السلام عليكم - أنا ان شاء الله ناوى اجيب 128 مستعملة موديل الثمانينات ومحتاج مساعدة كل خبراء المنتدى فى مبادئ الكشف عن اى عربية مستعملة وخصوصا 128 زى الحوض والبرومة والقوايم ويعنى ايه رقم الكارتيرة وايه مزتوا لما يكون موجود وكل التفاصيل والاساسيات اللى الواحد محتاجها
انا طبعا ناوى بردو اجيب ميكانيكى يكشف عليها بس مش عاوز ابقى زبون وحد يضحك عليا عشان كدة حبيت اجى اسال هنا الاول واستفيد من خبرة اعضاء منتدانا عشان وهو بيكشف عليها ابقى فاهم الدنيا ماشية ازاى
وشكرا واسف على الاطالة
من وجهه نظرى المتواضعه
بالترتيب كدة
هتبص على السقف و القوايم بتاعته لانها بتتقلب اكتر مبتمشى
علب الشاسيه تبقى سليمه مفيش خبطات فى الحوض
هتشوف الشنطه من ورا زتتاكد انه مش مغيرة حاجه فى اساسيات العربيه
وطبعا البارومه صديقه ال128 تتاكد نها مش موجودة او موجودة وسهل علاجها
رقم الكرتيرة بيدل على ان الشاسيه سليم متقصش من الشاسيه ولا اتلحم ولا كان فى بارومه
الصاج خلص
العفشه
هتجرب المساعدين بتوعها سلام ولا لا وتخلى عفشجى يبصلك عليها العفشه اكتر كدة بتاثر على لعربيه 128 وتخليها اما كويسه او لا
الصالون سواء حالته معقوله او وحشه او جيدة بياثر على سعرها مش كفائتها
الموتور كذلك مش اولويه انه يبقى سليم الاهم الاساسيات الموتور سهل صيانته وتغييرة حتى انما لو العربيه نفسها معيوبه يبقى كل اللى هتصرفه عليها مش هيبان وشويه و هتبداء معاك فيلم اعطال هيكرهك فى حياتك
دى معلوماتى المتواضعه
الف شكر ياميدو على ردك السريع بس انا كنت عاوز اعرف تفاصيل اكتر لان دى اول عربيه ومليش خبرة فى العربيات خالص يعنى مثلا البرومة بتظهر فين وامتى تكون ينفع تتصلح وامتى يكون مينفعش وكمان ازاى الشنطة تكون مغيرة اساس من اساسيات العربية والحوض اكشف عليه ازاى هى والمساعدين لان كدة انا شكلى هاخد الحرفين كلها معايا مكانيكى وعفشجى وسمكرى دة كدة الموضوع وسع اوووووووى:3_3_102[1]: