سؤال محيرني

**eldeplomasy** · 09-03-2008 11:52 PM

ايه الفرق بين الموتور ال 8 صباب وال 16 صباب والاتنين 1600 سي سي لان الكلام ده قابلني عن شراء بعض السيارات الجديده لقيت الفرق ده

في ناس قالتلي الفرق في قوة الموتور وناس قالت في العزم وناس قالت في السخونه وتضاربت الاقاويل فقلت اسال اهل الخبرة وشكرا جزيلا

**Xpert** · 10-03-2008 12:22 AM

مايحيركش يا باشا انت تسأل و احنا نجاوبك ..اولاً اعتقد ان ده مكانه في التعليمي مش هنا ... ما علينا ...
بص يا سيدي ... اي عربيه ليها صبابات .. (معظم المواتير علشان فيه مواتير ال 2 ستروك مالهاش .. بس دي في الموتوسيكلات مش عندنا ...) ...
الصبابات دي هيا نهايه مجره الهواء اللي داخله للموتور .. و بدايه المخرج ...
فل كده ؟ ايه فايده الموتور ال 16 صباب و الموتور ال 8 صباب و الكلام ده ... انا هاقولك ... بفرض تثبيت جميع المتغيرات و ناخد موتوره نفس السي سي و نفس القوه ( و ده فيه منه مثال حي في البي ام و علشان كده انا باجاوبك بقلب جامد) ... و نثبت السي سي عند ال 1600 مثلاً ... و نجيب موتورين واحد 16 صباب و التاني 8 صباب ...
ايه الفرق بينهم ؟ هانلاقي الموتور ال 8 صباب غالباً راكب فيه كامه واحده ... و ال 16 صباب 2 كامه ...
ايه الفايده ؟ .. لما يبقي عندك وش سلندر فيه 16 صباب ( بيبقي نصهم طبعاُ intake و نصهم exhaust .. يعني نصهم مدخل و نصهم مخرج ..
تلاقي ان الوش ال 16 صباب ال air flow فيه بيكون احسن ... و بالتالي ده "يفٌوق" الموتور و يخليه يسحب هواء اكتر و يطرد اكتر .. و بالتالي هايبقي موتور بتاع جري ..ال 2 كامه بيزود ال horse power & top speed ...
في حين الموتور ال 8 صباب هايكون "مكتوم" و بالتالي فيه تورك اعلي بس هورس باور اقل ....
الخلاصه : مواتير ال 16 صباب او ال 2 كامه(DOHC) او ال 4 سلندر ال 20 صباب و ال 5 سلندر 24 صباب دي بتكون مواتير سبورت و الهورس باور اعلي ... في حين ان موتور ال 8 صباب او ال OHC او ال 6 سلندر 12 صباب او كده .. دي مواتير بيكون عزمها شديد ...
طبعاُ مع ملاحظه تثبيت المتغيرات التانيه .. لأن مش دي بس اللي هاتفرق ...
التقسيمه : لو 4 سلندر : 8 صباب : 4 هواء و 4 شكمان قسمه علي 4 تلاقي 1 هواء و 1 شكمان لكل بستم)
لو 16 صباب: 8 هواء و 8 شكمان (بالقسمه علي 4 تلاقي 2 هواء و 2 شكمان لكل بستم)
لو 20 صباب 12 هواء و 8 شكمان ...(بالقسمه علي 4 تلاقي 3 هواء و 2 شكمان لكل بستم)
بس كده .. جمعت ولا لسه ؟

**sab3aawy** · 10-03-2008 10:47 AM

كنت داخل سانن سنانى علشان ارد رد مفتخر ، لقيت بيشو ماسابليش حاجة اقولها لأنه قال كل حاجة ومتهيالى كدة الفرق واضح بين ال 8 صباب وال 16 صباب

**Xpert** · 10-03-2008 11:05 AM

شايلينك للتقيله ;) :d

**MMamdouh** · 10-03-2008 11:39 AM

المشاركة الأصلية كتبت بواسطة sab3aawy

كنت داخل سانن سنانى علشان ارد رد مفتخر ، لقيت بيشو ماسابليش حاجة اقولها لأنه قال كل حاجة ومتهيالى كدة الفرق واضح بين ال 8 صباب وال 16 صباب

10+

MMamdouh

**Xpert** · 10-03-2008 03:36 PM

استهلاك البنزين بيبقي بناء علي متغيرات كتيره .. بس عامه بيبقي استهلاك البنزين اعلي شويه (مش اعلي يعني بلاعه .. بتفرق حاجات بسيطه يعني ...) ... من الصوت ماعرفش بقي .. بس مصنعين السيارات بيحبوا الرسم و الفذلكه و يحبوا يكتبوا علي العربيه و الموتور 16v ... (طبعاُ البي ام لاء .. بس الموتور معروف في البي ام مثلاً 318is .. و كده .. و الاس دي بتبقي اختصار سبورت ...)