الموضوع: الغاء بلف ال egr لتزويد الاداء بالصور

والله استفدت كتير معلومات فعلن مفيدة تسلم ايدك بارك الله فيك وفي اولادك

المشاركة الأصلية كتبت بواسطة عصام غنايم

بص كلنا عندنا وعيى بيئى وبنحب نحافظ على البيئه

بس عايزك تجاوبنى على سؤال

عربيه راكب فيها نظام بيئى كامل ومبتصينش صح من تغيير زيت وفلاتر وبوجيهات هتطلع عوادم ملوثه للبيئه اكتر ولا عربيه بتتصين صح وحريقها مظبوط ومفيهاش نظام بيئى

وللعلم علبة البيئه لها عمر افتراضى لازم بعده تتغير والا تحولت الى مخزن سموم يضر البيئه ويؤثر بالسلب على الموتور وعلى استهلاك البنزين فى حال انسدادها جزئياٌ او كلياٌ

بس مين فينا هيروح يغير علبة بيئه بالف جنيه وهو بيغير سير الكاتينه مثلاٌ
طبعاٌ مفيش

يبقى لما تبوظ ومفيش معانا نغيرها بواحده جديده
نشيلها افيد لينا وللبيئه

وبكرر كلامى

بلف ال egr ميتلغاش الا لو بايظ ولازم تكون علبة البيئة متشاله اصلاٌ لانهم مرتبطين ببعض

او تكون عايز تطير من على الارض وحركة البلف بتضايقك فى السرعات العاليه

لو كنت لاتتبع الحاله الاولى او الحاله الثانيه

متجيش جنب بلف ال egr

عصام باشا

طبعا الاختلاف فى الرأى لا يفسد للود قضية . دى اهم نقطة عندى

بس عن نفسى لو باظت علبة البيئة هغيرها زييها زى اى قطعة غيار لازم تتغير طبعا كل واحد حر . فى اوروبا تحديدا سويسرا من حوالى 15 سنة او اكتر صدر قانون اجبارى لتركيب وحدات تنقية للسيارات التى كانت غير مدعمة لهذة الخاصية او انك تكهن العربية و تجيب جديد . من 9 سنين صدر قانون اجبارى على لمبات الفلورسنت انك لازم توديها لمحل بيع لمبات لاحتوائها على غاز ضار بالبيئة و يتم التعامل مع اللمبات فى مصنع متخصص لتفريغ الغاز و ليس اطلاقها فى الهواء و كمان كنت بتدفع عليها رسوم بس بعد كدة بقت مجانى و لو حد اتظبط بيحطها فى الزبالة او بيكسرها فيها حبس و لا زالت مستمرة حتى يومنا هذا و ليس فقط على الفلرسنت انما كمان على اللمبات الحديثة الموفرة للطاقة بها نفس الغاز . كمان قبل ما يخترعوا غاز الفريون صديق البيئو كان اجبارى لو عاوز ترمى تلاجة او ديب فريزر انك تكهنها فى مكان محدد او تطلب ناس يخدوها و برضة نظير فلوس سواء وديتها بنفسك او طلبت حد يخدها دى بس امثلة على طريقة تعامل الناس هناك فى المحافظة على البيئة مش هنا العيال تلاقيها ماسكة اللمبة الفورسنت يلعبوا بيها لحد ما يفرقعوها ولا اللى بيشحنوا تلاجات و لا مكيفات و لا حتى عربيات تلاقى الغاز طاير منهم فى الهوا . و الله بشوف الكلام دا و اشتعجب شوف احنا بنعمل اية و هناك بيعملوا اية .. معلش انا كنت عايش برة و عارف الكلام دا فيمكن طريقة تفكيرى واخدة منهم عن اقتناع احنا لسة موصلناش مع الاسف للوعى البيئى زى مبتقول و لسة بدرى و يا عالم هنوصل و لا لأ الا لو صدرت قوانين الزامية ههههههههه زى المثلث و علبة الاسعافات !!!!! . تقبل تحياتى . اخوك كريم