هل فى حد فكر فى تركيب صدادات حديد للانوس
وهل ينفع
وهل ليها تصريح من المرور
عرض للطباعة
هل فى حد فكر فى تركيب صدادات حديد للانوس
وهل ينفع
وهل ليها تصريح من المرور
حضرتك تقصد صدادات ايه بالظبط ؟
انا جاي في دماغي حاجه زي اكصدامات الماتريكس مثلا ؟!!! ولا انا فاهم غلط ؟
ماشوفتش حتى الان اكصدامات معدنيه للانوس
ولم يتحدث احد عنها
نصيحة أوعي تعمل كدة , شكل العربية هيبقي سيييييء جدا.
تمام زى بتوع الماتركس بس على اصغر
مفيش حد عملها قبل كدة
لو حضرتك قصدك على الدفيندرات - يبقى مستحيل لأنه لازم تكون العربية مكتوب فى الافراج الجمركى بتاعها انها بالدفندرات - عربيات شيروكى كتييييييييييييييييير بتبقى من غيرها مع العلم ان العربية مجهزه لتركيب الدفندر لأنه لم يتم اثباته مع اول ترخيص
بالاضافة زى ما الاعضاء قالوا لحضرتك - تقريبا ملهاش مكان علشان تتركب فيييييييييييييييييه
شكلها حيبقى ردئ
الدفندر لازم يبقى نازل اصلي في العربية عشلان يتثبت في الرخصة و محدش يسحب رخصك
المهم بقى ان الدفندر مايركبش الا في عربية على شاسية مش على علب
يعني بتبقى العربية لها زي قضيبين من الصلب (زي شريط القطار) من تحت شايلين العربية كلها (زي العربيات ال 4*4 و النص نقل)
علشان يستحمل اي خبطة تيجي في الدفندر و يقدر يصدها عن بودي السيارة لحدود معينة
انما لو عربية على علب شاسية (اي عربية على كبالن بتبقى علب شاسية) مافيهاش شاسية بالقوة و لا الصلابة المطلوبة
و هنا بقى لو حد خبط في الدفندر خبطة جامدة
اولا الخبطة تبقى مباشرة في شاسية السيارة و ممكن يتعصر او يتشرخ او يتكسر لو خبطة جامدة
ثانيا الدفندر حايدر عربيتك اكتر من اي عربية تانية تخبطك
لانة بيبقى اقوي و اقسي من صاج و رفارف و اكصدامات العربية التانية اللي حاتخبطك
عاوز اقولك ان فية ناس بتركب 4*4 و لما الدفندر بيتخبط مساميرة بتتقطم و ساعتها الدفندر بيلف و يخبط عربيتك من فوق الكبوت و يضرها اكتر بكتير من عدم وجودة و علشان كدة بيشيلوة
يعني سلاح ذو حدين من الاخر
دفيندر علي عربيه سيدان = واحد لابس كوتشي علي لبس كلاسيك
:L_bhuhhh[1]::L_bhuhhh[1]::L_bhuhhh[1]::L_bhuhhh[1]::L_bhuhhh[1]:
عمرى ماشوفتها
انا شفت لانوس مركب ديفندر بس كان شكله سئ جداً جداً ,
طاب ممكن تصور العربية دى
او على الاقل عملها ازاى
انا نفسى جدا اركب حاجة ذى كده ولو ينفع كنت اعمله داير مايدور حوالين العربية عشان الميكروباصات عندنا فى عين شمس وكمان خط (الطرية المرج) مبلطجين متعرفش تقرب منهم ولو ماوسعتلوش هيخبطك هيخبطك وانا معظم تحركاتى فى المطرية وعين شمس
اللى عنده حل ياريت يقوللى
طيب ليه محدش فكر انه يقوي البار اللي بالعرض تحت الإكسضام؟
حيكون مخفي وفي نفس الوقت يدي صلابه لوش العربية عشان الخبطات الأمامية
ازى يعنى ياباشا
ممكن تشرح اكتر
ده تصميم وكل حاجه ليها مقياس ومعيار ثابت لو اتغير ممكن يؤثر بالسلب علي الآداء والثبات
انا طبعا مش فاهم قصدك بالبار ايه (يمكن اللي ورا الاكصدام؟)
عموما الديفندرات دي بتخاي الخبطاط دايما تسمع في الشاسيه وممكن مع خبطه جامده شويه يتشرخ مع انه بدون الديفندر مايحصلوش حاجه ( ده تصميم عربيه) وده شاسيه مش اي حاجه
كلام سليم
مرة زمان كنت عند السمكري شفت ولد جايب 128 واخدة حادثة وبسبب انة مركب "كمرة صلب" (زي اللي السمكرية بيدقوا عليها الصاج لاستعدالة
و كان مركبها بدل الاكصدام) و حاطط عليها اكصدام فيبركانت النتيجه فردتين شاسية و الكمرة حتى ماتعوجتش
ماشي كلام مقنع برضو
بس بححاول أفكر معاكوا بصوت عالي :toot:
شوف اللي بيركبوا دفندر في الماتريكس
لو خبط خبطة متوسطة مش حانقول كبيرة, اللي بيحصل ان القواعد (الخوص) اللي راكب عليها الدفندر بتلوح فردة الشاسية و ممكن كمان تسبب عصرة او قطع فيها
و لو الخبطة اقوي شوية المسامير اللي راكب عليها الدفندر بتتقطم او تتلوح والدفندر نفسة بيلف لورا و يخبط كبوت و رفارف العربية
يبقى الدفندر سلاح ذو حدين, و ماينفعش يركب في عربية على علب بتاتاً, و انما فقط في عربية على شاسية علشان يستحمل اي خبطة في الدفندر و يحكمة و مايتسببش في اي اضرار للعربية نفسها