حد عنده فكرة عن اللمبات النيون اللى من غير ترانس او ستارتر ؟؟
لأنى سمعت ان فى نوع جديد نزل السوق مختلف عن ما اعتدنا عليه من اللمبات النيون
فياريت لو حد عنده فكرة الموضوع ده يفهمنا ايه الحكاية
و ايه أخبار الاسعار و هل هى عملية مقارنة بالقديم
حد عنده فكرة عن اللمبات النيون اللى من غير ترانس او ستارتر ؟؟
لأنى سمعت ان فى نوع جديد نزل السوق مختلف عن ما اعتدنا عليه من اللمبات النيون
فياريت لو حد عنده فكرة الموضوع ده يفهمنا ايه الحكاية
و ايه أخبار الاسعار و هل هى عملية مقارنة بالقديم
هو فى ترانس بيركب مكان الترانس القديم بيكون عباره عن دايرة كهربائية مش ملف يعنى وزنه خفيف وبيركب بدون ستارتر
ولما بتفح النور بينور على طول وبيركب على اللمبات النيون عادى
انا مركب عندي منها 2 في البيت من سنتين وكويسين جدا جدا ولو عندك نيون قديم ممكن تشيل الترانس العادي وتركب ترانس اكتروني ب 10 جنيه بس وتريح دماغك من الستارتر
ومن نحية عملية هي عمليه جدا واللمبه بتقيد اول ماتشغلها وبدون ما ترعش ولو النور ضعيف برضو تشتغل معاك
على فكره في نوعين من الترنسات مصري وصيني
جيب المصري ابو 40 وات احسن
فعلا ركبتهم عندي في البيت و ممتازين
و هترتاح بقي من قرف الستارتر و الهبل ده
و اللمبه بتشتغل علي طول
هي اسمها لمبة دايرة ...عشان هي تعتمد على دائرة الكترونية وسعر الطقم الكامل ب 20 جنيه باللمبة
شغالين عندي في البيت من سنتين وزي الفل
كمان فيه الدايرة الكهربية اللى أحنا بنسميها مجازاً ترانس موجودة فى الدواية نفسها ( بيكون شكل الدواية كبير شوية) ودى برضه رائعة ونفس الفكرة بس أسهل طبعاً
وبتشترى الدوايتين بالصاجة المخصوص بتاعتهم ( بتكون رقيقة جداً عن الشكل القديم) واللمبة بــ 18-20 جنيه
بالفعل هي دائره الكترونيه بدلا من الترانس
وعلي فكره نفس الدائره دي هي اللي موجوده داخل اللمبه الموفره يعني لو عندك لمبه موفره بايظه ممكن تاخدها منها وتوصلها علي اللمبه النيون بدلا من الترانس والاستارتر
بس في ناس كتير اشتكت منها وان الدائره بتاعتها بتبوظ بسرعه لكن انا مجربتهاش ، قد يكون في انواع و أنواع
محذوف للتكرار