أخوانى الاعزاء كل عام وانتم بخير
معلش بتقل عليكم بس عاوز اعرف الاوبترا اتوماتيك احسن ولا الالنترا اتوماتيك ؟
وبعدين انتم عارفين ان الواحد مش كل يوم بيشترى عربيه زيروا .
عرض للطباعة
أخوانى الاعزاء كل عام وانتم بخير
معلش بتقل عليكم بس عاوز اعرف الاوبترا اتوماتيك احسن ولا الالنترا اتوماتيك ؟
وبعدين انتم عارفين ان الواحد مش كل يوم بيشترى عربيه زيروا .
العربيتين يعتبروا رائعين و مفيهمش عيوب ....الاوبترا متهيألي ارخص شوية من الالنترا...و اوسع في الصالون
لكن العربيتين ممتازين و يعيبهم التوكيل فقط
بصراحه بين الموديلين اللي حضرتك بتتكلم فيهم دول انا شايف انه الانترا شكلها الذ بس خد بالك الانترا شكلها هيتغير على شهر 3 اللي جاي
وبعدين الفتيس الcvvt بتاع الانترا مس بيحسسك بالغيارات خالص (انا فاهم فتيس الانترا صح مش كده؟)
انا برشحلك الالينترا عن تجربة عشان كان معايا اوبترا 2007 و كان معايا الينترا 2008
الالينترا ستابل جداً على الطريق و في السرعات العالية
تسارع الموتور حلو جداً
ناعمة فوي في سواقتها
الدركسيون ناعم جداً في السرعات المنخفضة و بيكلبش في السرعات العالية عشان باور كهربائي
انا كنت بسافر اسكندرية مقفل العداد 220 و سايب الدركسيون خالص و العربية ماشية في نفس حارتها
صالون الالينترا واسع جداً و اوسع من الاوبترا رغم ان صالو الاوبترا كبير بردو بس الالينترا اكبر منو
يعيب الالينترا بس انها واطية شويه خد بالك في المطبات و خدها بشويش عشان متحكش منك
و لعلمك هوا ميعتبرش عيب عشان كانت معايا البورا بتعمل نفس الكلام و البي ام
و ربنا يهديك للاختيار السليم و كل سنة و انت طيب
انا ميسوط
ان الناس ردت بهذة الطريقة المحايدة
بصراحة كنت متوقع الاقى الكل رافع لافتة بيقول اوبترا اوبترا على اساس ان دة قسم شيفورلية
بس تمام ان الردود حيادية
فعلا قسم رجالة
اما عن رأي انا لا استطيع قولة
لانى مش بحب الهيونداى بجميع موديلاتة اية السبب ماعرفش ( يمكن عقدة نفسية:whtauwant: )
ويمكن علشان اول ما نزلت العربية كانو بيقولوا عليها تقليد هوندا حتى لو لاحظت ان العلامة شبيهة جدا بهوندا
و يمكن علشان انا شايف ان عربيتى افضل ؟
او علشان الاوبترا اعلى وبالتالى مابتكحتش فى الارض مع المطبات
او فرق السعر لصالح اوبترا
مش عارف
على العموم لولا تعدد الازواق لبارة السلع
بالتوفيق فى الاختيار
العربيتين كويسين
قارن بينهم وشوف انهى اللى هاتناسبك
وعموما الالنترا احدث وموتورها اقوى واعتقد ان استهلاكها للبنزين بتاعها احسن من الاوبترا ( اسمع انها متوسط 250 كم فى الصفيحه ودا حلو جدا )
لكن تقريبا مفيش فرق فى الثبات ولا الوسع ولا قوة التكييف اعتقد انهم متساويين فى النقط دى
الاوبترا عمليه اكتر فى الطرق المكسره عشان اعلى
الاتنين عفشتهم حلوه مش ناشفه
قطع غيارهم موجوده ومنشره بس الاوبترا حاجتها أرخص شويه
السعر والكماليات فى صالح الاوبترا ( أرخص وكماليتها أكتر )
التوكيلين فى منهم شكاوى كتير بس انا جربت الاتنين ومنصور احسن بالنسبه لى فى نقطه المواعيد والانتظار
فى منصور انا بالكتير باقعد ساعتين والمصنعيات وقطع الغيار ارخض شويه من هيونداى
هيونداى كنت اقل حاجه باقعد 6 ساعات والعربيه بتبقى مظبوطه تطلع خربانه !!
استخبر ربنا وبالتوفيق ان شاء الله
لا دا مش فى الالنترا دا فى اللانسر بوما 2009 وماقبلها
انا بفضل الانترا الصراحه...بس الفرق مش مهول بين الاتنين
رأيي الشخصي هات الأنترا احسن بس مش علشان عيب في الأوبترا بس علشان الألنترا احدث و اأفخم اما موضوع الثبات فالأوبترا اثبت من الأنترا وده معروف وعالفكره فرق الموتور بين الأتنين مش كبير
شاكر جدا لجميع ألاخوه اللى شاركوا باراهم وأفادونى برايهم
واشكر الاستاذ حسام اوبتراوى على رايه لانه عجبنى انه ذكر فى رايه اهم حاجه الواحد يفكر فيها عند الشراء بغض النظر عن الشكل والفخامه وهما :
الاوبترا عمليه اكتر فى الطرق المكسره عشان اعلى
السعر والكماليات فى صالح الاوبترا ( أرخص وكماليتها أكتر )
وأحب أضيف أن الثبات أيضا فى صالح الاوبترا
طبعا شراء عربيه عمليه احسن من شراء عربيه شكلها احلى
شكرا لكم جميعا وكل عام وانتم بخير .
وإن شاء الله هجيب الاوبترا أتوماتيك لانها فعلا الافضل واللون ان شاء الله هيكون أسود لانه أشيك لون فيها .
الCVVT دي تكنولوجيا في الموتور مش الجيربوكس و هي بتتحكم في توقيت فتح وقفل فالفات الهواء الداخل للمحرك والعادم الخارج منه سواء تأخيرها أو تقديمها حسب الاحتياج (Continuous Variable Valve Timing) و أول من استخدم التكنولوجيا دي هي ألفا روميو سنة 1980 و طوروا فيها لحد ما بقيت DVVT (Double Continuous Variable Valve Timing)