بسم الله الرحمن الرحيم
ده أول موضوع أكتبه فى المنتدى وأن شاء الله مايكونش الأخير .
بقالى فترة بدور على عربية جديدة علشان أشتريها وكنت بفاضل بين أنواع ( جين 2 - نيو أكسنت - نيسان صنى - رينو سيمبول ) وبعد شهر من التفكير ولأسباب كلنا عرفنها طبعا أخترت جين 2 , المهم علشان مطولش عليكوا أنا رحت من 5 أيام لفرع العجوزة على مدار يومين وطلعتلى حيرة تانية أسمها البيرسونا بس بسرعة أتكلت على الله وأخترت برده جين 2 وكنت حخلص وحجزها من هناك بس حجزت test drive فى التوكيل بتاع الصحراوى وكلمنا أستاذ أيمن ونصحنا أنه نجيبها من التوكيل علشان هيجبلنا خصم على سعرها وفعلا عملت حسابى وحجزتها من توكيل عز العرب فى الصحراوى مع أستاذ محسن صالح وبعد كده دخلنا جوه التوكيل بعد القرية الذكية علشان أعمل ال test drive ودع كان أول مرة أدخل المكان ده والمسئول عن ده أستاذ نبيل قلى والله للأسف مش هينفع تخرج بيها بره علشان مافيش نمر رحت مكلم أستاذ محسن قام كلمه وراح موافق يطلعها بره ودى طبعا كانت أول bad experience تحصلى , ركبت العربيه وكن عاوز أختبر حاجات معينة بس لقيت حاجات تانية:
1: التكيف صوته عالى جدا جدا جدا ومش قوى خالص ومافيش أى شبااك مفتوح ولا بيسرب هوا حتى .
2: الطامة الكبرى الشئ المسمى بفرامل ال ABS كانت فكرتى عنها غير كدة خالص وجربتها فى الكيا سيراتو ماكنتش كده خالص طب ده أنا كنت بجربها فى طريق مفتوح وكنت حاسس أنى بس شايل رجلى من على البنزين فقط مش دايس فرامل , أمال لما يبقى قدامى عربية أو مطب أعمل أيه بغض النظر عن المواضيع المحترمة اللى قرتها عن الموضوع ده بس ليه أركبلها ريجلاش أصلا !
3: صوت الموتور عاوز يتركبله silent من بتاع الغسالة ال LG الجديده اللى فى الأعلان لأن صوته بشع .
4: عداد ال RPM بيوصل لحد 6 و 7 علشان يفصل , أظن مش طبيعى .
ياجماعة الخير ياريت حد يرد عليه بموضوعية , أرجوكوا :11:
يأستاذ أيمن أنا حاولت أكلمك النهارده مرتين بس مردتش عليا بس أنا متأكد أنه ماكنتش فاضى , ياريت تقولى أعمل أيه وخصوصا أنه أستاذ محسن قالى أنه مافيش أى خصومات وأنه أستاذ أيمن عارف كده .