كنت عايز اعرف نظام التكييف في الكروز ايه؟ بيفصل ولا لأ؟ اصل لو كده انا ساعات بعلي درجة الحرارة لو مشغله بالليل عشان مبردش وعشان التكييف يفصل. هل ده صح؟
عرض للطباعة
كنت عايز اعرف نظام التكييف في الكروز ايه؟ بيفصل ولا لأ؟ اصل لو كده انا ساعات بعلي درجة الحرارة لو مشغله بالليل عشان مبردش وعشان التكييف يفصل. هل ده صح؟
اي تكييف في مصر بيفصل
و كان في واحد بتاع تكيف مرة قالي يا ريت متلعبش في درجة الحرارة بتاعت التكيف و قلل سرعة المروحة بس....و قالي ان ده بيتعب التكييف....مش عارف ليييه
اصل بصراحة الفرق واضح
امبارح كنت واقف ف طابور الفحص اللعين ومشغل التكييف وكنت متضايق منه بس اكتشفت انه التكييف مش على اخره وطيته لقيت فرق فظيع في البرودة
وفي الشتاء مفروض التكييف يشتغل شويه برضه؟
ما يا ريت تخلي التكييف علي اعلي درجة برودة فيه و تسيبه علي كدة و مش كل شوية تغير درجة الحرارة ...ده اللي اتقالي من بتاع التكيفات
و فعلا مفروض في الشتاء كل شهرين مثلا تشغله مرة
فعلا لازم يشتغل في الشتا حتي لو كل اسبوع مره خمس دقايق وممكن وانت بره عشان متسقعش وعشان لما تيجي تشغله في الصيف ميقلبش هوا بس والفريون يبوظ بس انا ليا ملاحظه تكيفها مش بيسقع بسرعه يعني انا لازم اشغله الاول علي 3 وبعد شويه اقلل لحد 2 بس عشان يسقع لازم استنى شويه انت رأيك ايه اشوفه واكشف عليه في صيانه العشر الاف التكييف ولا دا طبيعي اصل مره سئلت المهندس هناك قالي كل ملاك الكروز بيقولوا كدا مش عارف بيثبتني ولا صح الكلام دا
انت عارف هي ايه 3 او 2 ديه........؟؟
ديه درجات المروحة مش درجه الحرارة .....يعني اما بتخليه 3 الهواء بيزيد بس مش اكتر.........ده بالعكس كل اما تقلل سرعة المروحة و تحط ايدك قريب من الهوايات حتلاقي البرودة زياده لأن الهوا متركز اكتر علي المواسير اللي فيها الفريون
انا بزود سرعة المروحة اما بيبقي حد معايا راكب ورا مثلا عشان الهوا يوصله.....و ساعات بردو اما بيبقي الدنيا حر و فيه شمس اول ما بركب بس عشان انشف من العرق بعد كده بقلل المروحة بتبقي تمام
فالموضوع ده طبيعي ...ده انت اما بتيجي تركب العربية بتحس ان هي فرن مولع....... :brn:
ما انا عارف يا باشا ان دا المروحه بس المشكله لما بتخلي المروحه علي 2 بحس ان مفيش هوا طالع واني قافل التكييف والزجاج يعني هتخنق هههههههههههههه
انا بتكلم لازم ازود الهوا عشان احس بالتكييف وطبعا انا كلامي كله علي الكام اليوم اللي كانوا حر موت الاسبوع اللي فات والصبح طبعا لاني مش بشغل التكييف بالليل إلا لو الاولاد معايا
واهو كله عشان خاطرهم
اى تكييف بيفصل و عادى شغله على اى درجة حرارة وسيبك من الفتة المصرى اللى من غير لحمة
عندي ليك نصيحه لوجه الله انت اكيد لسه العربيه ممشتش معاك كتير لانك لسه شاريها فحاول تبعها وهي لسه بحالتها علشان متوصلش لحالتي انا اشترتها من 8 شهور وبقت الحاجه الوحيده اللي منغصه عليا حياتي
اسفه طبعا اني بقولك الكلام دا وانت لسه شاري العربيه بس دي الحقيقه
ازيك ياباشا عامل ايه :)
دى صوره من أول مقابله لقسم شيفروليه
http://www.nilemotors.net/Nile/175941-a.html
مبدئيا انت عربيتك اوتوماتيك ........و هي عربيتها مانيوال
و مشكلتها ان عربيتها بتبطل ...و انت عربيتك اوتوماتيك مينفعش تبطل
شكوتها من التبطيل ظهرت لحد دلوقتي في 8 عربيات في مصر كلها و بردو كلهم مانيوال ...و رجعوهم كلهم للتوكيل و اللي عرفته من واحد من اصحاب العربيات ديه ان ديه كانت اول دفعة كروز نزلت مصر ......و قالي ان منصور بيقول انه بيجري اتصالاته بجينرال موتورز عشان يشفوله الحل........
انت بقي اييه علاقتك بالموضوع.................؟؟
مفيش الحمدلله عربية في مصر كروز اوتوماتيك فيها شكوي.......ربنا يباركلك فيها و استمتع بعربيتك
العربية جميلة و زي الفل
طيب انا عندى التكيف اول ما اشغلة بسمع صوت الكباس اشتغل وفصل ويبفضل يشتغل ويفصل على طول ممكن يكون العيب منين ؟