نرجو من اخواننا اصحاب الخبره ابداء رايهم فيما تم.....خلاص اولع فى العربيه

**ashraf_5971** · 30-08-2010 05:23 PM

الاخوه الكرام...............كل سنه وانتم طيبين

كان عندى شويه مشاكل فى العربيه وهى:

1-وجود اثار زيت اسفل دواسات السائق

2- وجود ترشيح زيت اسفل الموبينه على جسم الموتور

3- السحب ضعيف جدا.....ويكاد ينعدم مع التكييف

4- صوت الموتور عالى

5-الدركسيون تقيل جدا وبيعمل صوت عند الدوران للشمال

ذهبت لميكانيكى اول مره اتعامل معاه بنصيحه احد الزملاء فى منتدى اخر فتم عمل الاتى:

1- تم تسليك الردياتير وعمل دوره غسيل للموتور وخرجت من الموتور مياه وحشه جدا

( لا اعرف لماذا طلب منى اجراء تسليك الردياتير؟؟؟؟؟)

2-تنضيف بوجيهات ومنافولد بالاسبراى(اجراء متبع عند اى ميكانيكى تقريبا)

3- تم تغيير اويل سيل علبه الدركسيون

4-تم تغيير اويل سيل عصا الفتيس

5-وبالمره طلبت منه تغيير فلتر وزيت (فيسكو5000 ) لان ده ميعاد التغيير

6- تم غسل الموتور

وعند ذهابى اليه لاستلام العربيه ...جه يدور العربيه بقت تدور وتكركر وبعدين تبطل فقام بتغيير قلب طلمبه البنزين

لقينا المشكله ما زالت موجوده ...فقام بفك الرشاشات ووجد ان اللى راكب فيها بتوع لانوس 2004....( انا معرفش لانى شارى العربيه مستعمله لانوس99)

غيرهم باربعه نفس موديل العربيه مستعملين العربيه دارات وطلب منى وضع السياره على الاسكانر فاخبرنى الصنايعى بعد الكشف بالجهاز ان العربيه مخنوقه ومحتاجه طقم رشاشات وبالفعل غيرناهم باربعه استيراد.

الدركسيون ما زال تقيل والصوت موجود عند الدوران

فاخبرنى ان اصبر على الموضوع ده شويه لعل وعسى لما غيرنا اويل سيل العلبه الموضوع يتحسن

بعد الانصراف من عنده.....وانا فى طريقى الى البيت وجدت ان العربيه فى الاول والتانى سحبها وحش جدا ( مش عارف السبب ايه؟؟؟.............لكن من التالت الى الخامس السحب تحسن شويه...........بس مش للدرجه اللى انا عايزها!!!!

صوت الموتور عالى وانا عنده قالى ده صوتها الطبيعى

نرجو من اخواننا اصحاب الخبره ابداء رايهم فيما تم..............لانى خلاص قربت اولع فى العربيه

للعلم انا عامل لها طقم شنبر وسبايك وقشط وش سلندر وروديه... من 8 اشهر....ومن ساعتها والعربيه ما كسبتش ابداااااااااااااااااااا

وباحس ان الدبرياج تقيل لدرجه انه بيوقف رجلى اليسرى عند السير فى الاماكن المزدحمه؟؟؟؟

ملحوظه هامه:-

لما كنت عند الميكانيكى كتم الشكمان بيده والعربيه ما بطلتش!!!!!!!!!! هى المفروض تبطل؟؟؟

**محمد الشامي** · 30-08-2010 06:43 PM

المشاركة الأصلية كتبت بواسطة ashraf_5971

جه يدور العربيه بقت تدور وتكركر وبعدين تبطل فقام بتغيير قلب طلمبه البنزين
لقينا المشكله ما زالت موجوده ...فقام بفك الرشاشات ووجد ان اللى راكب فيها بتوع لانوس 2004....( انا معرفش لانى شارى العربيه مستعمله لانوس99)
غيرهم باربعه نفس موديل العربيه مستعملين العربيه دارات وطلب منى وضع السياره على الاسكانر فاخبرنى الصنايعى بعد الكشف بالجهاز ان العربيه مخنوقه ومحتاجه طقم رشاشات وبالفعل غيرناهم باربعه استيراد.

بعد قراءه الجمله دي اقدر اقولك ان الميكانيكي ده مش تمام ابدا , ونصب عليك

لما العربيه تكركر وتبطل , المفروض يبصلك على البوجيهات او اسلاكها ويبحث عن مكان الخلل , لكن القصه دي ملهاش علاقه بالرشاشات

وبعدين الرشاشات بتوع اللانوس 2004 احسن من رشاشات 99 , لان التصميم اختلف بين الاتنين لصالح اللانوس من بعد سنه 2002 , لكن قبل 2002 كانت الرشاشات اللي بتنزل في اللانوس بتبوظ بسرعه

والترشيح اللي اسفل البوبينه المفروض علاجه بتغيير اويل سيل البوبينه

والمفروض كان يغيرلك زيت الباور , او عالاقل يفضيلك دايره الباور من الهواء

**محمد الشامي** · 30-08-2010 07:05 PM

المشاركة الأصلية كتبت بواسطة ashraf_5971

1-وجود اثار زيت اسفل دواسات السائق

علاجه : تغيير اويل سيل علبه الدريكسيون

المشاركة الأصلية كتبت بواسطة ashraf_5971

2- وجود ترشيح زيت اسفل الموبينه على جسم الموتور

علاجه : تغيير اويل سيل البوبينه

المشاركة الأصلية كتبت بواسطة ashraf_5971

3- السحب ضعيف جدا.....ويكاد ينعدم مع التكييف
4- صوت الموتور عالى

علاجه :http://www.nilemotors.net/Nile/103773-a.html

المشاركة الأصلية كتبت بواسطة ashraf_5971

5-الدركسيون تقيل جدا وبيعمل صوت عند الدوران للشمال

علاجه : الميكانيكي يبصلك على سير الباور (او نظام الباور بشكل عام) ويغيير زيت الباور لو امكن , مع تفريغ دايره الباور من اي هواء

المشاركة الأصلية كتبت بواسطة ashraf_5971

1- تم تسليك الردياتير وعمل دوره غسيل للموتور وخرجت من الموتور مياه وحشه جدا
( لا اعرف لماذا طلب منى اجراء تسليك الردياتير؟؟؟؟؟)

كويس مش وحش ,, المهم تكون حطيت ميا خضراء بعدها

المشاركة الأصلية كتبت بواسطة ashraf_5971

وانا فى طريقى الى البيت وجدت ان العربيه فى الاول والتانى سحبها وحش جدا ( مش عارف السبب ايه؟؟؟.............لكن من التالت الى الخامس السحب تحسن شويه...........بس مش للدرجه اللى انا عايزها!!!!
صوت الموتور عالى وانا عنده قالى ده صوتها الطبيعى

علاجه : نفس العلاج السابق ذكره http://www.nilemotors.net/Nile/103773-a.html

المشاركة الأصلية كتبت بواسطة ashraf_5971

وباحس ان الدبرياج تقيل لدرجه انه بيوقف رجلى اليسرى عند السير فى الاماكن المزدحمه؟؟؟؟

ممكن يكون طقم الدبرياج عندك تعبان , و من اعراضه ضعف سحب العربيه خاصه مع تحميل اوزان كتير

المشاركة الأصلية كتبت بواسطة ashraf_5971

لما كنت عند الميكانيكى كتم الشكمان بيده والعربيه ما بطلتش!!!!!!!!!! هى المفروض تبطل؟؟؟

الفكره من كتم الشكمان هو بيشوف اذا كان في تنفيث او لأ (عشان الصوت العالى), لكن ضغط العادم على ايده هيكون اقوى من انه يقدر يحبس العادم جوا الشكمان لفتره كافيه تخليها تفصل

نصيحه :-
متروحش للميكانيكي ده تاني الا اذا كنت رايح عشان تعرفه انه مش بيفهم حاجه في اي حاجه

**ashraf_5971** · 30-08-2010 10:47 PM

المشاركة الأصلية كتبت بواسطة محمد الشامي

بعد قراءه الجمله دي اقدر اقولك ان الميكانيكي ده مش تمام ابدا , ونصب عليك

لما العربيه تكركر وتبطل , المفروض يبصلك على البوجيهات او اسلاكها ويبحث عن مكان الخلل , لكن القصه دي ملهاش علاقه بالرشاشات

وبعدين الرشاشات بتوع اللانوس 2004 احسن من رشاشات 99 , لان التصميم اختلف بين الاتنين لصالح اللانوس من بعد سنه 2002 , لكن قبل 2002 كانت الرشاشات اللي بتنزل في اللانوس بتبوظ بسرعه

والترشيح اللي اسفل البوبينه المفروض علاجه بتغيير اويل سيل البوبينه

والمفروض كان يغيرلك زيت الباور , او عالاقل يفضيلك دايره الباور من الهواء

اخى الفاضل ....محمد الشامى كل سنه وانت طيب ورمضان كريم

اولا شكرا جزيلا على ردك واهتمامك باخوانك

ثانيا انا ليه عتاب صغير جدا على جزء من كلامك وهو اتهامك للميكانيكى بأنه مش تمام وانه نصاب......معلش لو تسمح لى ممكن تقول انه مش فاهم....او خبرته قليله لكن انه نصب عليه انا شايف انها كلمه مش فى محلها بعد اذنك ....لان اتهام الناس بهذه السرعه امر خطير........ارجو الا تزعل من كلامى

ثالثا الزيت اللى تحت الموبينه هو قام بتغيير اويل سيل عصا الفتيس المتسبب فى رشح الزيت(هذا راى اكثر من ميكانيكى)

فى موضوع تقل الدركسيون...هو طلب منى ان اصبر عليه قليلا بعد ما عالج تسريب الزيت بتغيير اويل سيل علبه الدركسيون...عشان مانغيرش حاجه قبل اوانها(وممكن تكون حاجه غاليه)

السؤال الهام هنا ما سبب ضعف السحب فى الغيار الاول والتانى بعد ما عمل ما توصى به يا اخى فى ردك؟؟؟

وما سبب تقل الدبرياج؟؟؟

شكرا حبيبى على مشاركتك وردك وجزاك الله كل خير

**محمد الشامي** · 30-08-2010 11:06 PM

المشاركة الأصلية كتبت بواسطة ashraf_5971

ثانيا انا ليه عتاب صغير جدا على جزء من كلامك وهو اتهامك للميكانيكى بأنه مش تمام وانه نصاب......معلش لو تسمح لى ممكن تقول انه مش فاهم....او خبرته قليله لكن انه نصب عليه انا شايف انها كلمه مش فى محلها بعد اذنك ....لان اتهام الناس بهذه السرعه امر خطير........ارجو الا تزعل من كلامى

حقك عليا يا استاذي , بس الراجل كلفك تمن حاجات بعيده عن حل المشكله , وده انا شايفه شئ غير مقبول ,,, وجهات نظر

عالعموم يا استاذ اشرف اتمنى ان مشكلتك تتحل في اقرب وقت

وانتظر رأي الزملاء الافاضل عشان نحاول نوصل معاك لحلول سليمه تنهي بيها اي مشكله موجوده في عربيتك

وتقبل خالص تحياتي

**ashraf_5971** · 30-08-2010 11:14 PM

انت انسان محترم.....وكلك ذوق

**tarek_2005** · 30-08-2010 11:17 PM

انا مع الاستاذ محمد الشامي ان هذا الميكانيكي قليل الخبرة جداً وعمل شغل

زي دكتور روحتله وقولتله بطني بتوجعني
ام كاتبلك علي 2 مضاد حيوي مختلفين + 2 مطهر امعاء + 2 مساعد علي الهضم + 2 فاتح شهية + ............ الخ

طبعاً لازم تخف دا اذا مجتلكش اعراض جانبية مع انك في الاصل محتاج مطهر امعاء مثلاً

ينطبق هذا المثل علي الميكانيكي الي رحتله فهو ضعيف جداً في تحديد السبب وراء العطل وبالتالي بيغير ويبدل اي حاجة اماممه لعل وعسي ينتهي العيب هو مش نصاب بس قليل الخبرة مما كلفك اموال كنت في غني عن صرفها

**ashraf_5971** · 31-08-2010 12:04 AM

المشاركة الأصلية كتبت بواسطة zaza_lanos

مترحش للمنجد ده تانى
ونصيحة اتعامل مع الناس اللى احنا مجربينهم

هما فيييييييييييييييييييييييي يين يا عمنا

**tarek_2005** · 31-08-2010 12:27 AM

اذكر مكان اقامتك وجميع الاعضاء لن يبخلوا عنك باي معلومة عن اي صنايعي تحتاجه ويكون قريب ليك

-

الموضوع: نرجو من اخواننا اصحاب الخبره ابداء رايهم فيما تم.....خلاص اولع فى العربيه

LinkBack

أدوات الموضوع

عرض

-

-

-

-

-

المواضيع المتشابهه

يا تفدوني يا اولع في العربيه واخلص

الى اصحاب الخبره

يـــــــــا جماعه انا محتار ابداء سواقه بئيه ابداء 127ولا ادوس فى متسوبيشى على طول

اريد حلا( قبل ما اولع فى العربيه )

الكلمات الدلالية لهذا الموضوع

المفضلات

المفضلات

ضوابط المشاركة