الموضوع: الإفطـار بطنطـا ( التأكيد النهائي للحضور-المكان والموعد-الوجبات وأسعارها)

يا شباب يا رييييت تبعتولي ارقام تليفوناتكم في رسائل خاصه لأن في ناس كتير مش معايا ارقامها وكده مش هنعرف نتابع مع بعض يوم الجمعه ان شاء الله

علشان لو حد اتأخر ولا حاجه اتصل بيه اتأكد انه جاي لأن هيبقي فيها احراج مع المطعم لو العدد فرق كتير عن الحجز ومش بعيد اتدبس في كام وجبه

وبأكد عليكم تاني يا ريت محدش يتأخر خصوصا الناس اللي عايزه تغير الوجبه عن المتفق عليه علشان يبقي قدامهم فرصه

الوجبه المتفق عليها في الحجز هي : زجاجه مياه + مشروب + شوربه + تلت كيلو كباب وكفته + أرز + سلاطات

المشاركة الأصلية كتبت بواسطة dr ahmed

إن شاء الله يبقى يوم رائع ومعذرة لعدم الحضور لظروف صحية

شفاك الله وعافاك ، كان نفسي اشوفك والله ليك وحشه يا دكتور

المشاركة الأصلية كتبت بواسطة mzeid

طيب شباب ممكن تليفون أي حد فيكم علشان هيكون عندي عزومة عائلية يومها
إن شاء الله أحاول اخلع بدري بدري ( مش حسام البدري ) و أجيلكم على سافانا
فكنت عايز تليفون أي حد فيكم علشان أكلمكم اعرف انتم فين

المشاركة الأصلية كتبت بواسطة medo.malek

طب تمام
ان شاء الله ممكن اقابلكم انا كمان :)

خلاص في انتظاركم ان شاء الله

المشاركة الأصلية كتبت بواسطة wesam_salom

انا اسف يا جماعه

غالبا مش هقدر الحق الفطار

لانى هكون فى المطار فى الوقت ده لان اخويا جاى من السفر وانا اللى هجيبه ولسه محدد الميعاد انبارح ومعرفتش اقنع اخويا الكبير يجيبه

ربنا يسهل والحقكم على الكافيتريا ان شاء الله

يعني اعمل فيك ايه طيب ؟ شكلي هحطك بلاك ليست يا وسام

المشاركة الأصلية كتبت بواسطة ahmedbasto

انت حجزت يا بشمهندس محمد ولا لسه

اة خلاص الحمد لله دفعت عربون وأكدت الحجز

احمد الله يكرمك يا ريت تبعت رسائل خاصه لكل الناس اللي هيجو تاخد منهم ارقام التليفونات لأني مسافر دلوقتي مش هلحق

انا معايا ارقام فارما و خالد أيمن و حماده عزو و محمد عثمان و مجدي رسلان واحمد منير (شوتر)

شوف مين اللي باقي وابعتلهم رسائل