اغنية " اهل كايرو" حسين الجاسمي تحفة عن الواقع الحالي

بالصدفة سمعت الاغنية دي
كلماتها شدتني اني اتفرج علي المسلسل
المسلسل بيتكلم عن واقع حالي و شخصيات تكاد تنطبقي علي الحقيقة بصراحة تحفة
اسمعوها و قلولي رايكم
[youtube]http://www.youtube.com/watch?v=8A-XbabbryM&feature=related[/youtube]

جميله جدا

أنا مش متابع المسلسل بس فى ناس بتشكر فيه....
بس سمعت الأغنية....حلوة أوي..حسين الجاسمي بيتكلم مصري احسن مننا ههههههههه
فى برضه أغنية سمعتها بالصدفة و لفتت نظري .. اغنية النهاية لمسلسل اسمه مملكة الجبل

سمعتها وعجبتني قوي
وكلامها واقعي فعلا والبدل فعلا بتداري !!

اغنيه جميله

فيه حد معاه تليفون دكتور نفسانى ههههه

بس الاغانى حرام واحنا فى رمضان وكل واحد حيسمع الاغنيه حتاخد عليه زنوب

استحمل بقا :)

انا عن نفسى مسمعتهاش من هنا عشان عارفها يعنى محملتكش زنبى

على فكره تتر المسلسل رائع
والمسلسل بصراحه يشد
أنا متابع المسلسل من أول حلقه بصراحه تحفه
خالد الصاوى ده ممثل عامل زى البحر ملوش كبير فى التمثيل وبيتقمص كانو أصلا مولود بالشخصيه دى
بصراحه هوا مسلسل وقصه ممتازه

المسلسل ده اول حلقة اشمتزيت منه من كتر الشتايم اللي فيه
بس للاسف هو ده واقع اهل كايرو على كافة المستويات الشتايم بقت ثقافة شعب كامل
لكن بعد كدة الاحداث شدتني ونسبة الشتايم اقلت
اما الاغنية فعلا ملائمة لحالنا

اقتباس:

---

المشاركة الأصلية كتبت بواسطة حماده عزو

على فكره تتر المسلسل رائع
والمسلسل بصراحه يشد
أنا متابع المسلسل من أول حلقه بصراحه تحفه
خالد الصاوى ده ممثل عامل زى البحر ملوش كبير فى التمثيل وبيتقمص كانو أصلا مولود بالشخصيه دى
بصراحه هوا مسلسل وقصه ممتازه

---

+11111111111111

دة المسلسل الوحيد اللي انا متابعاه في رمضان
مسلسل فعلا جامد جدا و فيه اسقاط على كل اللي بيحصل في المجتمع المصري
اما بقى خالد الصاوي فا دة مالوش حل ( السهل الممتنع ) انا حاسة ان هو فعلا ظابط مباحث من شعر راسه و حتى اخمص قدميه

اما بقى التتر فا دة حكاية لوحدة انا كل ما المسلسل بيتعاد على اي قناة لازم اسمعه تاني و تالت

.

الأغنية كأغنية حلوة لكنمحبتش ان يتقال كدة على اهل كايرو اه دة واقع و موجود

بس عمركم شفتو حد عمل اغنية بتوصف حال بلدها بالمنظر دة؟؟؟؟

احنا بس اللى بنعرف نطلع فضايحنا

متتصوروش لو مصرى اتخانق مع واحد عربى بيقولو عالشعب المصرى ايه و تكمل كمان باللأغنية دى

الاغنية فعلا حلوة اوى بالظبط حالنا
الصبح ازاى و بليل ازاى

بصراحه خالد الصاوي ده بقي عملاق

علي راي المنتج بتاع العدل جروب (مش فاكر اسمه بصراحه بس هو اخو سامي العدل)

خالد الصاوي استوي وبقي طعمه حلو قوي

والمسلسل رائع انا تابعت منه 10 حلقات بس للاسف ماكملتش علشان الامتحانات

بس ان شاء الله انزله واتفرج

اللي احلي منه تتر مسلسل العار
قولو للى اكل الحرام يخاف بكره اللي كله يفسدو ...............يابا الغنى بالحرام لو شاف ابن الحلال يحسدو