انا متفق مع حضرتك تماما
فعلا لما ال rpm بيعدى 3 بحس انى راكب عربية تانية..بلاقى ال rpm وعداد السرعة بيعلو مع بعض بالتساوى تقريبا اكن حد حدف العربية وقالها اجرى
انا عربيتى مانيوال 1300 2008 سحبها مش حلو مع التكييف فى واحد قالى 2007 سحبها احسن مع التكييف وفعلا العربيه مع التكييف ادائها بيتغير فوق 3 rpmبس مش حتقدر تستحمل الصوت لان عزلها موش كويس
وبدون تكييف العربيه سحبها ممتاز لعربيه 1300 لو تقدر تجييب 1600 تبقى ريحت دماغك .
انا خدت العربية دي مشوار من الهرم للرحاب على الدائري
العربية فعلا بطيئة مع التكييف شوية بس مقبولة والميزة انه لما بتزود العربية بتستجيب... انا مش عارف مشكلتي مع اللانسر ايه بس انا ركبتها 3 مرت، و3 عربيات مختلفة منهم مانوال واوتو وكله كان 1300.. المشكلة بس بحس انه العربية سحبها مش منتظم يعني نفس الدوسة ساعة تسحب وساعة لأ,, وممكن اكون مش ركيب لانسر اصلاً هههه
طيب اخبار البنزين مع التكييف إية؟ لأني بحس الاستهلاك بيزيد جامد مع التكييف.
انا كان معايا المكواه 2002 مانوال 1300 مش فاكر هى كانت انجكشن ولا كربراتير بس كانت تحفة وعايز اقول انى معايا دلوقتى 1600 اوتوماتيك و كتير بحس انها وحشانى يمكن عشان المانيوال وبالنسبة للتكييف مش هتلاقى التأثير الملحوظ يعنى مش هيبان معاك غير فى التحميل وعلى المطالع غير كده العربية ممتازة واستهلاك بنزين جيد بالنسية ل 1300
بصراحة اللانسر بومة ال1300 عربيه ممتازة فى فئتها هى مع واحد صحبى موديل 2007
بيعمل بيها البدع ومفترى عليها بس ماشاء الله شغاله معاه زى الفل
بعد اذن صاحب الموضوع
عاوز اعرف سحب المكواه الاوتوماتيك مع التكييف؟
وهل فى منها كربراتير وانجكشن ولا كله واحد؟؟؟