

انا مقريتش كل المشاركات بس ده رأيي

انت تخلي شومة جمب الكرسي، ولما يقولك رخص خليها ف ايدك

اديله الرخص، هتلاقيه بيلف عشان يمشي ويسيبك، قوله الوصل طيب فين يا بيه هينفضلك طبعاً

تقوم انت طاااااخ ومديله بالشومة على راسه، وانزل بمزيكة الكبير قوي وخد وضع استعداد النينجا عشان الامناء وباقي الظباط هنهجموا عليك، نفذ فيهم بالشومة ميهمكش

لكن اياااااك الشومة تروح منك

فعلا دة اللى مفروض يحصل لان مصر الان اللى عاوز يعمل حاجة بيعملها و محدش بيهمه حاجة و الظابط لو حس انك بلطجى و ممكن تاذيه هيقولك اتفضل يا باشا و سير عكس الاتجاه و دوس على موتسيكلى و ده مفتاح الشاليه بتاعى فى مارينا و لو عاوزنى اقول اوبريت حاحا اقوله لك ياباشا

[overline]

كلامى صح و لا غلط

[/overline]

.

**mimo4019** · 06-09-2010 10:50 AM

حصلت قبل كده مع واحد قريبي واتاخد منه الرخص وقاله روح على المرور وفعلا مفيش وصل لأنها في القانون جنحة والمفروض ياخده معاه ويعمل محضر.
بس يا جماعة انا تقريبا كنت قريت في القانون ان لازم يكون فيه علامة ممنوع الدخول علشان يقدر ياخدك مخالفة صح ولا ايه

**Nistelrooy** · 06-09-2010 03:00 PM

المشاركة الأصلية كتبت بواسطة nistelrooy

طيب

سؤال

لو الواحد اتسحب منة الرخص عكس اتجاه .. واخد الوصل اية التصرف الصحيح الي يعملة ..
يروح القسم ولا النيابة ويدفع فين .. ( والقسم والنيابة الاتنين في المرور صح ؟ )

ماحدش قال اية الاجراء الصح علشان لو حصل لقدر الله ..

**kh_talaat** · 06-09-2010 03:05 PM

المشاركة الأصلية كتبت بواسطة Nistelrooy

ماحدش قال اية الاجراء الصح علشان لو حصل لقدر الله ..

المشاركة الأصلية كتبت بواسطة kh_talaat

يا جماعة السير عكس الأتجاة مفيهوش ايصالات

الإجراء القانوني ان الظابط بياخد الرخص وصاحب العربية على القسم ويتعمل محضر ويتحول على النيابة ويتم دفع الغرامة حوالي 1020 جنية

لكن بعد شكوى الناس من الحجز في قسم الشرطة مع المجرمين بقى فيه تيسيير للأمور وهي ان الضابط ياخد الرخص ويقولك حضر مبلغ الغرامة وحصلني على القسم