كلمة ونص-10 مارس 2008

**sab3aawy** · 10-03-2008 10:16 AM

المكان: كوبرى اكتوبر فى المسافة المفتوحة بعد مستشفى الدمرداش وحتى صلاح سالم والتى لا يوجد بها مطالع او منازل
الزمان :الساعة 4 آخر النهار
الحدث : العربيات ماشية كلها بين 60 -80 كم للساعة، وفجأة اصوات فرامل عديدة من الإتجاهين وسيارات بتقف وحوادث سلم الله ولم تحدث
السبب: شاب وشابة شكلهم مخطوبين او بيحبوا فبعض على رجليهم بيعدوا الكوبرى من اقصى اليمين لأقصى الشمال ولا كأنهم بيعدوا الشارع اللى قدام جنينة مول يوم شم النسيم
التعليق: طب هأفترض انى جاهل ومبفهمش فى الثقافة المعاصرة للشعب المصرى، ممكن حد يفهمنى الجوز دول جايين منين ورايحين فين وانهى معجزة اوجدتهم على الجانب اللى كانوا بيعدوا منه وايه هى مخططاتهم بعد ما يوصلوا للجانب التانى؟

**HESHAM AMIN** · 10-03-2008 10:20 AM

الغرابة انك عليك اسئلة صعبة الاجابة علية
طب ممكن 3 اختيارات

**alaa_dash** · 10-03-2008 10:27 AM

هوه غالبا كانوا في ميكروباص او تاكسي و ما اتفقوش على الاجرة فنزلهم هناك عقابا ليهم

**sab3aawy** · 10-03-2008 10:43 AM

المشاركة الأصلية كتبت بواسطة HESHAM AMIN

الغرابة انك عليك اسئلة صعبة الاجابة علية
طب ممكن 3 اختيارات

صدقنى انا لو كنت اعرف الإجابة كنت حطيت الحل بالمقلوب على طريقة مجلات ميكى، بس انا فعلا نفسى حد من جهابذة المنتدى يفسر لى هذا اللغز

**Islam_galal** · 10-03-2008 10:54 AM

أكيد نزلوا من عربية و حيركبوا عربية تانيه

مثلا من تاكسي علشان في واحد تاني زميلهم أو زميلتهم حيقابلهم بعد اتصال علي الموبايل تغيرت علي أثره الخطط

الموضوع بسيط يا سبعاوي بس انت فتح مخك شوية و لين المسائل

سبعاوي هو انت مش مصري؟

**HESHAM AMIN** · 10-03-2008 01:15 PM

الى حايعرف الاجابة لية جايزة عندى

**aif** · 10-03-2008 01:56 PM

المشاركة الأصلية كتبت بواسطة HESHAM AMIN

الى حايعرف الاجابة لية جايزة عندى

الاجابة عندي يا باشا !!!!!!!
هما مش مخطوبين هما ماشيين سوا حب من غير خطوبة... البنت اسمها راشا والواد اسمة علاء .. ساكنين في الشرابية في شارع اسمة رياض غالي جنب شارع الالايلي ..
وكانو راكبين مكروباص من الشرابية ومن عند نفق احمد بدوي ( عند النافورة الملونة ) ورايحين عباس العقاد عشان يعزمها علي طبق كشري من عند محل شيخ البلد اللي جنب ابو زكري بتاع الجملة .. وبعد كدة يطلعو علي محل العصير اللي علي اليمين بعد شارع محمد حسنين هيكل يشربو فخفخينا لغاية معاد السيما وبعدين يدخلوا السيما اللي في جنينة مول ... ( اصل علاء لسة قابض الاسبوع بتاعة من صاحب المحل ولابس الحتة اللي علي الحبل وعامل فيها واد فنجري .. وطبعا رشا ماصدقت انه ح يعزمها علي اي حاجة حتي لو عصير قصب )
لكن بعد ما ركبو المكروباص والسواق طلع الكوبري اكتشفت راشا ان الراجل اللي قاعد في الكرسي اللي جنب السواق يبقي صاحب ابوها الروح بالروح ... طب نعمل اية .... انتظرو لغاية لما اتأكدو ان الراجل ما شفهاش وبعدين وقفوا المكروباص وتظاهرت بان انفها فيه نزيف وحطت منديل علي وشها عشان مايعرفهاش ونزلوا من المكروباص علي اليمين ... ولما ما لقوش اي مكروباص علي الناحية دي كانت البنت اعصابها باظت وبعد ما كانت في منتهي الرقة والمشاعر ظهرت عليها الاعراض الحقيقية للستات وقلبتها غم نكد ولازم اروح دلوقت انا حسة ان اليوم دة مش ح يعدي علي خير وقلبي مش مطمن وعيني الشمال بترف ( مع ان الواد بيشتغل في محل كاوتش وممكن يرصص اي حاجة بترف )
قام علاء معديها الناحية التانية عشان يشوف اي حاجة يروحها بيها ولو مالقاش ح يكون وصل لمرحلة من الغيظ والقرف انه ح يرميها تحت عجل اي اتوبيس ويريح نفسه
في اللحظة دي ... كان سبعاوي معدي من علي الكوبري

**aif** · 10-03-2008 02:30 PM

المشاركة الأصلية كتبت بواسطة HESHAM AMIN

يبقى الغلطة غلطة سبعاوى علشان عدى من على الكوبرى فى وقت حرج زى دا
جايزتك عندى
انا عازمك على شوب خروب من عند امال فمحطة الرمل

وانا قبلت العزومة ... بس قوللي آجي ازاي من العباسية .. اركب اتوبيس كام :D

-

الموضوع: كلمة ونص-10 مارس 2008

LinkBack

أدوات الموضوع

عرض

كلمة ونص-10 مارس 2008 - انشر الموضوع فى :

-

-

-

-

المواضيع المتشابهه

لانسر سوبراكشن مارس 2008 لدواعى الهجرة

كلمة ونص-14 مارس 2008

كلمة ونص- 12 مارس 2008

كلمة ونص 8-مارس 2008

كلمة ونص-6 مارس 2008

الكلمات الدلالية لهذا الموضوع

المفضلات

المفضلات

ضوابط المشاركة