البر التانى من الجامعه تسيب كلية التجارة و مصنع الصابون والزيوت وراك و تمشي تعدى الكوبري وتمشي على طول فى اتجاه الطريق الزراعي اللى بيطلع على منيا القمح هتعدى على شريط سكه حديد قاطع الطريق بعد شريط السكه الحديد على الشمال هتلاقي مدينه الواحه (اعتقد فيها اكتر من قاعه افراح و كافتيرا واحده) و بعدها مخازن شركه الغزل
ممكن تركن العربية بره على الطريق او ممكن تدخل بيها جوه بس بيكون فيه رسم دخول 5 جنيه للعربية او ممكن تراضي السايس
القعده حلوه و تنفع للعائلات بس عيبها انها فيها شيشة وفيها ميزة انها مش بتبقى زحمه ولا مليانه
انا كنت لسه فيها من كام يوم وقعدت فيها لحد ما جه ميعاد السحور