ماذا لو : اتصورت رادار و زوغت من اللجنه

**misoalex** · 31-08-2010 08:52 AM

المشاركة الأصلية كتبت بواسطة eng.m mahran

يا خميس هو الرادار الى على البحر بيصور على سرعة كام؟

60 للاسف وقاعدين عند الحته بتاعه سبورتينج تقريبا

كان فيه موضوع تحذير عنه فى قسم الطرق

والاغلبيه الصبح من الساعه 7

**misoalex** · 31-08-2010 08:53 AM

المشاركة الأصلية كتبت بواسطة pro_samir

شكرا لاهتمامكم يا شباب

للأسف انا مش عارف هم وضعهم إيه

هم بيقفو في المنطقه دي بس مش مكان ثابت يعني في مسافه 3:5 كم كل مره بيقعدو في مكان مختلف و الكمين برضو مفيش نقطه جنبه ولا حاجه هم بيحطو اقماع ويقفو عادي

مع العلم ان الموضوع ده مش يومي يعني كل كام يوم كده علي ما يقفو مره ، اخويا اتصور في نفس الكمين ده قبل كده وبيقولي انه بنظام الورقه ولما بيخلصو بتترمي وخلاص بس انا مش متأكد طبعا

هم فعلا كمين مش لجنه وعاملين فخ للناس ، يا ريت في سبب يخليهم يصورو 60 كنت قلت الناس هي اللي تستاهل لكن ماهي سبوبه وشغاله

ربنا يكفينا قرفهم

لا يبقى متقلقش مدام على شرحك كده يبقى من ابو ورقه وارمى الحمد لله

**Mostafa.Mahran** · 31-08-2010 08:57 AM

طب هو فى حد على البحر بيمشى 60؟؟؟؟؟؟؟؟؟؟؟؟؟؟

**levelpower** · 31-08-2010 11:27 AM

على فكره ياجماعه انا حصل قدامى ان واحد بعربيه فيرنا بعد ماتصور و كان خلاص داخل على اللجنه راح شد فرامل اليد و لف بالعربيه و ده على مرئى من الكمين و طلع وره امين شرطه بالموتسكيل و جابه بعد مطرده اكشن

**misoalex** · 31-08-2010 08:16 PM

المشاركة الأصلية كتبت بواسطة levelpower

على فكره ياجماعه انا حصل قدامى ان واحد بعربيه فيرنا بعد ماتصور و كان خلاص داخل على اللجنه راح شد فرامل اليد و لف بالعربيه و ده على مرئى من الكمين و طلع وره امين شرطه بالموتسكيل و جابه بعد مطرده اكشن

لا ده فيلم اكشن وكده ده لبس قضيه الهروب من كمين غير عكس اتجاه ورادار والله اعلم ايه تانى

الشطاره ان محدش يشوفك او ياخد باله

انا لما الظابط جالى وقاللى انت واقف هنا ليه قولتله العربيه سخنت و واقف شويه اتكلم مع الناس

لكن تبقى قبل اللجنه بأمتار وتلف وترجع او تدخل الشارع الى قبلهم وهما شايفينك انت كده بتجيب لنفسك مصيبه انت مش قدها ادخل الكمين وادفع ال 100 جنيه بكرامتك

**ahmed_mido1889** · 31-08-2010 10:21 PM

اللي اعرفه ان الردار بيسجل المخالفه وبيتم تفريغها في المرور
حصلت مع والدي قبل كده كان متجاوز سرعه بحاجات بسيطه
المهم مدخلش الكمين ولا حاجه كان في داخله قبله
راح رخص بعدها بسنتين لقي المخالفه نازله بعدها بسنتين