ثلاث مشكلات و ارجو المساعدة

**Adham** · 03-09-2010 05:59 PM

دخان ابيض من الشكمان (بخار مياة) و نقص في مياة التبريد و كبس في المياة عند تبطيل السيارة كل دي علامات مشكلة في وش السلندر او جوان الوش

**ahmedjumpo** · 03-09-2010 06:51 PM

الله يبارك فيك يا استاذ محمد و ان شاء الله هافضل متابع المياه و هحاول اشوف حوار البنزين و ان كنت تعبت من العربية ديه من ساعة ما جبتها لغاية دلوقتى و الله ما مشيت معايا يوم الا بمشكلة و الحمد لله قدر الله و ما شاء فعل

المشاركة الأصلية كتبت بواسطة adham

دخان ابيض من الشكمان (بخار مياة) و نقص في مياة التبريد و كبس في المياة عند تبطيل السيارة كل دي علامات مشكلة في وش السلندر او جوان الوش

الاستاذ ادهم ممكن اعرف ايه اللى خلى حضرتك تعتقد ان فى مشكلة فى وش السلندر و ازاى اقدر اكشف عليه و هل لو عملت كبس للموتور ممكن اعرف لو فى مشكلة وش سلندر

**mely** · 04-09-2010 07:03 AM

لو شكك فى محله وان سبب الدخنه هوا كتر البنزين يبقى روح لميكانيكى وخليه يراجع خرطوم الراجع بس ده مش هنقص البنزين بصوره ملفته وبالمره راجع مسطرة الرشاشات

**mely** · 04-09-2010 07:08 AM

طبعا كلام الاستاذ ادهم منطقى بس اتاكد من نسبة نقص المياه الاول

**Adham** · 04-09-2010 01:29 PM

المشاركة الأصلية كتبت بواسطة ahmedjumpo

]الاستاذ ادهم ممكن اعرف ايه اللى خلى حضرتك تعتقد ان فى مشكلة فى وش السلندر و ازاى اقدر اكشف عليه و هل لو عملت كبس للموتور ممكن اعرف لو فى مشكلة وش سلندر

المشاركة الأصلية كتبت بواسطة adham

1- دخان ابيض من الشكمان (بخار مياة)

2- نقص في مياة التبريد

3-كبس في المياة عند تبطيل السيارة

كل دي علامات مشكلة في وش السلندر او جوان الوش

الصبح و العربية بارده افتح غطاء الردياتير و دور العربية و اقف قدام الردياتير و شد سلك الاكسراتير شوية لو لقيت المياة بتفور لبرة الردياتير و بتبقلل مش بتعمل دوامة و تتشفط لجوة مع تزويد البنزين يبقى فية تهريب كبس في جوان وش السلندر

وشوف غطاء الزيت لو فية طحينة يبقى فية تهريب مياة للزيت من الوش او الجوان

المشاركة الأصلية كتبت بواسطة mely

لو شكك فى محله وان سبب الدخنه هوا كتر البنزين يبقى روح لميكانيكى وخليه يراجع خرطوم الراجع بس ده مش هنقص البنزين بصوره ملفته وبالمره راجع مسطرة الرشاشات

كتر البنزين يعمل دخان اسود من الشكمان مش ابيض

**ahmedjumpo** · 04-09-2010 11:45 PM

المشاركة الأصلية كتبت بواسطة adham

الصبح و العربية بارده افتح غطاء الردياتير و دور العربية و اقف قدام الردياتير و شد سلك الاكسراتير شوية لو لقيت المياة بتفور لبرة الردياتير و بتبقلل مش بتعمل دوامة و تتشفط لجوة مع تزويد البنزين يبقى فية تهريب كبس في جوان وش السلندر

وشوف غطاء الزيت لو فية طحينة يبقى فية تهريب مياة للزيت من الوش او الجوان

انا فعلا عملت اللى انت قلت عليه قبل كده و مكنتش المياه بتتطلع بره و لا بتبقلل و بالنسبة للزيت هو الحمد لله مش مطحن
بس اللى مضايقنى اوى دلوقتى ان و العربية مركونة البنزين بينقص يعنى العربية بتصرف فلوس و هى واقفة و ديه حاجة تغيظ