بصراحة بعد اللي قرأته تأكدت إننا عدنا للجاهلية
كيف لأمتنا أن تنافس الأمم و نحن لا زلنا غير قادرين على تنظيم أنفسنا في أماكن العبادة ..
حالنا محزن و لازم وقفة أظنها لن تأتي
عرض للطباعة
بصراحة بعد اللي قرأته تأكدت إننا عدنا للجاهلية
كيف لأمتنا أن تنافس الأمم و نحن لا زلنا غير قادرين على تنظيم أنفسنا في أماكن العبادة ..
حالنا محزن و لازم وقفة أظنها لن تأتي
أمال غالب أهل النار من النساء ليه؟
يعني الإسلام مش عارفين حتى نتبع قواعده و كل واحد عايز أحسن حاجة لنفسه ؟
طيب ازاي
مش لما نحترم ديننا الاول
انا عندى سؤال بسيط جدا
يا ترى الناس الى بتصلى التراويح فى المسجد دى بتصلى الفروض فى المسجد ؟؟؟
يا جماعة فى عهد أبو بكر الصديق ( رضى الله عنه ) كان بيمشى الناس من المساجد فى صلاة التروايح عشان ميحصلش زى اللى بيحصل الايام دى
الرسول ( صلى الله وعليه وسلم ) صلى التراويح مرة وحيدة فى المسجد ومش صليت تانى عشان ميحصلش اللى بيحصل الايام دى
للاسف الناس بقت بتصلى من باب التقليد او تقضية الوقت
وبالنسبة للنساء
ازاى تبقى واحدة عندها اطفال رضع وتنزل تصلى فى المسجد ؟؟؟؟؟ والاطفال يفضلوا يصرخوا ويخرجوا الناس من تركيزهم ومحدش يعرف يخشع فى الصلاة
والبنات اللى بتنزل تصلى بالعباية واول ما تخرج من الصلاة تقلع العباية وهى لسه فى الشارع عشان تعرف تتمشى
ده طبعا غير البيرفيوم والميكب واللبس تحت العباية عامل ازاى ؟؟
والعن حاجة ان المساجد الى مفهاش مصلى للنساء النساء بيصلوا فى الشارع
بالذمة يا جماعة فى دين فى كده ؟؟؟؟
لا ياعزيزي مش ده البدعه
البدعه في الذكر الجماعي
يعني مينفعش اننا نصلي عليه كلنا فنفس الوقت
والرسول عليه السلام معملش كده ولا اصحابه من بعده وفي الحديث (من عمل عملا ليس عليه امتي فهو رد)
ده اولا
ثم تخصيص وقت معين لعمل ده بدعه
يعني اللي بيخصص طاعه مشروعه في وقت محدد ده بدعه ولا يجوز تخصيصه
مثاله: قراءة سورة البقره حلال ولكن تخصيص قراءتها في وقت معين لحاجه معينه بدعه
ومثاله لو في دعاء معين لو خصصتله عدد معين فهو بدعه
وامثال هؤلاء في الاوقات العاديه مبيعملش كده انما هوا بيعمل كده ولا اعرف السبب في ذلك..
وده لا يتعارض مع ان بعض العلماء يقول صلوا على النبي وزيدوه صلاه في حالة انه كان يلقي خطبه فهوا بيقول كده لما يلاحظ حد انشغل او سرح فهي لجذب الانتباه وليس للتعبد بها... فهذا لا بأس به
فياترى هل نية الامام ده التعبد بذكر الصلاه؟ ولا اسكات الناس اللي هما اساسا بيكونوا ساكتين؟؟
فاما الاول فلابأس به واما الثاني فهو البدعه
والله اعلم
طب ياريت احنا نعرف نظبط الشعائر وكل حاجة هتتضبط ان شاء الله
"ان الصلاة تنهى عن الفحشاء والمنكر " سورةالعنكبوت45
"يا أيها الذين امنوا كتب عليكم الصيام كما كتب على الذين من قبلكم لعلكم تتقون" سورة البقرة183
وفى الحديث من لم يدع قول الزور والعمل به فليس لله حاجة فى ان يدع طعامه وشرابه
"خذ من اموالهم صدقة تطهرهم وتزكيهم بها.." سورة التوبة 103
فى تفسير ابن سعدى تطهرهم من الذنوب و الأخلاق الرذيلة وتزيد فى اخلاقهم الحسنة
وجميع التكاليف تهدف الى تهذيب اخلاق المسلم ليست مجرد شعائر : حرمان من الطعام / ضريبة تؤخذ من الأغنياء .........
لكن بعض الناس لا يلتفت الى آثار تلك العبادات التى يجب ان تظهر على اخلاقه وتعامله ويهتم بشكل بالغ بالمظهر الخارجى للعبادات فقط وقد يصبح فتنة يصد شخص عن الأنضمام لهذا الدين
متشكرين يا دكتور :H_angry[1]:
بس مش ده السبب والله وقلنا ان كل رجل مسئول عن رعيته يعنى سيادتكو هتتحاسبو علينا لالالا
سواء كان اب او زوج الخ
:049:
السبب:
من حديث ابى سعيد الخدرى رضى الله عنه
خرج رسول الله صلى الله عليه وسلم فى اضحى او فطر الى المصلى ثم انصرف فوعظ الناس وامرهم بالصدقة
فقال ايها الناس تصدقوا
فمر على النساء فقال : يا معشر النساء تصدقن فأنى رأيتكن أكثر أهل النار
فقلن وبم ذلك يا رسول الله؟
قال تكثرن اللعن وتكفرن العشير
__________________________
ما رأيت من ناقصات عقل ودين أذهب للب الرجل الحازم من احداكن
قلن وما نقصان ديننا وعقلنا يا رسول الله؟
قال أليس شهادة المرأة مثل نصف شهادة الرجل ؟ قلن بلى
قال فذلك من نقصان عقلها أليس اذا حاضت لم تصل ولم تصم قلن بلى قال: فذلك من نقصان دينها
وبعدين ورد فى الآثار ان نساء الدنيا لما يدخلوا الجنة ان شاء الله يكونوا اجمل من الحور العين لأنهم عبدوا الله تعالى
اعاذنا الله جميعا من النار
بصوا بقى نايل موتورز مش قليل انا اسمع ان ترتيبه فى المواقع العالمية فوق خالص
مانطلق حملة
نعمل اى حاجة
مش كفاية كل واحد يكلم امام مسجد
مبدئيا لو عملتو كده يبقى خطوة ايجابية بدل ما احنا ساكتين
بس ايه رأيكو لو تتصلو بالمشايخ محمود المصرى محمد حسان الحوينى عمر عبد الكافى والشباب عمرو خالد ومصطفى حسنى وشريف شحاتة
كل الفضائيات والبرامج دى كتير بيشوفوها لو اتكلموا فى المواضيع دى على مواقعهم وعالتلفزيون
على رمضان الجاى اكيد يبقى فيه فرق ولا ايه ؟؟
webmaster@mohamedhassan.org
ده ايميل الشيخ محمد حسان للمراسلة...
info@abouammar.com
ده ايميل الشيخ محمود المصري
موقع الربانية - الموقع الرسمى لفضيلة الشيخ محمد بن حسين يعقوب :: الاقتراحات والمشاركات
ده لارسال المقترحات للشيخ محمد حسين يعقوب.
لو نعرف نلخص الموضوع فى نقط مختصرة و شاملة و نرسل ليهم و لغيرهم يكون كويس.
و انا كمان هأبدأ بنفسى و ابعت فى أقرب وقت
شكرا على فكرتك ازميرالدا.
حضرتك بتشكك فى الأجتماع على التراويح اصلا!!!!!!!!!!!!!!!!!!!!!!!!!!!!
واحنا مش مأمورين برضه باتباع سنة الخلفاء الراشدين المهديين
والرسول عليه الصلاة والسلام لم يكمل مخافة ان تفرض على الأمة
وبعدين لو الناس بتروح المسجد من باب التقليد او تقضية الوقت ياريت تروح
كام واحد وواحدة اتهدوا فى المسجد ده ممثلة تركت التمثيل عشان عدت عالمسجد بالصدفة وجملة واحدة أثرت فيها
الفضيل بن عياض كان قاطع للطريق وتاب لما سمع آية "ألم يأن للذين آمنوا أن تخشع قلوبهم لذكر الله "
والقصص دى كتير سيبهم يجوا حديث سلمان عن النبى صلى الله عليه وسلم من توضأ فى بيته ثم أتى المسجد فهو زائر الله وحق على المزور ان يكرم الزائر
وعن ابى هريرة قال صلى الله عليه وسلم لا يتوضأ احد فيحسن وضؤه ويسبغه ثم يأتى المسجد لا يريدالا الصلاة فيه الا تبشبش الله اليه كما يتبشبش اهل الغائب بطلعته
وحكاية العباية كويس انها محترمة وجودها جوه الجامع لو استنينا لما تصلح لبسها ممكن منشوفهاش تانى الا لما يبقى عندها 50 سنة
احنا عايزين الناس تيجى الجامع وتتعلم بالتدريج مش تطفش منه طالما مش فاهمة او بتعمل حاجات غلط كلنا بنعمل اخطاء والتراويح دى فرصة لأن فعلا فى ناس مبتعتبش الا من السنة للسنة
السلام عليكم ورحمة الله وبركاته
في نقطة أخرى وهي الاستمرارية
في رمضان حتلاقي المسجد مليان في صلاة العشاء والتروايح
ويعد رمضان تلاقي المسجد في صلاة العشاء رجع صفين تاني وكأن صلاة الجماعة "بالنسبة للرجال" في رمضان فقط
وانا في الحج كنت بشوف مهازل من الستات ربنا يهديهم ويهدينا
أصلاً واجب على كل مسلم إنه يتعلم عقيدته أولاً ويتعلم فقه الصلاة والصوم والزكاة والحج لو كلنا اتعلمنا الحاجات دي مش هنشوف المخالفات دي كلها اللي الناس بتتكلم عليها
أنا رأيي نبدأ نعلم نفسنا واقرب الناس لينا الحاجات دي