هام للغايه كيفيه قياس الامبيرفى بطاريه السياره

**mr_sameh** · 31-08-2010 09:45 PM

المشاركة الأصلية كتبت بواسطة karimfahmy99

زى ما قلت فى ردى فى تانى مشاركة بتظبط الافو على 24 او 50 حسب الافو اللى معاك المهم اعلى من 12

مش هتعرف تقيس الامبير صعب دى حكاية طويلة و حسبة . حتى المتخصصين ميقدروش يقيسوا الامبير

اللى تقدر تعملة هو الاتى :

زى ما قلت تحط السلك الاحمر على الموجب و الاسود على السالب . القراءة هتكون 12 زى ما قلت تمام . الطبيعى لو البطارية سليمة انك لما تدور العربية القراءة تنزل الى 10 فولت لحظة التدوير و بعدين تطلع تانى ل12 و لما تزود بنزين يزيد العد الى 13.5 او 14 كدة يبقى تمام التمام .

اما لو لقيت العد ساعة لحظة الدوارة بينزل لاقل من 10 يعنى فى ضعف . حسب المقاييس لو نزلت الى 8 فولت تسمع تكتكة فى المارش و ومفيش مارش . المتخصصين بيبقى عندهم جهاز للقياس و مدمج معة سخان داخلى و الغرض منة عمل تحميل على البطارية و يشوف العداد ينزل لغاية كام فولت بس طبعا معندناش الجهاز دا و بنستعين بدلا منها بلحظة التدوير فهى تؤدى نفس الدور .

كلامك مظبوط واضيف ان الافوميتر اخر امبير ممكن يقيسه لازم يكون اقل من 5 امبير اما اي بطاريه للعربيه بيكون الامبير بتاعها عالي جدا

**smsm_nabawy** · 01-09-2010 01:12 AM

المشاركة الأصلية كتبت بواسطة ASKAFRAWY

((((( الكشف عن اعطال البطارية))))))

اولا الكشف على البطارية:-

1- عند الكشف على البطارية لازم تكون العربية مطفية و باستخدام الفولتميتر يتم توصيل الطرف الاحمر بالقطب الموجب للطارية و الاسود بالقطب السالب و يجب ان تكون قراءة البطارية السليمة بين و 12.1 و 12.8 .

2- عند الكشف على شحن الدينامو يتم تنفيذ نفس الخطوة السابقة مع تشغيل المحرك فى الوضع العادى و يجب ان يكون معدل الشحن بين 13.6 و 14.3 .

رد جميل ،، تسلم أيد كل من شارك في التوضيح

**karimfahmy99** · 02-09-2010 06:08 PM

المشاركة الأصلية كتبت بواسطة marrexa

مشكور جدا على التوضيح وشكرا لكل من شارك فى الموضوع - بس عندى استفسار هل من الممكن عمل شاحن بطاريه زى -التنجر- يتوصل بالكهربه-تيار متردد- ويطلع تيار مستمر 10 امبير يشحن البطاريه بأمان ويكون يتحمل الحراره ايضا وشكرا ومعلش على الاطاله انا عارف انى تقلت عليكم بس الغرض هو الافاده والاستفاده -رمضان كريم-

ممكن طبعا بس اعتقد مش هتلاقى 10 امبير ممكن تلاقى 5 امبير طبعا لازم تقول 12 فولت . واذا كنت عاوز 10 امبير يبقى روح للنخيلى فى باب اللوق و اذا عندهم اشترية او ممكن تطلب يتعملك واحد . بس الافضل 5 امبير عن تجربة و برضة تلاقية فى باب اللوق بس هتلف علية و طبعا هتحتاج بريدج برضة 5 امبير او اعلى لو فى و ليها طريقة للتوصيل طبعا مش اى حاجة و طبعا علبة تلم الحاجات دى

**marrexa** · 03-09-2010 11:52 AM

شكرا على التوضيح وتمت الاستفاده-رمضان كريم-

**ASKAFRAWY** · 03-09-2010 09:29 PM

المشاركة الأصلية كتبت بواسطة marrexa

شكرا على التوضيح وتمت الاستفاده-رمضان كريم-

الله اكرم يا فندم

**wael6** · 10-04-2011 11:26 PM

السلام عليكم
قست البطاريه و العربيه مبطله طلعت 12.8
وهى ع السلانسيه طلعت برده 12.8
ورفعت الموتور الى 1200 لفه تقريبا طلع 14.3
وانا اعانى من رعشة النور وضعفه وبيزيد ويثبت لما ادوس بنزين
وفى رعشه للموتور ع السلانسيه ( السلانسيه قرب ال 1 لما بتسخن وتحت الشرطتين اللى فى النص وهى بارده )

**wael6** · 10-09-2011 10:59 PM

السلام عليكم
اشتريت دينامو استيراد 75 امبير وغيرته مرتين لانه طلع بيشحن زياده وكمان غيرت البطارية بقت اي سي ديلكو 70
حاليا اللى راكب اول امبارح قاس شحن مظبوط
امبارح قاس شحن زائد
اليوم رجع نقص شوية
يعنى حاليا 14.3 -14.4 وانا مزود كان امبارح 14.9 - 15
وعلى السلانسية الآن 14.02-14.03 وامبارح كان 14.5
الدينامو ده كتاوت داخلى وبتاع البطاريات بيقول القياس المظبوط للدينامو الكتاوت الداخلى بيكون ع السلانسيه 13.7 ولما تزود لا يزيد عن 14 باى حال من الاحوال
انا الآن اعانى من خفتان النور ع السلانسيه ولما بزود النور بيزيد ويقوى
واختفت رعشة النور تمام سواء ع السلانسيه او التزويد
ومشكله اخرى لما بشغل النور الواطى مثلا او العالى والعربيه ع السلانسيه العربيه بتوطي وبتترج؟؟ ده من ايه؟ علما بان السلانسيه عندى عالى ومظبوط
الغريب ان 3 كهربائية مختلفين قالولى الدينامو مفيش فى اى مشكله وانك لما تمشي بيه شوية هيعدل نفسه مع البطارية اوتوماتيك
وبتاع البطاريات اللى شاري منه البطارية بيقولى لا ده شحنه زايد المفروض ما يزيدش عن 14 وانى هنا بيقيس بمقاس ديجتال ارقام وهو ادق من قياس المؤشر
اسف للاطاله ومتابع افادتكم العاجله
وشكرا جزيلا

**exact** · 11-09-2011 01:47 AM

المشاركة الأصلية كتبت بواسطة wael6

السلام عليكم
اشتريت دينامو استيراد 75 امبير وغيرته مرتين لانه طلع بيشحن زياده وكمان غيرت البطارية بقت اي سي ديلكو 70
حاليا اللى راكب اول امبارح قاس شحن مظبوط
امبارح قاس شحن زائد
اليوم رجع نقص شوية
يعنى حاليا 14.3 -14.4 وانا مزود كان امبارح 14.9 - 15
وعلى السلانسية الآن 14.02-14.03 وامبارح كان 14.5
الدينامو ده كتاوت داخلى وبتاع البطاريات بيقول القياس المظبوط للدينامو الكتاوت الداخلى بيكون ع السلانسيه 13.7 ولما تزود لا يزيد عن 14 باى حال من الاحوال
انا الآن اعانى من خفتان النور ع السلانسيه ولما بزود النور بيزيد ويقوى
واختفت رعشة النور تمام سواء ع السلانسيه او التزويد
ومشكله اخرى لما بشغل النور الواطى مثلا او العالى والعربيه ع السلانسيه العربيه بتوطي وبتترج؟؟ ده من ايه؟ علما بان السلانسيه عندى عالى ومظبوط
الغريب ان 3 كهربائية مختلفين قالولى الدينامو مفيش فى اى مشكله وانك لما تمشي بيه شوية هيعدل نفسه مع البطارية اوتوماتيك
وبتاع البطاريات اللى شاري منه البطارية بيقولى لا ده شحنه زايد المفروض ما يزيدش عن 14 وانى هنا بيقيس بمقاس ديجتال ارقام وهو ادق من قياس المؤشر
اسف للاطاله ومتابع افادتكم العاجله
وشكرا جزيلا

بص ياباشا الآفوميتر الرقمي ده صيني وببساطة ممكن يكون ضارب او بطاريته صيني من اللي بتيجي معاه في كرتونته فمش هيدي قراية مظبوطة فانت شك فيه....وللعلم هو تمنة 16 جنيه

حضرتك ممكن الشحن يوصل الى 14.8فولت وانت قارص عالعربية وانت مشغل حمل يوازي 10 امبير وعلى ار بي ام 2000....وده القياس اللي في كتالوجات الصيانة
وللعلم حرارة الجو كل اما الدينامو يبرد الفولت يزيد سنه

موضوع ان العربية بتوطى مع النور...ده من الكربيراتير!!!!!!!!!! ومتستغربش
انا عاوزك في يوم بالنهار تاخد معاك حد وانت واقف باصص على الدراعات اللي بتتحرك فالكربيراتير من على أجنابه شمال ويمين...وخليه يشغل الواطي ويطفيه وعينك عالكربيراتير...هتلاقي فيه دراع بينزل وفيه في طرفه مسمار....الدراع ده وظيفته انه يدي العربية سنة بنزين بسيطه جدا اما تشغل حاجة لها حمل كهربا من نور ومراوح وسخان زجاج فانت اربط المسمار اللي فيه ربع لفه بربع لفه لحد ما تلاقيه ظبط معاك وده ظبط خاص ملوش دعوة بظبط السلانسيه باي شكل ممكن لو عاوز اصور لك مكان الدراع ده فالكربيراتير عندي فالسويفت وانت شوفه عندك....بالمناسبة هي العربية نوعها ايه ممكن الاقي لك مواصفات الشحن بتاع المصنع عندي لو عاوزها

-

الموضوع: هام للغايه كيفيه قياس الامبيرفى بطاريه السياره

LinkBack

أدوات الموضوع

عرض

-

-

-

-

-

-

المواضيع المتشابهه

كيفيه قياس ضغط طرمبه البنزين

تعليم كيفيه قياس مستوي زيت المحرك فيديو

كيفيه التامين على السياره

كيفيه قياس زيت الفتيس الاتوماتيك فى الانسر ال1600 ؟

كيفيه بيع السياره

الكلمات الدلالية لهذا الموضوع

المفضلات

المفضلات

ضوابط المشاركة