الكاوتش اتفرتك فى جينا على سرعه 160 كم

**haroun707** · 31-08-2010 04:35 AM

حمد لله على سلامتك ياباشا

**harizy** · 31-08-2010 07:18 AM

با شا حمد الله على سلامتك، نصيحة من أخ بلاش السرعات العالية دى على طرقنا المصرية أنت أكيد سائق جيد، والعربية كمان جيدة، بس الطريق هو اللى وحش فياريت بلاش الجرى ده على طرق زى دى، والحمد لله إن ربنا ستر.

**Tayer** · 31-08-2010 11:15 AM

الحمدلله على سلامتك

**mrwho1982** · 31-08-2010 11:25 AM

احمد ربنا ان هي جت علي قد كده وقدر الله وماشاء فعل

بس سوال بسيط من اخوك الصغير

ليه 160 انا لسة واخدة خبطة حلوة لقيت والدي بيفولي

امشي براحة علشان توصل بسرعة وربنا يسترها عليك وانت ماشي عالطريق

تقبل تحياتي ( ابو عبد الله )

**tutankhamoun** · 31-08-2010 11:38 AM

اعتقد ياجماعه والله اعلم دي مجرد وجهة نظر مش معلومه اكيده

ان الاي بي دي او الاي بي اس لما بيلاقي فرده ضربت والعربيه هتزحلق بيفصل العجله دي عشان كده ماحصلش والحمد لله للاخ الكريم اي مشكله لما الكاوتش انفجر

السلام عليكم يا أستاذ أحمد
تعديل بسيط بعد أذنك .

لو عجلة فصلت زي ما حضرتك بتقول ...... العربية أتزانها ياضيع و تلف حوالين نفسها

إنما اللي بيحصل العكس

نظام ebd بيخلي العجل تقريبا يلف نفس عدد اللفات علشان القوة الدافعة تكون متساوية على العجلات الأربعة و بكدا يحفظ توازن العربية

و نصيحة لأخي صاحب الموضوع
بلاش سرعات عالية ......... فيه ناس مستنيينك و ربنا يستر طريقك .

**alarabiya11** · 31-08-2010 11:56 AM

فى موضوع جابه ا/طارق جين اكيد شوفته ultra seal ياريت نعرف رايكم ايه

**khpopo** · 31-08-2010 01:02 PM

حمدلله على سلامتك ...هات ميشلان عن تجربه جامدددد
شفت الجين فى المواقف الصعبه
ربنا يسترها

**densfog** · 31-08-2010 06:32 PM

متشكر جدا ياجماعه على الردود وربنا يبعد عنا وعنكم كل مكروه باذن الله ..... انا باذن الله ناوى اغير الطقم كله وربنا ييسر اما بريدجستون او ميشلان من ناحيه او هانكوك او كومهو على حسب السعر .... انا بصراحه مش عارف ايه حكايه العربيه دى معايا يدوبك قبل رمضان على طول كنت فى السويس نزلت من العربيه ودخلت محل حجزت حاجه ورجعت العربيه علشان اقعد فى التكييف لح اما يجهزوها بمجرد ما بشغل التكييف ببص لقيت دخان كثيف طالع من الكبوت رحت مبطل العربيه ونزلت اشوف فى ايه - بدون ما اطول عليكم - خرطوم التكييف الضغط العالى كان ملامس للفرن وطبعا ساااااح وانفجر الفريون داخل الكبوت ..... الغريبه انى لما فتحت الكبوت ساعتها لاقيت اثار زيت كثير على الموتور وخلافه ... فكان هيجيلى سكته قلبيه افتكرتها جابت وش سلندر بس بعد كده الناس فهمتنى ان الفريون بيكون فيه نسبه زيت ... المهم جبت خرطوم استعمال من عند عطيه البيبس فى الأسكندريه ب 125 جنيه بعد الفصال .. ورحت علشان اركبه لاقيته مش نفس طول كان اقصر بس مش دى المشكله ... المشكله ان الخرطوم المرحوم كان فيه o - ring فى الجزء اللى داخل للكومبريسور وده مش موجود فى الخرطوم اللى انا اشتريته فاضطريت اقطع الجزء ده من الخرطوم القديم والحمه لحام الومنيوم عن واحد بتاع رادياتير والحمد لله اشتغل تمام .....
ياريت دلوقتى حد يقولى مين يدعى على التانى .... انا ولا جينا ؟؟

**densfog** · 31-08-2010 06:43 PM

بالنسبه لموضوع الـ abs & ebd انا ليا رأى متواضع ان ساعه انفجار الأطار مش هيفرق انها شغاله ولا لأ لأنها من وجهه نظرى انها بتعتمد على احتكاك الكاوتش بالأرض لايقاف السياره او حفظ توازنها وبما ان عند انفجار الأطار وخاصه بالصوره اللى حصلتلى ده فاحتكاك الأطار بالأرض تقريبا مهمل وبالتالى مش هيأثر فى حاجه انهم يشتغلوا او يقفوا ..... فى انتظار اى تصحيح لمعلوماتى المتواضعه

**ahmad alshaaer** · 01-09-2010 04:33 AM

شكرااااااااااااا لتصحيح المعلومات يااستاذ توت

وربنا يكفينا شر الطرق والسيارات ويعطينا خيرها

تحياتي

الموضوع: الكاوتش اتفرتك فى جينا على سرعه 160 كم

LinkBack

أدوات الموضوع

عرض

-

-

-

-

-

-

المواضيع المتشابهه

سرعه البديهه و سرعه الرد .

جينا عايزة تستحمي

تكييف جينا

سمك الصاج فى جينا

بعد 2000 كم مع جينا

الكلمات الدلالية لهذا الموضوع

المفضلات

المفضلات

ضوابط المشاركة