ربنا يكرمكم ياشباب عاوزين نشترى جهاز صوت كويس لمسجد صغير مساحته 40 متر مربع
ياريت أحسن الماركات أيه ؟ والمواصفات الفنية ؟ ونجيبها منين ؟ ولو السعر كام يبقى جزاكم الله كل خير
والموضوع عاجل ربنا يكرمكم
لحسن هنزل أشترى بكرة إن شاء الله
عرض للطباعة
ربنا يكرمكم ياشباب عاوزين نشترى جهاز صوت كويس لمسجد صغير مساحته 40 متر مربع
ياريت أحسن الماركات أيه ؟ والمواصفات الفنية ؟ ونجيبها منين ؟ ولو السعر كام يبقى جزاكم الله كل خير
والموضوع عاجل ربنا يكرمكم
لحسن هنزل أشترى بكرة إن شاء الله
متابع
معلش مش هقدر افيدك اوى بس اظن بيبقى ليها جهاز معين عشان الميك وكده...السماعات اى ماركه معروفة هتبقى حلوه ان شاء الله
متابع
اعتقد برضه ان ليها سماعات مخصوصه بتبقى مستطيله كده
عشان تتعلق على الحيطه
و كمان الجهاز اللى بيتوصل فيه المايك
انت لو نزلت عند شارع عبد العزيز
ادى دهرك لشارع عبد العزيز و امشى شويه فى اتجاه ميدان العتبه
هتلاقى كوبرى فوقيك ماشى بالعرض
خش انت يمين
هتلاقى ناس متخصصه فى الموضوع ده
و عندها حاجات كتير
اتمنى انى اكون فدتك فى حاجه و اى
تحياتى
ربنا يباركلكم ياشباب
أنا عارف المحلات دى اللى فى أول شارع الأزهر
ولكنى لاأثق فيهم ، لأن عندهم حاجات كتييييييييييييير قوى مضروبة وتقفيل بير السلم
والجهاز ده غالى شوية تقريباً بالسماعات بيخش فى 3000 جنيه
كنت محتاج رأى الأخوة الأفاضل فقط فى المواصفات والماركة المحترمة وياريت لو محل محترم
على فكرة المسجد شغال بماكينة من النوع القديم ، وكنت جايبها من راديو طلعت من 5 سنين تقريباً وشغالة كويس ، بس بتتعب الأمام جداً عند القراءة فى الصلاة ، وحبيت أغير للنوع الحديث
ولما أشتريتها من 5 سنين أكتشفت أن فيه فى السوق أنواع مضروبة كتيييييييييير جداً ( قديمة ومتصلحة ومرشوشة دوكو) وبتتباع فى كل المحلات تقريباً بما فيهم راديو طلعت ، ولكن الحمد لله ربنا وفقنا فى واحدة من عنده برضه بس مش مضروبة كانت محطوطة فى العرض
علشان كده خايف أنزل أجيب وأدبس فى واحدة مضروبة
كنت بس عاوز اللى يدلنى على محل محترم ومواصفات جيدة وماركة ممتازة
وجزاكم الله كل خير
طيب طالما عندك الامبليفير كويس (المكنة) يبقى انت محتاج سماعات و بس
عامة مساحه 40 متر مساحه صغيرة مثلا 5 * 8 متر
كفاية قوي 4 سماعات كولوم Column اللي هيه مستطيلة و بتتعلق عالحائط و فيها 4 سماعات مدورين مرصوصين فوق بعض
و تحط واحدة في كل ركن
عامة حضرتك تنزل باب اللوق هو دة المكان اللي تلاقي كل موديلات السماعات و الامبليفيرات دي
و عندك كمان شارع الازهر
من ناحية العتبة في عبد الشافي و كذا محل ورا راديو طلعت في السوق اللي جوة و فية كمان تحت كوبري الازهر قبل ما تحصل شارع بورسعيد واحد عاليمين كويس بس مش فاكر اسمة
دي المحلات الرخيصة اللي بتشتغل قي السيستم السهل الرخيص
لو عاوز حاجة غالية ممكن ادلك على واحد في مصر الجديدة وممكن تشتري من راديو شاك بس الامبليفير حايبقى 110 فولت و محتاج ستابلايزر جنبة
بس مش مطلوب منك طقم Public Address علشان مسجد صغير 40 متر و بخاصة ان اللي بيستخدم هو ميكروفون و بس (يعني حيز ضئيل من الصوت و فقط طبقة Midrange ) انما مش حاتسمع علية مزيكا محتاج تغطي الطبقات كلها او الBand Width كلة , بيز و تربل يعني High and low frequencies
لو حاتجيب امبليفير جديد هات الLine Amplifier 70 فولت او ال 100 فولت كفاية ماتجيبش 200 و لا 250 لان المساحه عندك صغيرة
و تجيب معاهم لاين ترانسورمرLine Transformers بعدد السماعات و توصل من الامبليفير سلك لكل ترانسوفومر محطوط جنب كل سماعه و يطلع منها عالسماعه
ربنا يباركلك
بس معلش أنا مش فاهم قوى لأن معلوماتى فى الموضوع ده صفر تقريباً، بس أنا هشرح لحضرتك اللى موجود فى المسجد عندنا وحضرتك تقوللى أعمل أيه
موجود ماكينة صوت عادية ماركة toya والأسم التجارى ليها (محمد فريد) شكلها مستطيل وأفقية زى كيسة الكمبيوتر القديمة ، وهي خطين ، ويدوبك فيها 3 فتحات بيركب فيها 3 مايك ، ومن ورا مكان لتوصيل الميكروفونات ، وأحنا موصلين عليها 3 ميكروفون ، و 2 مايك وسماعة واحدة شبه اللى حضرتك بتقول عليها
المشكلة أن الصوت مش ناعم خالص ،ومش بتطلع صدى صوت خالص، والصوت دايماً مكتوم ، وإذا حاولت تزود يحصل زنة جامدة فى الميكروفونات
وده بيتعب المقرئين جداً وبيقطع نفسهم أثناء الصلاة وبيخلص نهاية الآية بالعافية ، بالإضافة لعدم وجود حلاوة فى الصوت
حضرتك تنصحنى أعمل أيه ؟
زى اللى حضرتك قولته ولا حاجة تانية
شكراً جزيلاً لمجهود حضرتك
قصدك اية ب 3 ميكروفون و اتنين مايك
قصدك 3 هورن اللي برة المسجد و 2 مايك للمقرئين؟؟
بص هو كدة اعتقد الامبليفير ضعيف عالهورنات دي
يا تقلل الهورنات - خليهم اتنين بدل تلاتة
يا تجيب امبليفير اكبر و اقوى
ممكن تخللي المكنة (للامبليفير) دة للهورنات اللي برة
و تجيب واحدة تانية تخليها للسماعات الكولوم اللي جوة المسجد, هو السيستم دة شغال على لاين ترانسفورمر 100 فولت؟؟
لما بتعللي الصوت بيحصل زنة و للا صفارة ؟؟
مش عارف أشكر حضرتك أزاى ياأستاذ أدهم
أنت والأخوة الأفاضل بالمنتدى العظيم ده
النهاردة الجمعة نزلت العتبة وزى ما حضرتك قولتلى على المحلات اللى ورا راديو طلعت ، جبت من عندهم أمبليفير جديد 400 وات بيشتغل على خطين ، وصناعته هندى وفيه تردد (صدى صوت)، وفيه راديو ، ويو أس بى usb وكارت ميمورى وبسم الله ماشاء الله رائع ، وتمنه 1575 جنيه
ولسه مركبه فى المسجد حالاً ، وصوته رائع
بس زى ماحضرتك توقعت لما بنعلى الصوت بيحصل زنة وصفارة جامدة زى المكنة القديمة
مش عارف من أيه ؟ هل التوصيلات غلط ولا أيه ؟
أنا وصلت السماعات فردة على الــ com ، والتانية على اللى مكتوب عليها 4 أوم ، ونفس الكلام بالنسبة للهورنات ، مش عارف كده صح ولا أيه ؟
ربنا يبارك فيكم جميعاً ، ويجعل كل أجاباتكم فى ميزان حسناتكم ، والله المستعان
ربنا يبارك في حضرتك و جزيك كل خير
انا مابفهمش قوي في انظمة المساجد و قاعات المؤتمرات
بس الصفارة دي بتبقى ان الصوت بيلف من المايك للسماعه يعني الصوت يطلع من السماعه, المايك يسمعه و يطلعه تاني للسماعه و هكذا دواليك
الناس اللي بتركب انظمة مساجد او انظمة قاعات المؤتمرات بالاخص عندهم حاجة بتركب بتحل الموضوع دة بس للأسف مش متذكر ازاي
ارجع للي اشتريت منة الامبليفير و قولة على المشكلة و خلية يبعت لك فني يشوف المشكلة و يصلحها او يركب ما يلزم
هو المسجد دة فين بالمناسبة ؟؟
و هل ركبت الامبليفير الجديد بالاضافة للقديم, بحيث يبقى واحد خارجي (عالهورنات اللي في الشارع) وواحد داخلي (عالسماعات الكولوم جوة المسجد)؟؟؟
و دة الافضل علشان تشغل الاتنين وقت الاذان
و تفصل الخارجي و تشغل الداخلي فقط وقت الصلاة او التراويح او دروس دينية او اي مثيل
المسجد فى منطقة المرج ، دور أرضى فى العمارة بتاعتنا
ربنا أكرمنا وعملنا شقة من الدور الأرضى مسجد ، وربنا يتقبل منا ومنكم صالح الأعمال
وبالنسبة للأمبلفير ، أنا الحقيقة ركبت الجديد وشيلت القديم
بس والله فكرة حلوة قوى اللى حضرتك بتقول عليها ، أركب الأثنين ويبقى واحدة للهورنات وواحدة للسماعات الداخلية ممكن نفصل الهورنات عن السماعات الداخلية عند اللزوم
ولو أنى بفضل أن الهورنات الخارجية تكون شغالة حتى فى الصلوات السرية ( الظهر والعصر ) ، لأن أحياناً ناس كتير بتكسل تنزل من البيوت لصلاة الجماعة ، وبرضه بعض الناس اللى قاعدين على القهاوى ، والناس اللى فى المحلات بيكسلوا يصلوا جماعة ، فطول مالصلاة شغالة فى الهورن وهوة سامعها بيبقى مكسوف جداً أنه مش مع الجماعة ، غير أن ضميره بيأنبه جداً طول وقت الصلاة ، وكمان أحياناً كتير ناس بتبقى ماشية فى الشارع وبيفتكر الصلاة مثلاً خلصت ، بيسمع التكبير فى الصلاة فبيدخل يصلى وتكسب ثواب من وراهم
بالنسبة للفنى ، كلمت واحد جارى أمام وخطيب فى مسجد آخر هايجيبلى فنى صوت يشوف المكنة الجديدة
ربنا يوفقك
وجعله الله فى ميزان حسناتك
ربنا يقوي ايمانك يا باشا و يجعل الناس كلها زيك و يقدرنا علي فعل الخير آمين
انا كنت حقولك روح راديو شاك وهما يعملولك سستم كويس
رنا يجعله فى ميزان حسناتك
راديو شاك دلوقتي مبقاش زي زمان
دلوقتي شغالين بياخدوا البضاعه من التجار في صورة بضاعه امانات وكريديت و يبيعوها يعني معظم اللي عندهم بضاعه سوق و بيبيعوها باغلى من المستوردين
و بضاعه راديو شاك قلت عندهم جدا و بقوا بيعتمدوا على اكسسوار الكمبيوتر زيهم زي مولات الكمبيوتر من ساعه ما مدير الشركة مشي و مسكها مدير مشتريات كان ماسك كمبيومي و قلبها محلات مولات كمبيوتر على ابوها
و في الاساس هما غاليين جدا في الصوتيات و مشكلتهم الكبرى ان امبليفيرات امريكا بتشتغل 110 فولت مش 220 فولت وتبقى محتاجه ترانس او ستابلايزر و لو حد نسي و حطها في 220 قول يا رحمن يا رحيم
ربنا يبارك فيكم جميعاً
اللهم صب عليهم الخير صباً ولاتجعل معيشتهم كداً
جزاكم الله كل خير وربنا يتقبل منا ومنكم صالح الأعمال