حماتى حتعمل عملية فى المرارة وانا جبتها من السويس الى المعادى عشان تكشف و الدكتور قالها تروحى الى مستشفى الكاتب عشان تعمل عملية غدا انن شاء الله
لو سمحتم حد يوصفلى الطريق من السويس ومن المعادى ولكم جزيل الشكر
عرض للطباعة
حماتى حتعمل عملية فى المرارة وانا جبتها من السويس الى المعادى عشان تكشف و الدكتور قالها تروحى الى مستشفى الكاتب عشان تعمل عملية غدا انن شاء الله
لو سمحتم حد يوصفلى الطريق من السويس ومن المعادى ولكم جزيل الشكر
و انت جاى من السويس اطلع الدائرى فى اتجاه المعادى و انزل الكورنيش يمين (و لو انت فى المعادى تاخد الكورنيش) و تكمل و تخش شارع القصر العينى لحد ميدان التحرير و تاخد كوبرى قصر النيل و تعدى على الاوبرا و تعدى فرع النيل الصغير هتقف فى اشاره فى ميدان (اللى هوه عند شيراتون) هناك خليك يمين شويه علشان اول ما تعدى الميدان هتشوف بنزينه على يمينك هتخش الشارع اللى هى على ناصيته و هتكون البنزينه على شمالك .. هتمشى حوالى 200-300 متر هتلاقى نفسك فى ميدان السد العالى (فينى سابقا) ... المستشفى فى شارع متفرع من هناك ... الركنه مأساه فنصيحه اول ما تخش جنب البنزينه اسأل بالظبط على المستشفى علشان توصل الوالده و تنزلها قدام المستشفى و تعيش انت مع الركنه ...
ربنا يقومها بالسلامه ان شاء الله
انا عاجز عن الشكر والمجهود فى الوصف وربنا يبباركلك
ربنا يقومها بالسلامة
بعد المشوار الدكتور اجلها الى يوم الثلاثاء القادم وربنا يستر