ارجو الافادة من اصحاب الخبرة
ايهم الافضل سيفيك vti
ولا الجيتا اقل فئة فيها
من حيث الثبات والافضل فى التسارع
وعوامل الامان
عرض للطباعة
ارجو الافادة من اصحاب الخبرة
ايهم الافضل سيفيك vti
ولا الجيتا اقل فئة فيها
من حيث الثبات والافضل فى التسارع
وعوامل الامان
سحب: سيفيك
جري سرعات: جيتا
ثبات: جيتا
اوبشنز: جيتا
تعديل وحركات: سيفيك وش
ركوب وشياكة ونخرج مع المزة نروح الفور سيزونز: جيتا
اسعار قطع غيار: سيفيك
توفر قطع غيار: سيفيك
صوت وعزل وفرش والوانات وحركات في التابلوه: جيتا وش
امان طبعا الجيتا
والاستخارة ان شاء الله
مشكوررررررررررررررررررررر ررررررررررررر يا استاذ kamal salem
تأمرني ف أي وقت والله
يا استاذ كمال سالم السيفيك برده مش قليله التابلوه بتاعها فاجر و برده حركات ياعنى و عداد ديجيتال و سيفيك ثباتها عالى و ميقلش عن الجيتا فى حاجه مش عايز اقول اثبت ياعنى و اعتقد فى الجرى السيفيك تتفوق عشان ماتورها اشد من الجيتا شويه بس الى يميز الجيتا الفتيس dsg بس السيفيك تشد معاها جامد ياعنى و انا شايف ان السيفيك نفس المستوى مضحيش بكل الاوبشن و تجيب حاجه اوبشنها قليل و خصوصا الاتنين مستوى واحد
يعنى السيفيك افضل
يعنى السيفيك افضل فى السحب والتسارع
اللي فاته الالماني مش هايرجع تاني
السيفيك شكلها احلى من الجيتا في رأي
خصوصا لو اتجنطت
كمان موتور السيفيك اقوى
والسيفيك اعلى في الأعتمادية
الجيتا لا غبار عليها
بس الشكل الجديد بتاعها على الأبواب
وشكلها مش شبابي أوي
والأتنين طبعا ثباتهم ممتاز
في رأي السيفيك VTI افضل من حيث اوجه المقارنه اللي طلبتها...
الثبات: نظراً لوجود نظام الثبات الالكتروني فيها (( VSA ))
ده الى جانب قاعدة العجلات الكبيره (2700 مم)
التسارع: نظراً لقوة موتور السيفيك, 125 حصان/6500 د.د,
152 نيوتن.متر/4200 د.د, جير بوكس 5 سرعات اوتوماتيك + سبورت مود
الأمان: ABS, EBD, VSA, 2 Air Bags
اظن الجيتا افضل نسبياً من حيث الامان بشكل جزئي, لأني اعتقد
ان اقل فئه في الجيتا فيها 4 اير باجز مقابل 2 في اعلى فئه في السيفيك
لكن السيفيك بتتميز عن الجيتا بوجود نظام الثبات كاملاً في اعلى فئه VTI
يا رب اكون قدرت افيدك, و ربنا يوفقك للخير...
تقبل تحياتي...
مشهد رائيته بنفسي في العشر من رمضان
شاهين زيرو
خبط وش في جيتا بس الجيتا كانت في الجانب فوق داير الرفرف ب الضبط
الخسائر
الشاهين اكصدام
كشاف بفانوس اشاره
رفرف يمين اتعجن
الكارتيره بتاعت المساعد اتعجنت
كبوت اطبق نصفين
الجنب اليمين داخل الحوض اتعوج كله
الجيتا
والله العظيم
خدش فوق داير الرفرف الخلفي يمين ممكن لايري الا لو دققتو النظر فيه
بجد عربيه محترمه جدا
راي تتفوق علي السيفك بمراحل في الامان
مشكورررررررررررررين
يا جماعه نصيحه لوجه لله قبل الفطار
الالمانى ركوبه تانيه خالص
تحياتى
السيفيك vti اثبت من الجيتا الا لو الجيتا فيها esp واعتقد انه موجود في اعلى فئه خليجي
السيفيك موتورها اقوى سحب وجري
الفتيس الـdsg بخاف منه ومن مشاكله
الشكل اذواق ومن رأيي السيفيك شبابي اكتر
التابلوه بتاع السيفيك انا لما بشوف سيفيك بمشي جنبه علشان اتفرج على التابلوه بس
الامان هيفرق في الايرباج بس الـvsa نقطه كبيره تحسب في صالح السيفيك بالنسبه للامان
في الآخر مش هتندم لو اشتريت اي واحده منهم لانهم عربيتين محترمين جداً
انا مع السيفيك لو اعلى فئة ... و طبعاً الإتنين محترمين جداً ..
عربيتين حلوين جددا
بس الالمانى بردو
الجيتا اقوى كأمان يعني يكفي انك تفتح الابواب والشنطة لكلاهما و انت حتلاحظ الفرق,و قطع غيار الجيتا متوفرة بشدة و اسعار معقولة ,لكن تتفوق الهوندا زي ما قال السباب في الvsa وان الجيتا شكلها اتغير خلاص.
انا افضل السيفيك
سيفيك
اعلى فئة فيها 4 ايرباجز وبتنزل بجنط 16
ثباتها ماشاء الله انا معايا فيكترا الجديدة وجربت السيفيك لغاية 185 بصراحة تحفة
ممكن تكون الجيتا اشيك بس دي اذواق
طبعا الموتور لصالح السيفيك
الفتيس جيتا بس بتاع السيفيك ممتاز
الوسع الداخلي اعتقد سيفيك
الثبات تقريبا جيتا بس مش فرق كبير كمان السيفيك فيها vsa مش موجود في الجيتا البيز لاين (esp هو المقابل بتاعه)
انا بحب السيفيك من جوة
الاوبشنز على حسب السعر مش عارف بصراحة بس اعتقد سيفيك هاي لاين بسعر جيتا بيز لاين