| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 4 1 2 3 4 الأخيرةالأخيرة
النتائج 1 إلى 10 من 37

  1. #1

    الصورة الرمزية asemx1

    رقم العضوية : 28488

    تاريخ التسجيل : 26Dec2008

    المشاركات : 1,128

    النوع : ذكر

    الاقامة : Mansoura

    السيارة: None

    السيارة[2]: Yaris

    دراجة بخارية: لايوجد

    الحالة : asemx1 غير متواجد حالياً

    Arrow شرح مفصل للنظام VVTi لمحركات تويوتا - Facebook Twitter whatsapp انشر الموضوع فى :

    السلام عليكم ورحمه الله وبركاته

    كل واحد فينا عنده تويوتا سواء كورولا او ياريس او اى حاجه ماشيه بالبنزين بتبتدى من موديل 2000 هيهمه الموضوع دا اوى ......
    اشمعنى ؟؟
    لان عيب اوى انك تكون سايق عربيه ومش عارف الى فيها ومش عارف ايه التكنولوجيا الى محطوطه فيها (بالنسبالى كدا )
    طيب موضوعنا بقى عن ال VVti وهوا اختصار Variable Valve Timing with intelligenc

    معناها ايه ؟؟؟ معناها تغيير توقيت فتح وغلق الصمامات بتاعت ( السحب او العادم ) بذكاء مش فاهم حاجه اكيد صح ؟؟؟؟ اوعى تمشى الجاى احسن بكتير
    اول شركه اخترعت النظام دا هيا تويوتا وكانت سنه 1996 وتم تطبيقها فى المواتير من اول 1999
    .
    .
    ايه دا يعنى ماتورى مش نوعه VVTI ؟؟؟؟؟؟ لا ماتورك شغال بنظام VVTI

    .
    .
    نيجى بقى للمفيد .....
    فتح دماغك معايا كدا وتخيل الى بقوله

    نظام vvti دا تطبيق لدوره miller القياسيه

    .
    .
    هتلاحظوا ان المخطط هنا هوا القدره المفقوده او الغير مستفاده فى ال 3 اشواط ( انضغاط وسحب وعادم )
    والاحمر كله هوا القدره المستفاده ( شوط القدره )
    يعنى اييييييييييه ؟؟؟ يعنى القدره المستفاده اكبر بكتيييييير من القدره المستهلكه

    ولبتوع هندسه بقى سبب الحوار دا هوا ان ال compression ratio اصغر من ال expansion ratio ....
    .
    طيب نيجى بقى للشرح البلدى اوى
    ايه بقى الفايده من دا ؟؟

    .
    شايفين الى متشاور عليه بالسهم دا ؟؟؟ دا الصمامات
    طيب الصمامات دى فايديتها انها بتدخل الهوا وبتخرج العادم فى توقيتات معينه فى الاشواط

    بالنسبه لاى محرك مافيهوش vvti الصمام بيفتح وبيقفل مسافه معينه مابتتغيرش فى السرعات الهاديه او الكبيره
    تخيل بقى ان اى صمام فيهم اقصى فتح ليه مسافه 3 سم فى شوط دخول الهواء فى اى سرعه
    وتخيل انك ماشى على سرعه عاليه هيدخل هوا كتيييييير وبنزين كتييير علشان يكون خليط الوقود والبنزين متجانسين ويحدث اشتعال
    طيب نيجى بقى على السرعات المنخفضه
    برضو الصمام هيفتح 3 سم هيدخل كميه هوا كتير برضو وبنزين قليل وبكدا الاشعال مش هينفع يحصل وبالتالى هيضطر المحرك انه يعوض الفقد دا علشان المحرك ما يبطلش يدخل بنزين كتير
    ايه دا ؟؟؟
    يعنى الهوا هوا السبب وفتح الصمام وغلقه ؟؟؟؟؟؟
    اكيييييييييد
    ومن هنا جت فكره تغيير توقيت الصمامات
    يعنى ايييه ؟؟؟؟؟؟
    الصمام يفتح اكبر فتحه ليه فى السرعات العاليه ........ وفى السرعات المنخفضه يفتح فتحه صغيره على اد كميه البنزين المطلوبه ( يعنى توفير فى السرعات المنخفضه ورفع كفائه المحرك كتير )
    .
    .
    طب ودا بنتحكم فيه ازاى ؟؟؟
    1-كمبيوتر ECU او وحده التحكم بتاعت العربيه
    2-ميكانزم هيدروليكى بيتحط على اول عمود الكامات ( مكانه من جهه السيور ) وهتشوفوه فى الفيديوهات
    3-عمود كامات مزدوج وحر الحركه من جهه واحده ؟؟؟؟؟ هتشوفوه فى الفيديو برضو
    4- ومن الميكانزم بيتم التحكم فى زاويه عمود الكامات عن طريق تغير ضغط الزيت داخل الهيدرولك ميكانزم مع كبس البنزين وتغير الاحمال
    .
    طيب ماتورك فيه كام vvti ???
    .
    .
    فى نوعين من المواتير الى شوفتها موحودين هوا المواتير الى نازله فى محركات الياريس من اول نزولها لحد 2010 بتبقى احاديه ال vvti ودا بيتحكم فى توقيت صمام السحب بتاع الهوا بس
    ونفسها موجوده فى الكورولا الشكل القديم والشكل الجديد بس الخليجى
    وفى مواتير vvti مزدوجه ودى موجوده فى المواتير بتاعت الكورولا الجنوب افريقى
    .
    .
    ودا فيديو للمواتير المزدوجه ال vvti بتاعت الكورولا الجنوب افريقى

    .
    هتلاحظوا وجود اتنين من الميكانزم الهيددرولك على عمود كامات السحب والعادم
    ووجود واحد فقط على بتاع المواتير اليابانى والياريس
    .
    .
    ودا شرح مفصل بالفيديو للميكانزم الفردى بتاع الياريس والكوورلا اليابانى

    .
    .
    .
    الجهل نعمه صح ؟؟؟؟ كدا انتا مش مصدق ان الماتور صاحى بجد عمال بيغير حاجات جواه وبيعمل حركات واحنا مش حاسين .... يالهوى
    ......... نيجى بقى للصوت تعرفه ازاى
    تلاقى الماتور معاك فى السرعات الهاديه والبطيئه قطه هاديه وحنينه خالص وضعيفه
    انما لما تعمل كيكايه كدا او تكبس بنزين على الاخر تلاقى صوته بقى زئير اسد ووحش طلع فجاه وسحب وتجميع سرعه بسم الله ماشاء الله ........ يعنى الماتور دا متصمم على انه يتجرى بيه عادى وتكبس عليه مش هيقول لا
    عكس العربيات التانيه صوتها قريب من بعضه وهيا هاديه او بتجرى
    .
    .
    واحد الحاجات الملحوظه جدا فى النظام دا هوا توفير البنزين فى كل حاجه زى التاكيف علشان كدا تلاقى ان العربيه مش بتاكل بنزين مع التكيف

    .
    .
    ودا بيشرح الاحتراق بيبقى احسن فى ال vvti

    دماغك وجعتك ؟؟؟؟؟ اكيدددددددد ؟؟
    طيب لو تعرف بقى ان دواسه البنزين عندك كهربا ؟؟؟ مش سلك وكدا لا دا كهربا ( الياريس والكورولا الجديده )
    انزل كدا تحت وشوف الدواسه هتلاقى متوصل بيها سلوك كهربا ومافيش سلوك معدن بتشد وكلام من دا ؟؟؟؟
    طب ليه ؟؟؟
    .
    .
    دا هيبقى موضوعنا القادم بازن الله مع الشرح
    .
    .
    اكيد دلوقتى انتا فخور بعربيتك وماتورك بس المفاجاه ان دى حاجه بسيطه من الى تويوتا بتقدمهولنا فى عربياتنا وفى حاجات كتييييير موجوده ومستخبيه وان شاء الله هشرحها كلها بازن الله
    .
    .
    اتمنى يكون الموضوع عجبكم ودا مش منقول دا من عمايلى من الاول للاخر ماعادا الفيديوهات
    .
    ادعولى وماتحرموناش من ردودكم
    ..
    مع تحياتى ...
    م/عاصم جاد


  2. #2

    الصورة الرمزية BLOODY_STONE

    رقم العضوية : 47706

    تاريخ التسجيل : 21Sep2009

    المشاركات : 1,742

    النوع : ذكر

    الاقامة : Alexandria , Egypt

    السيارة: ياريس 2009

    السيارة[2]: كابريس 1992

    دراجة بخارية: لا طبعا .. نار بقى و حرايق

    الحالة : BLOODY_STONE غير متواجد حالياً

    افتراضي -

    لا لا لا انا دلوقتي فخور جدا بعربيتي ... انا اول ما اشوف حد دلوقتي حقعد اتنطط عليه بال vvti و اعمل نفسي فاهم بقى و حركات جامدة ..
    انت بجد عبقري انا عايز اتصور معاك و انزل الصور عالفيس بوك ههههههههههههههههههههههههه ه

    [img2]http://i945.photobucket.com/albums/ad291/BLOODY_STONE_2010/isamuIsamu.jpg[/img2]


  3. #3

    الصورة الرمزية asemx1

    رقم العضوية : 28488

    تاريخ التسجيل : 26Dec2008

    المشاركات : 1,128

    النوع : ذكر

    الاقامة : Mansoura

    السيارة: None

    السيارة[2]: Yaris

    دراجة بخارية: لايوجد

    الحالة : asemx1 غير متواجد حالياً

    افتراضي -

    باشا باشا انتا باشا مش انا والله ههههههههههه
    بص يا معلم انا بصلح عربيتى بنفسى وبعملها صيانه بنفسى فخد منى المفيد يا معلم ومرسى على ردك الممتاز


  4. #4

    الصورة الرمزية Adham

    رقم العضوية : 2087

    تاريخ التسجيل : 07Sep2007

    المشاركات : 4,088

    النوع : ذكر

    الاقامة : Nasr City, Cairo

    السيارة: ميتسوبيشي لانسر 2006

    السيارة[2]: شيفرولية فرونتيرا 3200 V6 (ايسوزو روديو)

    الحالة : Adham غير متواجد حالياً

    افتراضي -

    اقتباس المشاركة الأصلية كتبت بواسطة asemx1 مشاهدة المشاركة
    تخيل بقى ان اى صمام فيهم اقصى فتح ليه مسافه 3 سم فى شوط دخول الهواء فى اى سرعه
    .............برضو الصمام هيفتح 3 سم هيدخل كميه هوا كتير برضو وبنزين قليل وبكدا الاشعال مش هينفع يحصل وبالتالى هيضطر المحرك انه يعوض الفقد دا علشان المحرك ما يبطلش يدخل بنزين كتير
    حضرتك متأكد من 3 سم دي و للا تكون 3 مم


  5. #5

    الصورة الرمزية Dr Zezo

    رقم العضوية : 1952

    تاريخ التسجيل : 28Aug2007

    المشاركات : 1,413

    النوع : ذكر

    الاقامة : القاهرة

    السيارة: .

    السيارة[2]: .

    الحالة : Dr Zezo غير متواجد حالياً

    افتراضي -

    شرح مبسط و سلس

    خاصة لمن لا يطيق الميكانيكا مثلي

    شكرا جزيلا


  6. #6

    الصورة الرمزية asemx1

    رقم العضوية : 28488

    تاريخ التسجيل : 26Dec2008

    المشاركات : 1,128

    النوع : ذكر

    الاقامة : Mansoura

    السيارة: None

    السيارة[2]: Yaris

    دراجة بخارية: لايوجد

    الحالة : asemx1 غير متواجد حالياً

    افتراضي -

    اقتباس المشاركة الأصلية كتبت بواسطة adham مشاهدة المشاركة
    حضرتك متأكد من 3 سم دي و للا تكون 3 مم

    دى بتبقى بالملميترات وبتصل فى بعض المواتير الكبيره ل 1 و 2 و 3 سم واكتر كمان
    بس انا بقول مسافه كبيره علشان القارئ يتخيل بس الحوار


  7. #7

    الصورة الرمزية Adham

    رقم العضوية : 2087

    تاريخ التسجيل : 07Sep2007

    المشاركات : 4,088

    النوع : ذكر

    الاقامة : Nasr City, Cairo

    السيارة: ميتسوبيشي لانسر 2006

    السيارة[2]: شيفرولية فرونتيرا 3200 V6 (ايسوزو روديو)

    الحالة : Adham غير متواجد حالياً

    افتراضي -

    عمري ما سمعت ان فية صباب يفتح 3 سم قبل كدة : )


  8. #8

    الصورة الرمزية asemx1

    رقم العضوية : 28488

    تاريخ التسجيل : 26Dec2008

    المشاركات : 1,128

    النوع : ذكر

    الاقامة : Mansoura

    السيارة: None

    السيارة[2]: Yaris

    دراجة بخارية: لايوجد

    الحالة : asemx1 غير متواجد حالياً

    افتراضي -

    اقتباس المشاركة الأصلية كتبت بواسطة adham مشاهدة المشاركة
    عمري ما سمعت ان فية صباب يفتح 3 سم قبل كدة : )

    اديك سمعت اهو يا معلم وعلى فكره المواتير الديزل البطيئه الى بتستخدم فى المولدات بتبقى بتفتح اكبر من كدا


  9. #9

    الصورة الرمزية mo7amed3afifi

    رقم العضوية : 39910

    تاريخ التسجيل : 09May2009

    المشاركات : 244

    النوع : ذكر

    الاقامة : شبرا الخيمة

    السيارة: COROLLA 2007 A/T

    السيارة[2]: B M W (E36) 1992

    دراجة بخارية: vespa 150 cc Italy

    الحالة : mo7amed3afifi غير متواجد حالياً

    افتراضي -

    Hاولا ربنا يجازيك كل الخير علي التعب والشرح الوافي
    بس للاسفففففففففف
    مش فاهم
    !!!!!!!!!!!!!!!!!!!!!!!!!!

    سبحان الله وبحمده
    سبحان الله العظيم
    "لا تدع النت او اللعب يلهيك عن الصلاة
    "


  10. #10

    الصورة الرمزية Adham

    رقم العضوية : 2087

    تاريخ التسجيل : 07Sep2007

    المشاركات : 4,088

    النوع : ذكر

    الاقامة : Nasr City, Cairo

    السيارة: ميتسوبيشي لانسر 2006

    السيارة[2]: شيفرولية فرونتيرا 3200 V6 (ايسوزو روديو)

    الحالة : Adham غير متواجد حالياً

    افتراضي -

    اقتباس المشاركة الأصلية كتبت بواسطة asemx1 مشاهدة المشاركة
    اديك سمعت اهو يا معلم وعلى فكره المواتير الديزل البطيئه الى بتستخدم فى المولدات بتبقى بتفتح اكبر من كدا


    انا كنت فاكر اننا بنتكلم على سيارات تويوتا ملاكي بنزين حديثة



 
صفحة 1 من 4 1 2 3 4 الأخيرةالأخيرة

المواضيع المتشابهه

  1. مشاركات: 49
    آخر مشاركة: 13-05-2015, 12:30 PM
  2. زيوت شيلد لمحركات الديزل والبنزين
    بواسطة ehabpopo في المنتدى زيوت المحرك
    مشاركات: 4
    آخر مشاركة: 08-10-2012, 03:01 AM
  3. زيت الديزل لمحركات البنزين
    بواسطة essamenen في المنتدى ورشـــة نــايل مــــوتـــورز
    مشاركات: 8
    آخر مشاركة: 27-05-2011, 08:16 PM
  4. زيوت فيسكو لمحركات نيسان
    بواسطة أحمد علاء في المنتدى زيوت المحرك
    مشاركات: 27
    آخر مشاركة: 05-01-2011, 04:50 PM
  5. في المسجد.. متطوعين للنظام
    بواسطة Hossam_Hassan في المنتدى المنتــــــدى الاجتمــاعى
    مشاركات: 4
    آخر مشاركة: 03-02-2008, 06:58 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2