هام للغايه كيفيه قياس الامبيرفى بطاريه السياره

**marrexa** · 30-08-2010 10:30 PM

كيفيه قياس الامبيرفى بطاريه السياره ومعرفه البطاريه كام امبير ومعرفه وطلب اخير اريد ان اعرف طريقه قياس شحن الدينمو بالافوميتر بالامبير والفولت ومعرف ازا كان يعمل جيدا او لا وازا كان بيشحن البطاريه جيدا واكون مشكورا جدا

**karimfahmy99** · 31-08-2010 08:08 AM

مان كان فى جهاز بيركب على الولاعة بة 3 ليدات احمر برتقالى اخضر . الاحمر يعنى مفيش شحن او احمر مع برتقالى يعنى شحن ضعيييييييف . برتقالى يعنى مش وحش . برتقالى مع اخضر يعنى كويس . اخضر يعنى تمام . معرفش الجهاز دا لسة بيتباع و لا خلاص

ممكن بالافو تظبط على dc 24 فولت و تحط السلك الاحمر على البطارية الموجب و السلك الاسود على البطارية السالب و تزود بنزين شوية شوية المفروض العداد يطلع حتى 13.5 او 14 يبقى تمام

**mr_sameh** · 31-08-2010 09:26 AM

انا بقيس بالافو بس ده بيقيس الفولت مش الامبير

**karimfahmy99** · 31-08-2010 10:35 AM

طبعا اللى بيتقاس الفولت و ليس الامبير . كلام سليم عشان كدة بتظبط الافو على dc

**marrexa** · 31-08-2010 10:44 AM

كلام سلم بس الافو بيقيس 12فولت سوا كانت البطاريه ضعيفه اوقويه او ما فيهاش شحن اساسا اهم حاجه هو الامبير هل يوجد قياس الامبير فى الافوميتر وازا كان فيه تحط على كام وتحط السلكين بتوعو على اسلاك الدينمو وتزود بنزين ولا لازم البطاريه موصوله ومشكور جدا على الاهتمام والرد السريع -رمضان كريم-

**karimfahmy99** · 31-08-2010 10:56 AM

المشاركة الأصلية كتبت بواسطة marrexa

كلام سلم بس الافو بيقيس 12فولت سوا كانت البطاريه ضعيفه اوقويه او ما فيهاش شحن اساسا اهم حاجه هو الامبير هل يوجد قياس الامبير فى الافوميتر وازا كان فيه تحط على كام وتحط السلكين بتوعو على اسلاك الدينمو وتزود بنزين ولا لازم البطاريه موصوله ومشكور جدا على الاهتمام والرد السريع -رمضان كريم-

زى ما قلت فى ردى فى تانى مشاركة بتظبط الافو على 24 او 50 حسب الافو اللى معاك المهم اعلى من 12

مش هتعرف تقيس الامبير صعب دى حكاية طويلة و حسبة . حتى المتخصصين ميقدروش يقيسوا الامبير

اللى تقدر تعملة هو الاتى :

زى ما قلت تحط السلك الاحمر على الموجب و الاسود على السالب . القراءة هتكون 12 زى ما قلت تمام . الطبيعى لو البطارية سليمة انك لما تدور العربية القراءة تنزل الى 10 فولت لحظة التدوير و بعدين تطلع تانى ل12 و لما تزود بنزين يزيد العد الى 13.5 او 14 كدة يبقى تمام التمام .

اما لو لقيت العد ساعة لحظة الدوارة بينزل لاقل من 10 يعنى فى ضعف . حسب المقاييس لو نزلت الى 8 فولت تسمع تكتكة فى المارش و ومفيش مارش . المتخصصين بيبقى عندهم جهاز للقياس و مدمج معة سخان داخلى و الغرض منة عمل تحميل على البطارية و يشوف العداد ينزل لغاية كام فولت بس طبعا معندناش الجهاز دا و بنستعين بدلا منها بلحظة التدوير فهى تؤدى نفس الدور .

**ASKAFRAWY** · 31-08-2010 11:03 AM

((((( الكشف عن اعطال البطارية))))))

اولا الكشف على البطارية:-

1- عند الكشف على البطارية لازم تكون العربية مطفية و باستخدام الفولتميتر يتم توصيل الطرف الاحمر بالقطب الموجب للطارية و الاسود بالقطب السالب و يجب ان تكون قراءة البطارية السليمة بين و 12.1 و 12.8 .

2- عند الكشف على شحن الدينامو يتم تنفيذ نفس الخطوة السابقة مع تشغيل المحرك فى الوضع العادى و يجب ان يكون معدل الشحن بين 13.6 و 14.3 .

**ASKAFRAWY** · 31-08-2010 11:15 AM

المشاركة الأصلية كتبت بواسطة karimfahmy99

تمام زى ما قلت و كمان مدعم بالصور تسلم يا غالى

المهم لمعرفة حالة البطارية قراءة العداد لحظة الدوارة

ربنا يخليك بس فيه حاجة
انا لما بقيس شحن الدينامو ممكن يكون حد معاك عشان هو اليدور العربية...و لحظة الدوارة لازم الفولت هينزل لحظيا من 12.6 مثلا الى 10 او 9 او ممكن اقل لانك بتسحب امبير من البطارية مباشرة للمارش
وبعد كدة الفولت هيعلى لان الدينامو بدأ يشحن فبيوصل الفولت الى 14