استفسار عن ركن عربيه لفترة طويله بدون استعمال

**amr5500** · 31-08-2010 06:06 AM

السلام عليكم ورحمه الله وبركاته

كل عام وحضراتكم بخير

كان عندي استفسار لو عربيه اتركنت في الشارع لمده 3 او 4 شهور في الشمس بدون استعمال

ماهي الاضرار اللي ممكن تحصلها
والف شكر

**A.Saad** · 31-08-2010 11:36 PM

لو جيت بعد اربع شهور
بفرض ان العربية لسه موجوده
هتلاقى شوسة حكات وخرابيش
هتلاقى الفرش والتابلوة اتاثر من الشمس والحرارة حتى لو مغطاة
الكاوتش برده

الافضل ترفعها فى جراج

**Moustafa_Kamel** · 02-09-2010 12:43 AM

انا عندى نفس الموضوع علشان بسافر كتير
اولا لازم تركنها فى حته ضله (يستحسن فى الجراش)
افصل البطاريه (السالب الاول و بعدين الموجب و لما تيجى تركبها يبقى الموجب الاول و بعدين السالب)
فى الصيف اوعى تسيب اى شريط او سى دى فى الكاسيت لان غالبا هاترجع تلاقيه سايح جواه و يستحسن انك تشيلهم من العربيه خالص و اوعى تسيب اى علبه اسبراى او ما شابه فيها لانها ممكن تنفجر (حصلت قبل كده لواحد راكن قدام الشركه فى الشمس و مش هاتصدق انها خرمت الكرسى زى الطلقه-هابقى ادور على الصور و احطها-)
بعد كده تفتح الازاز سنه صغيره و يستحسن الاربع ابواب علشان الهوا يتدور (لازم تكون فى جراش و الا هاترجع مش هاتلاقيها)
لازم الركنه تكون على سطح مستوى تماما و ما تكونش راكنه على ظلت او حصى
ما تشدش فرامل اليد على الاخر و لو العربيه اتوماتيك كفايه انك تسيبها على البارك (مكتوب كده فى كاتلوج عربيتى)
فول العربيه بنزين علشان لو البنزين قليل ممكن يتبخر و الرواسب تنشف (مكتوب كده برده فى الكاتلوج)
و اهم حاجه لازم غطا عربيتك يكون من النوع المسامى و تغطيها كويس
بس لو انت بتركنها فى جراش و السايس موثوق فيه ممكن تسيب العربيه عادى خالص و تديله المفتاح و تقله يبقى يسخنها كل فتره بس ابقى خلى بالك العربيه عامله كام كيلو علشان تعرف لو طلع بيها (انا عن نفسى ما افضلش كده)
دى معظم الحاجات اللى انا بعملها و لو افتكرت حاجه تانيه هاقولهالك

**amr5500** · 02-09-2010 02:23 AM

الف شكر لنصائحكم القيمه
وجزاكم الله خيرا
تحياتي

**amooor22** · 02-09-2010 10:19 AM

المشاركة الأصلية كتبت بواسطة moustafa_kamel

انا عندى نفس الموضوع علشان بسافر كتير
اولا لازم تركنها فى حته ضله (يستحسن فى الجراش)
افصل البطاريه (السالب الاول و بعدين الموجب و لما تيجى تركبها يبقى الموجب الاول و بعدين السالب)
فى الصيف اوعى تسيب اى شريط او سى دى فى الكاسيت لان غالبا هاترجع تلاقيه سايح جواه و يستحسن انك تشيلهم من العربيه خالص و اوعى تسيب اى علبه اسبراى او ما شابه فيها لانها ممكن تنفجر (حصلت قبل كده لواحد راكن قدام الشركه فى الشمس و مش هاتصدق انها خرمت الكرسى زى الطلقه-هابقى ادور على الصور و احطها-)
بعد كده تفتح الازاز سنه صغيره و يستحسن الاربع ابواب علشان الهوا يتدور (لازم تكون فى جراش و الا هاترجع مش هاتلاقيها)
لازم الركنه تكون على سطح مستوى تماما و ما تكونش راكنه على ظلت او حصى
ما تشدش فرامل اليد على الاخر و لو العربيه اتوماتيك كفايه انك تسيبها على البارك (مكتوب كده فى كاتلوج عربيتى)
فول العربيه بنزين علشان لو البنزين قليل ممكن يتبخر و الرواسب تنشف (مكتوب كده برده فى الكاتلوج)
و اهم حاجه لازم غطا عربيتك يكون من النوع المسامى و تغطيها كويس
بس لو انت بتركنها فى جراش و السايس موثوق فيه ممكن تسيب العربيه عادى خالص و تديله المفتاح و تقله يبقى يسخنها كل فتره بس ابقى خلى بالك العربيه عامله كام كيلو علشان تعرف لو طلع بيها (انا عن نفسى ما افضلش كده)
دى معظم الحاجات اللى انا بعملها و لو افتكرت حاجه تانيه هاقولهالك

+11111111111111111111111111111111111

**zoom2zoom** · 03-09-2010 08:38 AM

الله ينور عليك يامصطفي
اهم حاجه تفصل البطاريه وتفتح الازاز فتحه خفيفه عشان يدخل الهوا جوا العربيه والازاز مش يجيله سرطان
ولو حاسس انك هتغيب فتره طويله يبقي حاول تركنها في جراج احسنلك عشان في ناس زي الفل بيرموا الزباله حولين العربيات المركونه يعني ممكن ترجع تلاقي عربيتك في خرابه

**hondaman** · 03-09-2010 08:57 AM

بص يا باشا الرفع لية اصول

لو هترفع مدة طويلة 6 شهور مثلا فيما فوق تعمل الااتى
الابع فرد يتشالو يتحطو فوق بعض نايمين مش واقفين جنب بعض او ورا بعض وفى ضلة طبعا
تفضى المية بتاعت الرداتير كلها لو مية عادية عشان الصدا ولو مش عادية يستحسن انك تسقطها
تنزل الزيت بتاع العربية كلة عشان مع الركنة الطويلة الترسبات ( الرايش بتاع المكنة ) بيبقى فى الكراتيرة تيجى تدور كلة هيطلع على فوق وممكن يسد طرمبة الزيت .. نفس الكلام لزيت الفتيس ( عادة او اتوماتيك )
البطارية تتشال من مكانها مش الكبلاات وبس عشان بخر المية بتاعتها
لو المكان اللى هتركن فية العربية فية رطوبة ..... ضلة يعنى ورطوبة فية
بتجيب زيت متور وفرشة وبتزيت المكنة من برا عشان فى اجزائ معرضة للصدا الخفيف فيها زى كوعة المية اللى داخل واللى خارج من الرداتير اللى داحل واللى خارج من الماتور بعض الاجزاء المتحركة بتزيت الطنابير بتاع الفرامل قدام ( الديسكات ) هتقولى ودة ينفع منتى بتغسلها لما بتيجى تركب العربية تانى عشان الطنابير بتصدى اول حاجة فى العربية بتعمل طبقة صدا خفيفة .... طبعا العربية هتبقا مرفوعة على حجر او بليتة حديد الخ ...متشدش فرامل اليد .. عشان لو مدة طويلة هتلاقى طنابير ورا فيها عوجة عالى وواطى .....