مين عايز يعرف مكان البوجيهات والكويلات في العربيه ؟

**ramyar** · 31-08-2010 05:01 AM

كل سنه وحضراتكم بخير
موضوع خفيف وبسيط عشان الناس مش مستحمله
طبعا كلنا عارفين ان مواتير البنزين كلها بتستخدم بوجيهات وذلك لتوليد الشراراه والي بدورها بتكمل مثلث الحريق يعني هواء مع البنزين مع شراراه
وهنا لازم الشراراه تكون قويه كفايه لاتمان الحريق المثالي لانتاج القدره المطلوبه لتحريك البساتم
طيب المواتير بتاعتنا 4 سلندر يعني كل ساندر ليه بوجيه وفي بروتون وخصوصا المواتير الحديته تم الاستغناء عن اسلاك البوجيهات وتم تركيب كويل او بي البلدي كده موبينه لكل بوجيه ياتري ايه فايدتها
فايده الموبينه تكرير الكهرباء ورفه الفولطيه لتصل الي 24 الف فولت وتمريرها الي البوجيه الي بيحصل فيه ففرق جده عالي وبكده الشراره بتنتقل من القطب الموجب الي القطب السالب وده بيتم في توقيت معين والمسئول عن التوقيت ده حساس عمود الكامه والecu
طيب كلنا فتحنا الكبوت وشفنا الموتور هنلاقي الاسترات بار وتحته كفر تحت الكفر ده موجود الموتور وهنشوف من الصور غطار التاكيهات وهنشوف الاربع موبينات راكبين تعالوا نشوف الصور

شايفين ده وش التاكيهات وده شكل الاربع كويلات او موبينات

صوره اقرب للموبينات
وهنا هنشوف اوضح ان كل موبينه واخده طرف سلك بيدي الكهرباء من ال ecu ليتم تكربرها ورفع الفولطيه

طريقه فك الموبينه
في مسمار قلاوظ بيتفك وبعد كده الموبينه بتتسحب لفوق

ده شكل الفراغ بعد ما تم رفه الموبينه ولو الصوره موضحه اكتر كنا شفنا البوجيه لاكن غاطس في وش السلندر

شكل الوش بعد النضافه وبعد تركيب الكويل تاني
وبكده عرفنا حاجه جديده في عربياتنا وللعلم الموبينات دي معزوله عزل فوق الممتاز يعني من المستحيل انها تتاثر بي المياه اخيرا تقبلوا تحياتي

**m.3abdel3al** · 31-08-2010 05:05 AM

شكرا يا استاذ رامي على المعلومات الجامدة ديييييييييي

**mido_soliman** · 31-08-2010 05:49 AM

شكرا يا بشمهندس على الموضوع الرائع دة والله يا اخى الكريم انا فعلا كنت عايز اعرف مكان البوجيهات
بس مقلتليش ؟؟ دلوقتى انا عايز اشيل الغطا ممكن طريقة فكة وتركيبة ؟؟
وياريت طريقة تركيب البوجيهات لو امكن لو مش ممكن خليها فى تركيب البوجيهات الجديدة ان شاء الله
وعلشان اتقل عليك باة معلش لو جبنا بوجيهات وسلوك سبليت فاير السلوك دى بتركب فين وازاى ؟
تحياتى ليك ودايما ممتعنا بمواضيعك الهايلة

**alarabiya11** · 31-08-2010 05:57 AM

شكرا يابشمهندس رامى محتاج اكلمك فى اقرب فرصه ان شاء الله عندى شوية استفسارات

**Mohamed.Kader** · 31-08-2010 08:17 AM

السلام عليكم
الله ينور يا هندزة هو دا الكلام وهي دي المواضيع خاصة في كمية الأستفسارات المكررة في المنتدى من فترة مبنحرمش حد أنوا يسأل بس يدور الأول في المواضيع السابقة هيلاقي أكتر من اللي يتمناة المهم أحب أضيف معلومة لحضراتكم هي
مكان البوجيهات سهل جدا الوصول إلية ومن السهولة بيتباع مفتاح لتغيير البوجيهات في كارفور وهيبر بس الموضوع في نسبة خطر عالية بسبب كذا حاجة
1- البوجية مكانة بعد ما بيتشال بيكون نافد على الأسطوانات وغرفة الأحتراق فأي تراب أو حاجة هتتدخل من الفتحة دي تسلخ السلندر أو البيستم (تجرحوا) مع أول تشغيل مشكلة مش سهلة شبهة عمرة والوصول لتنضيف المكان دا مش سهل
2- السن اللي بيتربط فية البوجية هوا سن في أساس وش الموتور يعني لاقدر الله لو أتربط بسنة مش مظبوطة أو غلط هيبوض السنون ويخليك يأما توسع السن بقلاوض أكبر مقاس أو تركب صامولة داخلية بشكل معين وفي كل الحالات دي هتغير في شكل غرفة الأحتراق اللي بتكون متصممة بشك معين علشان توصل للعزم اللي متصمم علية الموتور
الموضوع بسيط ويتعمل عند أي ميكانيكي شاطر بس ناخد في الأعتبار الأحتياطات اللي قولنا عليها
و[fot1][fot1]كل عام وأنتم بخير[/fot1][/fot1]

**Tayer** · 31-08-2010 10:17 AM

المشاركة الأصلية كتبت بواسطة mido_soliman

وعلشان اتقل عليك باة معلش لو جبنا بوجيهات وسلوك سبليت فاير السلوك دى بتركب فين وازاى ؟
تحياتى ليك ودايما ممتعنا بمواضيعك الهايلة

يا سلام عليك يا أحمد دايما بتسبقنى ولاهى أنا كنت ناوى أسأل نفس السؤال أو أعمل موضوع عن اسؤال ده
دلوقتى أنا كنت عايز أعرف توصيف لسلوك البوجيهات بتاعتنا
يعنى أنا دلوقتى هخلى حد يشتريلى سلوك بوجيهات سبليت فاير من بره مصر عشان متكنش مضروبه و تكون أمريكى أصلى (هوصفلو أقولو أيه يعنى السلك مثلا قطره كام ملى و أطرافه عملا أزاى ؟

**Osama.shihata** · 31-08-2010 10:38 AM

تسلم ايديك يا بشمهندس رامى
بس فين بقى البوجيهات ؟؟؟؟

**afr80** · 31-08-2010 10:59 AM

والله افدت يا هندسة، العربية دي مكنتش عارف بوجهاتها فين

**kar!m** · 31-08-2010 11:02 AM

الكيا سيفيا كده برضه.

**Tayer** · 31-08-2010 11:21 AM

المشاركة الأصلية كتبت بواسطة tayer

يا سلام عليك يا أحمد دايما بتسبقنى ولاهى أنا كنت ناوى أسأل نفس السؤال أو أعمل موضوع عن اسؤال ده
دلوقتى أنا كنت عايز أعرف توصيف لسلوك البوجيهات بتاعتنا
يعنى أنا دلوقتى هخلى حد يشتريلى سلوك بوجيهات سبليت فاير من بره مصر عشان متكنش مضروبه و تكون أمريكى أصلى (هوصفلو أقولو أيه يعنى السلك مثلا قطره كام ملى و أطرافه عملا أزاى ؟

فى أنتظار الرد من أهل الخبره

الموضوع: مين عايز يعرف مكان البوجيهات والكويلات في العربيه ؟

LinkBack

أدوات الموضوع

عرض

مين عايز يعرف مكان البوجيهات والكويلات في العربيه ؟ - انشر الموضوع فى :

-

-

-

-

-

-

-

المواضيع المتشابهه

عايز اجرش العربيه في مكان مضمون

عايز اعرف سمعتين دول ليهم حل ؟؟؟ طيب حد يعرف مكان بيبع سماعات مستعمله ؟؟

اللي عايز يعرف البوجيهات اللي تناسب عربيته يدخل هنا

عايز اكشف علي العفشه حد يعرف مكان فاهم في السوبارو ؟

عايز مكان في اسكندريه اطور فيه العربيه

الكلمات الدلالية لهذا الموضوع

المفضلات

المفضلات

ضوابط المشاركة