الحمد لله أخويا عمل حادثة بعربيته اللانوس امس ومحتاج مساعدتكم

الحمد لله علي كل شيء وقدر الله وما شاء فعل

اخويا عمل حدثة امبارح وه رايح شغله للمنصورة , سرح وهو ماشي ولكن الحمد لله ان السرعه كانت بطيئة ولطش في توكتوك وبعده خبط في شجرة وكسرها وبعدها نزل في مصرف صغير جنب الطريق
الخسائر الحمد لله هو سليم ولكن اللي كان راكب التوكتوك في المستشفي وربنا يسرتها
العربية خسائرها:- وش العربية بالكبوت والناحية الشمال لحد المساعد الشمال محتاجه تتغير والمحرك سليم ولكن محتاج بعض القرب والرادياتير وبعض الحاجات البسيطة
عايز أرائكم لمساعده وياريت أسعار قطع الغيار وياتري هيجيب ربع ولا نص كامل وياريت لو حد يعرف حد كويس هنا في القاهرة أو بورسعيد عنده قطع غيار استعمال يقول او يعرفنا العنوان او رقم التليفون او من المنصورة يبقي أفضل ولكن اسمع انهم في المنصورة بيغنو علي الأسعار

وجزاكم الله خيرا

قدر الله وما شاء فعل واللي يجي علي الحديد في داهيه المهم ان اخزك بخير

الحمد لله ان اخوك بخير والحمد لله ان الخسائر فى الصاج


بس بتاع الدكتوك عايز يتولع فيه بجاز علشان ماشى على طريق سريع بتكتوك ربنا ياخدهم كلهم ولاد التيت دول

اقتباس:

---

المشاركة الأصلية كتبت بواسطة bakkarahmed

قدر الله وما شاء فعل واللي يجي علي الحديد في داهيه المهم ان اخزك بخير

---

اقتباس:

---

المشاركة الأصلية كتبت بواسطة احمد المصرى

الحمد لله ان اخوك بخير والحمد لله ان الخسائر فى الصاج


بس بتاع الدكتوك عايز يتولع فيه بجاز علشان ماشى على طريق سريع بتكتوك ربنا ياخدهم كلهم ولاد التيت دول

---

جزاكم الله خيرا
للأسف هو مش طريق سريع ده داخل قرية عادية جدا في الأرياف والحق يقال ان اخويا هو اللي غلطان والله المستعان

قدر الله وما شاء فعل , الحمد لله انها جت على اد كده

الحرفيين وشارع العشرين فيهم ناس كتير بتوع استيراد , واحسن واحد في العشرين ابو هاشم , عنده كل حاجه نضيفه فعلا

انا هقولك على اسعار اللي اعرفه (استيراد)

الريدياتير - 200 الى 250 جنيه
الإكصدام الامامي بدون شاسيه حديد(قشره فقط) - 300 الى 350 جنيه
الكبوت - 600 الى 650 جنيه (تقريبا)

الف حمدا لله علي سلامة اخيك وربنا يتمها عليكم بخير والراجل الي في المستشفي يطلع بالسلامة

ثانياً شارع الشعراوي بالهرم خلف فندق سياج به محلات اولاد سوسو وبجواره محلات الشيخ وعنده اكثر من 30 نصف امامي ومستعدين لفك اي شيئ منهم وبيعه واسعارهم قابلة للتفاوض وانت وشطارتك

نسيت اقولك ان قربة المياه بالغطاء قالي ب 100 جم واخذتها ب 60 جم

اقتباس:

---

المشاركة الأصلية كتبت بواسطة tarek_2005

الف حمدا لله علي سلامة اخيك وربنا يتمها عليكم بخير والراجل الي في المستشفي يطلع بالسلامة

ثانياً شارع الشعراوي بالهرم خلف فندق سياج به محلات اولاد سوسو وبجواره محلات الشيخ وعنده اكثر من 30 نصف امامي ومستعدين لفك اي شيئ منهم وبيعه واسعارهم قابلة للتفاوض وانت وشطارتك

---

+1

انا اسمع ان سوسو ده فعلا كويس , بس بصراحه مكنتش عارف مكانه

قدر الله وماشاء الله
وباذن الله ربنا يقوم الراجل بتاع التكتك على خير
وربنا كرم اخوك وباذن الله ربنا يسترها معاه ومعانا

اقتباس:

---

المشاركة الأصلية كتبت بواسطة tarek_2005

الف حمدا لله علي سلامة اخيك وربنا يتمها عليكم بخير والراجل الي في المستشفي يطلع بالسلامة

ثانياً شارع الشعراوي بالهرم خلف فندق سياج به محلات اولاد سوسو وبجواره محلات الشيخ وعنده اكثر من 30 نصف امامي ومستعدين لفك اي شيئ منهم وبيعه واسعارهم قابلة للتفاوض وانت وشطارتك

نسيت اقولك ان قربة المياه بالغطاء قالي ب 100 جم واخذتها ب 60 جم

---

ربنا يكرمك ويجزيك خيرا وجميع الأخوة الأعضاء بس طلب منك او اي حد من الهرم يجيبلي رقم تليفونه عشان انا مش عارف حاجه في الهرم فهتصل بيه واتابع معاه ازاي اوصله

وجزاكم الله خيرا مرة أخري

الحمد لله على كل حال
انا كنت لسه مجدد عربيتى من كله سمكره ودوكو وفرش و...........
واول ماستلمتها توكتوك برده حبطلى جنب العربية كله من اول الفانوس الامامى وحت الفانوس الخلفى وطبقى لى الصاج كله
مش عاوز اقولك اتضايقت قد ايه لكن فى الاخر قلت الحمد لله على كل حال.
وربنا يستر على سواق التوكتوك ويقوم بالسلامه وحسبى الله ونعم الوكيل فيهم كلهم بتوع التكاتك

وانا راجع من عملي اليوم افوت عليه واجيب رقم تليفونه وابلغهولك بعد صلاة التراويح ان شاء الله

اولا الف حمدلله علي سلامه اخوك ويارب يرجع بتاع التوكتوك لاهله سليم ان شاء الله

بص في واحد بتاع قطع غيار مستعمل في شارع العشرين متفرع من فيصل اسمه هيثم سوسو

انا اتعاملت معاه في كمبريسور تكييف وهو باين عليه شخصيه محترمه وعنده كل حاجه لو حتي عايزني اوصلك لغايه عنده

قولي لاني حافظ الطريق ومعرفش العنوان بالتفصيل او رقم التليفون كل اللي اعرفه انه في اخر شارع العشرين ..

قدر الله وما شاء فعل

....................
..........................
..............................

انذار ووقف اسبوع مع التخفيف افتراضا لرغبتك فى مساعدة الاعضاء فقط لمخالفة القاعدة 11من قوانين المنتدى
يرجى مراجعة قواعد المنتدى
8:10pm 31/8/2010
المشرف العام 5

جزاكم الله خيرا وبارك الله لكم جميعا وتقبل منا ومنكم صالح الأعمال وجاري الاتصال وتجميع الأسعار ان شاء الله
وربنا يوفق للخير باذنه

لا شكر علي واجب واعانكم الله علي الاصلاح وطمنا بعد الاصلاح والتكلف اد ايه وربنا يعوض عليكم

اقتباس:

---

المشاركة الأصلية كتبت بواسطة tarek_2005

لا شكر علي واجب واعانكم الله علي الاصلاح وطمنا بعد الاصلاح والتكلف اد ايه وربنا يعوض عليكم

---

ربنا يكرمك ويجعله في ميزان حسنات حضرتك
ان شاء الله سوف أوافيكم بالتفاصيل لأن الموضوع هيطول لحد ما تنتهي السيارة نهائيا ان شاء الله

حمد الله عالسلامة قدر الله وماشاء فعل"

الحمد لله ان ربنا سترها وخليه يدبح حاجه لله فداء ليه وللاسرته
وايسر الامور ان شاء الله فرخه

قدر الله وما شاء فعل

قدر الله وما شاء فعل يقوم بتاع التك تك بالسلامة