موضوع غريب حصلى فى الصيانة !!!!!!! ارجو الافادة .....

**noni67** · 12-03-2008 07:51 AM

ما تقلقش يا مان غسيل العربية بالماية عادى بس مش برة التوكيل لان العربية ما فيهاش اسبراتير ممكن يضار من الماية
اما موضوع البطارية فاغسل الاقطاب بماية سوخنه علشان تزيل التمليح كويس اوى
وبعدين هات علبة فزلين نقى من الصيدلية وادهن بيهم الاقطاب كويس جدا ومش هيملحوا تانى خالص

**Sherif Khalifa** · 15-03-2008 02:21 PM

غسيل المتور بالماء عادى بس المهم انك تغطى الموبينة و علبة الفيوزات بكيس بلاستك
انا بغسل بمية و صابون و جاز كل شهرين تقريبا و الحمد للة مفيش حاجة بالعكس دى احسن حاجة لازالة ترسبات الزيوت و التراب الى عليها

**kh_elshiemy** · 15-03-2008 05:49 PM

المشاركة الأصلية كتبت بواسطة hazem_khidr

بص يا وليد الموضوع ما فيهوش حاجه
بالنسبه لغسيل الموتور بالميه ف هما عارفين هما بيعملوا ايه و لما كنت في توكيل تويوتا لقيتهم بيعملو كده بمسدس فاكيددا عادي و عارفين الاماكن الحساسه اللي المفروض الميه ما تجيش ناحيتها.
بالنسبه للبطاريه فدا عادي اغلي ميه و صبها علي الصوابع و حتت شحم صغيره فوق الصوابع و خلاص

+1 تمام هو دا الحل

**faisal1975** · 19-03-2008 09:36 PM

السلام عليكم ورحمة الله وبركاته
طبعاً انا حبيت اقول معلومة صغيرة عرفتها من مهندس ميكانيكا فى مدرسة تعليم القيادة بخصوص اقطاب البطارية المملحة يمكن تفيد ؟
طبعا كلنا عارفين ان البطارية بتخرج 12 فولت لتغذية العربية بالكهرباء وبيعاد شحنها عن طريق الدينمو اللى بيحول الطاقة الحركية الى طاقة كهربائية وبيشحن العربية بطاقة قدرها ما بين 15 الى 16 فولت ، لو قل شحن الدينمو للبطارية عن 15أو 16 فولت طبعا البطارية تبقى ضعيفة وما تشغلش العربية ولو زاد الشحن عن المعدل السابق بيحص موضوع الملح على اقطاب البطارية علشان كدة كان بيقول ان من الأخطاء الشائعة ان يتم دهن الأقطاب بشحم لأن الموضوع ده محتاج زيارة للكهربائى علشان يظبط شحن الدينمو للبطارية ؟ يعنى موضوع الملح ده ملوش علاقة بغسيل العربية بخرطوم الميه يعنى ابقى قول للتوكيل على الملح على الأقطاب أما موضوع الموتور بصراحة معنديش خلفية عن مدى ضرره بس بشوف ناس كتيرة بتعمل كده بس المية ما تيجيش ناحية البوجيهات ،،،، وشكر
اتنمى انى اكون اضفيت معلومة للجميع