الموضوع: عتريس ومغامرة جديدة مع التوكيل - خش برجلك اليمين :)))))))))))))))))))

صباح شريف اعضاء منتديات كريمات سيارات كيا


مغامرة جديدة يمكن اللي متابع معايا حيفتكر الصفارة بتاعت العربية عندي - هههههههههههه اللي كانت مجنناني

عموما بعد معملت صيان ال 10000 في ابو رواش العربية صوت الصفارة راح شوية ورحع تاني - وسحب العربية قل شوية ورحت الساحل ورجعت ظبطوها


المشهد الاول - نهار خارجي - لقطة ليافطه التوكيل - مدخل مليئ بالسيارات يوم عادي جدا - روكسي

مهندس الاستقبال بابتسامة عادية - تحت امرك
شاب في منتصف الثلاثينات يتسم بالهدوء - انا لسة راجع من السفر وعايز اعرف الصوت دة اخرته اية ؟

المهندس : تحت امرك

بعد مرور 1 ساعة
المهندس : حضرتك العيب دة من حاجة اسمها سوستة شكمان بس الصوت مش مزعج يعني ومش مضر وابو رواش حط علية قفيز عشان الصوط يوطي



الشاب : قفيز ؟؟؟؟؟؟؟؟؟ هو دة الحل اللي مهندسين كيا المحترمين وصلوله ؟؟؟ ( الحوار بحدية )
المهندس : لا طبعا دة حل مؤقت لحد ما نجيب القطعى
الشاب - وده طبعا مش قبل 5 سنين اللي هما الضمان !!!!!

المهندس : لا طبعا بس عشان حضرتك تطمن ادي نمرة مدير قطع الغيار تابع معاة -
الشاب - لا انا اعرف مدير استيراد قطع الغيار وحتابع معاه

مشهد للسيراتو تبتعد عن مخرج التوكيل في هدوء يسبق عاصفة - كاميرا فيد اوت علامة كيا

بعد مرور 25 يوم

صوت موظف في التليفون يتحدث الي الشاب صباحا اثنا نومة - القطعة وصلت يا باشا

الشاب - طيب انا حاجي بكرة
الموظف حضرتك حتغير في الضمان والا
الشاب - مش حتفرق المهم انها تتغير ( اسلوب مراوغة لحسن يحلقولي )


مشهد نهار خارجي - زحام شديد توكيل روكسي - الناس صيام - توكيل كيا - زوم ان علي مهندس الصيانة يستقبل السيارة


اهلا وسهلا


الشاب - انا جيت اغير سوستة شكمان
المهندس - حضرتك حاجز ؟
الشاب - انتو كلمتوني
المهندس - طيب ممكن كتيب الضمان
الشاب - اتفضل وياريت قبل ما تشتغل تربط عفشة وتقولي اذا كان في اي مصروفات مطلوبة عشان حتدفع فيزا
المهندس - حاضر بس حتاخد وقت شوية حوالي 3 ساعات
الشاب - لية دي حتة سوستة
المهندس - لا مش سهلة كدة دي تمنها 1400 جنية من غير مصنعيات ولا ضرائب
الشاب - ليل داخلي مع امطار ورعد غزير - كادر مرعب لوجة الشاب ومسلط عليه نور البرق



بعد مرور 3 ساعات الا تلت

العربية جاهزة يا فاندم

الشاب طيب اية المطلوب
المهندس ولا حاجة خالص - اتغيرت في الضمان
الشاب - الله اكبر بسم الله ما شاء الله - احنا فين ؟؟؟؟؟ -
المندس - علي فكرة انا صورتلك السوستة عشان تعرف هيا غالية لية
الشاب - لية ؟؟؟


المهندس ----------------- اصل السوستة بتيجي بالشكمان كلة

بس الحلو ميكملش - نسيو يركبو جلدة التعليق بتاعة علبة النص - بس متهيالي دي تركب في اي حتة صح ؟؟؟؟


التتر مشهد النهاية مع حبة لقطات للسوستة



السوستة قبل التغير





بعد التغيير