الكاوتش اتفرتك فى جينا على سرعه 160 كم

السلام عليكم اخوانى الأعزاء اليكم اخر مصايب جينا

وانا ماشى فى امان الله على طريق مصر الأسكندريه رايح على باب الله لأكل عيشى فى السويس :36_7_4[1]:وماشى على حوالى 160 وانا جنب اوتوبيس حسيت كأن طوبه خبطت فى العربيه جامد :H_angry[1]:بعدها بثانيتين وكانت سرعتى 160كم بالظبط بدأت اسمع صوت خبط جامد من ناحيه العجله اللى قدام يمين .. الحمد لله ربنا هدانى ومادوستش فرامل وشغلت الأنتظار وبدأت اخد يمين ( كنت فى اقصى اليسار ) لحد لما وصلتها لبر الأمان وهنا كانت المفاجأه:eee: .. العجله متفرتكه بكل ما فى الكلمه من معانى:stink[1]: .... الجزء المسطح اللى بيبقا ملامس للأرض منفصل تقريبا عن باقى العجله ...
طبعا ركبت الأستبن المسكين بتاع العربيه كل الناس اتريقت عليه واللى يقوللى هو لونه اصفر ليه هو انت دوست على كتكوت؟؟ :shyy:... وفضلت ماشى بالكتكوت لحد السويس وأدينى بحاول اخد قرار اشترى اى نوع كاوتش وهل اجيب الرخيص زى الكومهو او النان كانج او الهانكوك ولا اجيب البريدجستون وده لأنى ناوى اغير الطقم كله باذن الله :36_1_40[1]:..... بالمناسبه الحاجه الوحيده اللى عاجبانى فى الموضوع ده ثبات العربيه بسم الله ماشاء الله فى اثناء ما الكاوتش فرقع حسيت ان انا حتى لو سيبت الدريكسيون كانت العربيه هتفضل ماشيه فى سكتها عادى ومعملتش مجهود علشان احفظ توازنها .... عامه قدر الله وما شاء فعل

الحمد لله يا باشا جت سليمة بس أخطر حاجة في الدفع الامامي هو إن عجلة قدام تضرب.

انصحك لو هتغير ال 4 فرد في خلال 1000 كيلو جيب عجلة مستعملة مؤقتا لحد متغير كله, لكن لو هاتغيرة كمان 10.000 - 20.000 يبقى اشتري جديد.

الحمد لله على السلامة...
وشكراً لبروتون على الجين الجميلة..

ممكن تشتري فردتين جداد للعجل الامامي فقط ... ولما يتوفر معاك فلوس تاني اشتري الفردتين الباقيين و ركبهم قدام برضه و رجع الأولانيين للعجل الخلفي.

حمد لله علي السلامة

الحمد لله على سلامتك .

ارجوك بحبيك النبى بلاش سرعات عالية على الطريق وربنا يستر علينا جميعا

حمد الله على سلامتك
وربنا يسترها عليك وعلينا جميعا

جات سليمة الحمد لله
وطبعا لو عربية من اياهم مكانك كان زمانها بالسلامة
وياسيدي خلي الناس تتريق براحتهم على الاستبن

حمداً لله على سلامتك
وفداك 100 عجله
أنا رأيي مادمت بتاع سرعات خليك في بتاع السرعات
Bridge stone

حمد الله على سلامتك
أنا رأيى تشترى فردتين جداد

اعتقد ياجماعه والله اعلم دي مجرد وجهة نظر مش معلومه اكيده

ان الاي بي دي او الاي بي اس لما بيلاقي فرده ضربت والعربيه هتزحلق بيفصل العجله دي عشان كده ماحصلش والحمد لله للاخ الكريم اي مشكله لما الكاوتش انفجر

دي مش معلومه اكيده

ماحدش يعتمد عليها
ولكن استنتاج مش اكتر لانها جات في بالي كتير

تحياتي

حمد لله على سلامتك ياباشا

با شا حمد الله على سلامتك، نصيحة من أخ بلاش السرعات العالية دى على طرقنا المصرية أنت أكيد سائق جيد، والعربية كمان جيدة، بس الطريق هو اللى وحش فياريت بلاش الجرى ده على طرق زى دى، والحمد لله إن ربنا ستر.

الحمدلله على سلامتك

احمد ربنا ان هي جت علي قد كده وقدر الله وماشاء فعل

بس سوال بسيط من اخوك الصغير

ليه 160 انا لسة واخدة خبطة حلوة لقيت والدي بيفولي

امشي براحة علشان توصل بسرعة وربنا يسترها عليك وانت ماشي عالطريق

تقبل تحياتي ( ابو عبد الله )

اقتباس:

---

اعتقد ياجماعه والله اعلم دي مجرد وجهة نظر مش معلومه اكيده

ان الاي بي دي او الاي بي اس لما بيلاقي فرده ضربت والعربيه هتزحلق بيفصل العجله دي عشان كده ماحصلش والحمد لله للاخ الكريم اي مشكله لما الكاوتش انفجر

---

السلام عليكم يا أستاذ أحمد
تعديل بسيط بعد أذنك .

لو عجلة فصلت زي ما حضرتك بتقول ...... العربية أتزانها ياضيع و تلف حوالين نفسها

إنما اللي بيحصل العكس

نظام ebd بيخلي العجل تقريبا يلف نفس عدد اللفات علشان القوة الدافعة تكون متساوية على العجلات الأربعة و بكدا يحفظ توازن العربية

و نصيحة لأخي صاحب الموضوع
بلاش سرعات عالية ......... فيه ناس مستنيينك و ربنا يستر طريقك .

فى موضوع جابه ا/طارق جين اكيد شوفته ultra seal ياريت نعرف رايكم ايه

حمدلله على سلامتك ...هات ميشلان عن تجربه جامدددد :3_3_102[1]:
شفت الجين فى المواقف الصعبه :Ta_clap[1]:
ربنا يسترها

متشكر جدا ياجماعه على الردود وربنا يبعد عنا وعنكم كل مكروه باذن الله ..... انا باذن الله ناوى اغير الطقم كله وربنا ييسر اما بريدجستون او ميشلان من ناحيه او هانكوك او كومهو على حسب السعر .... انا بصراحه مش عارف ايه حكايه العربيه دى معايا يدوبك قبل رمضان على طول كنت فى السويس نزلت من العربيه ودخلت محل حجزت حاجه ورجعت العربيه علشان اقعد فى التكييف لح اما يجهزوها بمجرد ما بشغل التكييف ببص لقيت دخان كثيف طالع من الكبوت رحت مبطل العربيه ونزلت اشوف فى ايه - بدون ما اطول عليكم - خرطوم التكييف الضغط العالى كان ملامس للفرن وطبعا ساااااح وانفجر الفريون داخل الكبوت ..... الغريبه انى لما فتحت الكبوت ساعتها لاقيت اثار زيت كثير على الموتور وخلافه ... فكان هيجيلى سكته قلبيه افتكرتها جابت وش سلندر بس بعد كده الناس فهمتنى ان الفريون بيكون فيه نسبه زيت ... المهم جبت خرطوم استعمال من عند عطيه البيبس فى الأسكندريه ب 125 جنيه بعد الفصال .. ورحت علشان اركبه لاقيته مش نفس طول كان اقصر بس مش دى المشكله ... المشكله ان الخرطوم المرحوم كان فيه o - ring فى الجزء اللى داخل للكومبريسور وده مش موجود فى الخرطوم اللى انا اشتريته فاضطريت اقطع الجزء ده من الخرطوم القديم والحمه لحام الومنيوم عن واحد بتاع رادياتير والحمد لله اشتغل تمام .....
ياريت دلوقتى حد يقولى مين يدعى على التانى .... انا ولا جينا ؟؟

بالنسبه لموضوع الـ abs & ebd انا ليا رأى متواضع ان ساعه انفجار الأطار مش هيفرق انها شغاله ولا لأ لأنها من وجهه نظرى انها بتعتمد على احتكاك الكاوتش بالأرض لايقاف السياره او حفظ توازنها وبما ان عند انفجار الأطار وخاصه بالصوره اللى حصلتلى ده فاحتكاك الأطار بالأرض تقريبا مهمل وبالتالى مش هيأثر فى حاجه انهم يشتغلوا او يقفوا ..... فى انتظار اى تصحيح لمعلوماتى المتواضعه

شكرااااااااااااا لتصحيح المعلومات يااستاذ توت

وربنا يكفينا شر الطرق والسيارات ويعطينا خيرها

تحياتي

اقتباس:

---

المشاركة الأصلية كتبت بواسطة densfog

متشكر جدا ياجماعه على الردود وربنا يبعد عنا وعنكم كل مكروه باذن الله ..... انا باذن الله ناوى اغير الطقم كله وربنا ييسر اما بريدجستون او ميشلان من ناحيه او هانكوك او كومهو على حسب السعر .... انا بصراحه مش عارف ايه حكايه العربيه دى معايا يدوبك قبل رمضان على طول كنت فى السويس نزلت من العربيه ودخلت محل حجزت حاجه ورجعت العربيه علشان اقعد فى التكييف لح اما يجهزوها بمجرد ما بشغل التكييف ببص لقيت دخان كثيف طالع من الكبوت رحت مبطل العربيه ونزلت اشوف فى ايه - بدون ما اطول عليكم - خرطوم التكييف الضغط العالى كان ملامس للفرن وطبعا ساااااح وانفجر الفريون داخل الكبوت ..... الغريبه انى لما فتحت الكبوت ساعتها لاقيت اثار زيت كثير على الموتور وخلافه ... فكان هيجيلى سكته قلبيه افتكرتها جابت وش سلندر بس بعد كده الناس فهمتنى ان الفريون بيكون فيه نسبه زيت ... المهم جبت خرطوم استعمال من عند عطيه البيبس فى الأسكندريه ب 125 جنيه بعد الفصال .. ورحت علشان اركبه لاقيته مش نفس طول كان اقصر بس مش دى المشكله ... المشكله ان الخرطوم المرحوم كان فيه o - ring فى الجزء اللى داخل للكومبريسور وده مش موجود فى الخرطوم اللى انا اشتريته فاضطريت اقطع الجزء ده من الخرطوم القديم والحمه لحام الومنيوم عن واحد بتاع رادياتير والحمد لله اشتغل تمام .....
ياريت دلوقتى حد يقولى مين يدعى على التانى .... انا ولا جينا ؟؟

---

باشا مش تقول انك فى السويس "اتارى السويس منورة"
ياريت اشوفك فى السويس عشان اتعرف على شخصكم الكريم
تلفونى 0107784320 وانا فى الخدمة لو فى اي حاجة فى السويس
تقبل تحياتى

لا حول ولا قوة إلا بالله أنا رأيى إنك لازم تغير العتبة يا إسلام بيع الجين دى و هات جين جديدة لأن واضح إن دى خلاص أخدت عين و أصبح عليها لعنة مربوطة فى ديل هدهد يتيم مش هتلاقيه أبدا فأحسن لك تجيب عربية تانية لأنك لحد دلوقتى صرفت عليها تمن عربيتين يا رب تكون الأخيرة إن شاء الله

الحمد لله لم يحدث لك مكروه بسبب الكاوتش , وانه ظل محتفظ بالهواء حتى بعد نزع طبقة المداس

اولا حمد الله على سلامتك ...
بس هقولك حاجه
انا مره دخلت اخد غرزه من التراب على 140 ...الكاوتش الى ادام فرقع ..
محصلش حاجه وركنت عادى ..وكنت مبسوط بالعربيه اوى
مره تانيه واحد قفل عليا وكنت على سرعه عاليه جدا بردو ..ونزلت فى التراب و دوست على حاجه قطعت الكاوتش ...
وركنت عادى بردو ...
ولو محدش متخيل القطع الى فى الكاوتش ...الفرده كانت بتبوظ و بغيرها ....منهم فرده كونتيننتال ..يعنى اجود انواع الكاوتش و الفرده التانيه بيرجستون ...
المهم من يومها بقى ..وانا خلاص مبقتش اخاف من حوار انفجار الكاوتش ..
منا جربت مرتين محصلش حاجه
بقيت بمشى مش فى دماغى ...
عشان ربنا يعرفنى ان ملهاش كبير
شوف صوره التوقيع
دى نفس الاوكتافيا الى كاوتشها فرقع على 140 فى التراب ومحصلش حاجه
الى وصلها لكده ان الكاوتش فرقع على 100 و من حظى الحلو اى كنت فى ملف يمين ...والعجله الشمال فرقعت ...
والنتيجه كارثيه ...وعاوز اقولك انى فلت من الموت باعجوبه
ارجوك متزعلش ...بس انا بجد خايف عليك

اقتباس:

---

المشاركة الأصلية كتبت بواسطة pedro732000

باشا مش تقول انك فى السويس "اتارى السويس منورة"
ياريت اشوفك فى السويس عشان اتعرف على شخصكم الكريم
تلفونى 0107784320 وانا فى الخدمة لو فى اي حاجة فى السويس
تقبل تحياتى

---

تشرفت بمكالمه حضرتك فى التليفون وعقبال ماتشرف بمقابلتك باذن الله ... وجزاك الله كل خير

اقتباس:

---

المشاركة الأصلية كتبت بواسطة jisso82

لا حول ولا قوة إلا بالله أنا رأيى إنك لازم تغير العتبة يا إسلام بيع الجين دى و هات جين جديدة لأن واضح إن دى خلاص أخدت عين و أصبح عليها لعنة مربوطة فى ديل هدهد يتيم مش هتلاقيه أبدا فأحسن لك تجيب عربية تانية لأنك لحد دلوقتى صرفت عليها تمن عربيتين يا رب تكون الأخيرة إن شاء الله

---

هيثوم حبيبى كل سنه وانت طيب .... بالنسبه لجينا خلاص ... انا لو عدى شهرين من غير مصيبه حلوه من مصايبها ممكن اروح اخبطها فى حيطه لأنى خلاص اتعودت وبقى ليها نسبه محترمه من مرتبى الشهرى .... ربنا يبعد عنا وعن كل البروتوناويه كل شر باذن الله

اقتباس:

---

المشاركة الأصلية كتبت بواسطة د.محمود صلاح

الحمد لله لم يحدث لك مكروه بسبب الكاوتش , وانه ظل محتفظ بالهواء حتى بعد نزع طبقة المداس

---

متشكر لحضرتك جدا يا دكتور ... بس فعلا منظر الكاوتش ميسمحش بوجود اى هوا فيه ...بس بحمد ربنا انه محصلش حاجه للجنط

اقتباس:

---

المشاركة الأصلية كتبت بواسطة khaled ayman

اولا حمد الله على سلامتك ...
بس هقولك حاجه
انا مره دخلت اخد غرزه من التراب على 140 ...الكاوتش الى ادام فرقع ..
محصلش حاجه وركنت عادى ..وكنت مبسوط بالعربيه اوى
مره تانيه واحد قفل عليا وكنت على سرعه عاليه جدا بردو ..ونزلت فى التراب و دوست على حاجه قطعت الكاوتش ...
وركنت عادى بردو ...
ولو محدش متخيل القطع الى فى الكاوتش ...الفرده كانت بتبوظ و بغيرها ....منهم فرده كونتيننتال ..يعنى اجود انواع الكاوتش و الفرده التانيه بيرجستون ...
المهم من يومها بقى ..وانا خلاص مبقتش اخاف من حوار انفجار الكاوتش ..
منا جربت مرتين محصلش حاجه
بقيت بمشى مش فى دماغى ...
عشان ربنا يعرفنى ان ملهاش كبير
شوف صوره التوقيع
دى نفس الاوكتافيا الى كاوتشها فرقع على 140 فى التراب ومحصلش حاجه
الى وصلها لكده ان الكاوتش فرقع على 100 و من حظى الحلو اى كنت فى ملف يمين ...والعجله الشمال فرقعت ...
والنتيجه كارثيه ...وعاوز اقولك انى فلت من الموت باعجوبه
ارجوك متزعلش ...بس انا بجد خايف عليك

---

ياسيدى ازعل ازاى بس ... ده حضرتك نقلت تجربه حيه علشان فعلا الناس متتغرش .... وعامه كل ماأشوف توقيع حضرتك اقول الف سلامه عليك وربنا يرجعهالك احسن من الأول باذن الله .... بس لما كنت بشوف الصوره قبل كده مكنتش متخيل ان ده ممكن يكون من الكاوتش

[quote=densfog;3872999987


ياسيدى ازعل ازاى بس ... ده حضرتك نقلت تجربه حيه علشان فعلا الناس متتغرش .... وعامه كل ماأشوف توقيع حضرتك اقول الف سلامه عليك وربنا يرجعهالك احسن من الأول باذن الله .... بس لما كنت بشوف الصوره قبل كده مكنتش متخيل ان ده ممكن يكون من الكاوتش[/quote]
شكرا يا باشا على سعه صدرك ..
وفعلا ده كله بسبب انفجار الكاوتش ...
وباقى الحادثه طبعا مفيش سيطره على العربيه لان مع اول خبطه ..العجله طلعت بالمقص بتاعها ..
والايرباج فتح ...
ومشفتش حاجه غير انى حسيت ان العربيه وقفت ونزلت منها شفت الناس و الاسعاف والعربيه ..والدى جه و مش عارف ينزل من العربيه من الصدمه ...اصحابى راحو قعدو على السور بعيييد لانهم مش مصدقين نفسهم ..
انا بقول الكلام ده عشان اعرفكو ان مفيش حد مضطر انه يحط نفسه ..فى موقف ممكن و لو بنسبه 1% تكون نتيجته حادثه ..وموقف مفجع زى ده
مش بقولك انى كنت سيد العاقلين لالا انا كنت من اكتر الناس المتهورين الى ممكن تشوفهم ...
بس الحمد لله محدش بيتعلم ببلاش .

من وجهة نظرى الكومهو افضل كاوتش لانة ارخص احسن حاجة... اللى احسن منة مكلف جدا و اللى ارخص منة جربان

MMamdouh

[QUOTE=densfog;3872999987]تشرفت بمكالمه حضرتك فى التليفون وعقبال ماتشرف بمقابلتك باذن الله ... وجزاك الله كل خير

على فكرة انا لسه شايف الرد الجميل بتاعك
وعايز اوقلك ان الشرف ليا وانتظار التشرف بمقابلتك
المهم سلمة على الندل وجيه

الحمد لله انك بخير

الف سلامو عليك و نصيحة من اخ بيحب البروتون ( بس اوبلاوي صميم )

جرب Kumho Escata
و ادعيلي

2250 تكلفه جزمه العيد لجينا
شكرا على جميع ردود الساده الأعضاء الأفاضل وربنا مايجبلكمش حاجه وحشه ..... بعد تفكير عقلانى ومادى معا قررت تغيير الكاوتش الى ..... ميشلان 195/60 r15 88v اسبانى الفرده بحوالى 525 وبلوف نيكل ب10 الواحد ورصصت ب40 جنيه ...وسبب اختيارى هو انى من المنظر اللى شوفته لما العجله فرقعت قررت انى اجيب نوع كويس .... يكون عمره الأفتراضى أطول ( الأعمار بيد الله) ..... ويمسك نفسه شويه لما يعوز ينتحر يعنى مايتفرتكش بالمنظر ده ( ودى برضه حاجه بتاعت ربنا بس انا قولت اخد بالأسباب) .....
المشكله الأن هزه عنيفه فى العربيه كلها لما اجى اخف رجلى من على البنزين وانا ماشى على 100 تقريبا .. وكذلك هزه عاديه من 80 ولحد 120 وماجربتش بعد كده.... رجعت تانى للراجل بتاع الترصيص ورانى ان العجل جايب صفر على الجهاز ...... ياريت تفيدونى ياجماعه لأحسن بجد انا جالى احباط

على فكرة يا باشا .... أنا سألت ناس بتاعة كاوتش ...... و كذا واحد أجمع ان النوع الماليزي اللي راكب في الجين 2 أصلا من الأنواع الجيدة و التي تتحمل الطرق الشاقة .

و بالنسبة لشرائك الكاوتش الميشلان فربنا يباركلك فيه و يستر طريقك يارب و تكون في أحسن حال دائما .

و عيد سعيد على الجميع

اقتباس:

---

المشاركة الأصلية كتبت بواسطة densfog

2250 تكلفه جزمه العيد لجينا
شكرا على جميع ردود الساده الأعضاء الأفاضل وربنا مايجبلكمش حاجه وحشه ..... بعد تفكير عقلانى ومادى معا قررت تغيير الكاوتش الى ..... ميشلان 195/60 r15 88v اسبانى الفرده بحوالى 525 وبلوف نيكل ب10 الواحد ورصصت ب40 جنيه ...وسبب اختيارى هو انى من المنظر اللى شوفته لما العجله فرقعت قررت انى اجيب نوع كويس .... يكون عمره الأفتراضى أطول ( الأعمار بيد الله) ..... ويمسك نفسه شويه لما يعوز ينتحر يعنى مايتفرتكش بالمنظر ده ( ودى برضه حاجه بتاعت ربنا بس انا قولت اخد بالأسباب) .....
المشكله الأن هزه عنيفه فى العربيه كلها لما اجى اخف رجلى من على البنزين وانا ماشى على 100 تقريبا .. وكذلك هزه عاديه من 80 ولحد 120 وماجربتش بعد كده.... رجعت تانى للراجل بتاع الترصيص ورانى ان العجل جايب صفر على الجهاز ...... ياريت تفيدونى ياجماعه لأحسن بجد انا جالى احباط

---

انا لما ركبيت ورصصت عجل متزن لوحده الصراحه وناعم قوى ماشاء الله
بص انت تروح لحد تانى تراجع الترصيص وتقول له ترصيص سرعات عاليه مش بطيئه وتتطمن على العجل... زى مثلا بردجستون
مبروووك على الارض وجنجون :hlopaet_prv:
ربنا يوفق

اقتباس:

---

المشاركة الأصلية كتبت بواسطة tutankhamoun

على فكرة يا باشا .... أنا سألت ناس بتاعة كاوتش ...... و كذا واحد أجمع ان النوع الماليزي اللي راكب في الجين 2 أصلا من الأنواع الجيدة و التي تتحمل الطرق الشاقة .

و بالنسبة لشرائك الكاوتش الميشلان فربنا يباركلك فيه و يستر طريقك يارب و تكون في أحسن حال دائما .

و عيد سعيد على الجميع

---

متشكر لحضرتك جدا على معلومه الكاوتش وكل المعلومات الأخرى اللى حضرتك افدتنا بيها .... ويكفينى شرف ان كبير بروتون شارك فى موضوعى

اقتباس:

---

المشاركة الأصلية كتبت بواسطة khpopo

انا لما ركبيت ورصصت عجل متزن لوحده الصراحه وناعم قوى ماشاء الله
بص انت تروح لحد تانى تراجع الترصيص وتقول له ترصيص سرعات عاليه مش بطيئه وتتطمن على العجل... زى مثلا بردجستون
مبروووك على الارض وجنجون :hlopaet_prv:
ربنا يوفق

---

متشكر لحضرتك جدا وفعلا حضرتك اللى خليتنى ابص على الميشلان لارغم من انى مكنتش بفكر فيه ..... بس ادعيلى ربنا يكرمنى فى موضوع الهزه دى لأحسن بصراحه انا مخنوق جدا منها وحاسس انها ممكن تأثر على حاجه فى العفشه مثلا ... عامه انا رايح النهارده باذن الله عند واحد ميكانيكى يشوف العفشه وهو شغال فى التوكيل لأن الهزه من العربيه كلها مش من الدركسيون بس ... والله الموفق

حبيبي الجه او الغربله دي مش هتروح الا لما ترصص الكاوتش بالترصيص بتاع الجنوط الاسبور من داخل الجنط ورصاص عادي من بره

وده انا بعملوا في بريد جستون

لان الجنط الاسبور لازم يترصص باللزق من الداخل والرصاص من الخارج

وماتقلقش بيعيش انا معايا بقاله سنتين مش برصص تاني الا لما كاوتش بيتخرم وافكه او اغير كاوتش

نصيحه كمان وانت بترصص في بريد جستون قولله ينقي احسن جنطين قدام مايكونوش فيهم لوحه

احسنهم امامي والتانيين خلفي

تحياتي

اقتباس:

---

المشاركة الأصلية كتبت بواسطة tweety26980

حبيبي الجه او الغربله دي مش هتروح الا لما ترصص الكاوتش بالترصيص بتاع الجنوط الاسبور من داخل الجنط ورصاص عادي من بره

وده انا بعملوا في بريد جستون

لان الجنط الاسبور لازم يترصص باللزق من الداخل والرصاص من الخارج

وماتقلقش بيعيش انا معايا بقاله سنتين مش برصص تاني الا لما كاوتش بيتخرم وافكه او اغير كاوتش

نصيحه كمان وانت بترصص في بريد جستون قولله ينقي احسن جنطين قدام مايكونوش فيهم لوحه

احسنهم امامي والتانيين خلفي

تحياتي

---

اولا متشكر لحضرتك جدا على الرد
ثانيا على حسب كلام كل الناس اللى جربوا العربيه ان الموضوع مش موضوع ترصيص لأن الهزه من العربيه كلها مش من الدركسيون
ثالثا قبل كده لما كنت برصص فى بريدجستون العربيه ماكنتش بتتظبط وكانوا بيقولولى ان فى مشاكل فى جنط او جنطين وعمر العربيه ماكانت بتتظبط اكتر من 50%
رابعا انا روحت لميكانيكى شغال فى توكيل اسكندريه وغير كوبلن ومتغيرش شئ .... وعلى كلامه ان العيب ياأما فى الجنوط أو فى عمود صغير قدام مابين الكوبلنين مش فاكر اسمه ايه ..... بس السؤال دلوقتى هل ممكن تكون الهزه دى من قواعد الموتور او ما شابه .... ارجو الأفاده بعد اذنكم

واخيرا والحمد لله تم حل المشكله وكانت مشكله ترصيص ..... الباشا اللى رصصلى بعد ماركبت الكاوتش على طول من الواضح ان كان جهازه فسكونيا ..... علشان انا يدوبك رصصت النهارده والعربيه الحمد لله رجعت لطبيعتها (فيها هزه بسيطه بين 90 الى 120 ودى بسبب رفه فى جنطين مخليهم ورا) .... وشكرا لكل من مد يده الى بالمساعده والرأى وبالذات المشاركتين بتوع الترصيص بتوع استاذ خالد واستاذ تويتى فعلا طلع الموضوع زى ماقالوا بالضبط ....... مع خالص تحياتى للجميع والسلام عليكم

اقتباس:

---

المشاركة الأصلية كتبت بواسطة densfog

واخيرا والحمد لله تم حل المشكله وكانت مشكله ترصيص ..... الباشا اللى رصصلى بعد ماركبت الكاوتش على طول من الواضح ان كان جهازه فسكونيا ..... علشان انا يدوبك رصصت النهارده والعربيه الحمد لله رجعت لطبيعتها (فيها هزه بسيطه بين 90 الى 120 ودى بسبب رفه فى جنطين مخليهم ورا) .... وشكرا لكل من مد يده الى بالمساعده والرأى وبالذات المشاركتين بتوع الترصيص بتوع استاذ خالد واستاذ تويتى فعلا طلع الموضوع زى ماقالوا بالضبط ....... مع خالص تحياتى للجميع والسلام عليكم

---

مبارك ان شاء الله انك وصلت للعيب واتحل استمتع بالكاوتش وربنا يسترها معاك ويعوضك :M_yes[1]:
ربنا يوفق