تقرير صيانة ال 25000 للاوبترا الاوتوماتيك بالمركز الرئيسى بالهرم

http://img338.imageshack.us/img338/5...0820101031.jpg

السلام عليكم ورحمة الله وبركاته

من كام يوم العربيه كملت 25000 واتصلت احجز لقيت ميعاد قريب وبعد الفطار قولت تمام

الجديد انى بعد ماحجزت لقيت مسج على الموبايل بميعاد الحجز اليوم والساعه ورقم الحجز

وبعدها بيومين لقيت برضه مسج نذكركم بالميعاد يوم كذا والساعه كذا وللاعتذار اتصل قبلها ب 48 ساعه

قولت حلو ان فى تنظيم فى الموضوع

المهم ميعادى كان الساعه 9:10 ( شوفت الدقه ) ورحت الساعه 9 ودخلت ذهلت من المنظر

ال 5 حارات بتوع الصيانه مليانين عربيات , قولت دانا هاخلص الفجر يارب الحق اتسحر فى بيتنا

فضلت مستنى حوالى ربع او تلت ساعه وجه المهندس استلم منى العربيه وقاللى العربيه هاتخلض ان شاء الساعه 11 !!!!

قولت حلو جدا انا مكنتش متوقع كدا

ودخلت الاستراحه استنيت وقعدت اتسلى شويه على اللابتوب وشربت لاتيه ب 9 جنيه :)

العربيه خلصت على 11 وربع كدا ورحت ادفع واليكم التفاصيل

صيانة كل 5000 الاف 153 جنيه ( وخصم 10 % بمناسبة رمضان بقوا 137.7 )

فلتر زيت ب 14.09 ( موضوع الفلتر دا مضايقنى لانى غيرته عندهم مرتين قبل كدا وكان اخر مره ب 33.75 ازاى فجأه بقى ب 14 ؟ اكيد حطوا واحد مش اصلى او حطوا المصرى مش الكورى )

مواد مستخدمه 2.47 معرفش بتوع ايه

250 زيت موبيل 10000

ضريبه 10 %

الاجمالى 418

من العيوب المره دى انهم محاطوش الكيس البلاستيك على الكرسى ولا الطاره زى كل مره , معرفش ازاى مخدتش بالى من الموضوع دا غير لما روحت البيت , كان لازم ياخدوا كلمتين

من الحاجات الغربيه برضه انى شفت شيفروليه ابيكا مترخصه ملاكى

وكمان لقيت هامر اتش 3 داخله تعمل صيانه :)

عموما بشكل عام راضى عن الصيانه والخدمه

والحمد لله بعد 25000 واكتر من سنتين مفيش مشاكل ولا عيوب خطيره والاوبترا كانت اختيار موفق بحمد الله

وربنا يبارك للجميع وكل سنه وانتم طيبين

انا حاسس يا حسام إنك بتروح توكيل غير الي أنا كنت بروحة لما كان معايا المخروبه
هو منصور إتحسن ولا إنت الي حظك حلو ولا إيه بالظبط لإن فرع الهرم ده كنت بروح بحس إنه سوق العبور وبجد المهندسين الي فيه كان بيموتوا في إنهم يقولوا ده العادي بتاع العربيه حتى لو فيها إيه!!!

اقتباس:

---

المشاركة الأصلية كتبت بواسطة yoko

انا حاسس يا حسام إنك بتروح توكيل غير الي أنا كنت بروحة لما كان معايا المخروبه
هو منصور إتحسن ولا إنت الي حظك حلو ولا إيه بالظبط لإن فرع الهرم ده كنت بروح بحس إنه سوق العبور وبجد المهندسين الي فيه كان بيموتوا في إنهم يقولوا ده العادي بتاع العربيه حتى لو فيها إيه!!!

---

تقريبا انا اللى حظى حلو :) والاوبترا مقلتش بأصلها معايا لحد دلوقتى عشان كدا ماحتكتش بيهم فى اى نوع من المشاكل

مبروك يا باشا وعقبال ال 250 ألف على خير ان شاء الله

مبروك عليك
اعتقد المواد المستخدمه ديه الكوليهات اللي بيربطوا بيها العجل في الطاسه

الله يبرد قلبك ويباركلك في عربيتك ان شااااء واحد احد

مبروط ياحسام وعقبال صيانة ال 25 الف بس تكون للكروز
انا عايز اعرف موتور الافيو 5 اوتوماتيك 2009 بتاخد كام لتر زيت لانى انا بحط زيت شل ال 10 الاف وكمان 4 لتر وفى غيرت زيت فى التوكيل اول مره حطلى زيت موبيل 10 الاف بس مكملش 4 لتر كان حوالى 3ونصف

واستخدم زيت فيسكو ال 3000 ولا اخلينى فى الشيل - علما بانى اخر مره حطيت زيت توتال 10 الاف وكان مكتوب عليه صنع فى فرنسا ومعبا فى مصر بس بصراحه محستش بفرق كبير بس لونه اغمق سنه من الشيل اللى حاسس انو عامل زى زيت الاكل

برجاء التوضيح من اهل الخبره
والسلام عليكم

وايه رايكو فى زيت توتال للفتيس الاتوماتيك لانه برده مكتوب عليه صنع فى فرنسا ومعبا فى مصر - والباقى بينصح بزيت موبيل او ايسو للفتيس الاتوماتيك

مبروووك يا حسام و عقبال ما تعمل صيانة ال 100 الف ان شاء الله


يا ريت كل الناس اما تعمل اي صيانة تكتب تقرير عنها.....مش لازم يحصل مصيبة او مشاكل معاكوا في التوكيل عشان تكتبوا موضوع......اتعلموا من حسام باشا

الف مبروك يا حسام ، و عقبال صيانة المليون ، كويس و الله ان منصور يتحسن و يبقي في دقة في المواعيد كده ... انا عن نفسي أخدت قرار ان الصيانات بتاعتي اللي جايه هاعملها في منصور القاهرة الجديدة لأنه قريب ليا.
بس انت دلوقتي 25000 ك ماغيرتش تيل ولا فلاتر و بوجيهات ؟؟؟
طيب ليه ...

مبروك يا حسام،عقبال صيانة الكوبيه :)).

ألف مبروك ياحسام وربنا يكفيك شر طريقها ويديك خيرها يارب.
أنت طمنتنى لانى ان شاء الله هشترى
أوبترا أتوماتيك .

الكافية لاتية سعرة 9 جنية والله كويس اهم حاجة طمة كان حلو و لا لأ
هاهاها
الف مبروك صيانة ال 25000 و عقبال صيانة ال250 الف
موضوع الفلتر دة استفذنى جدا و سألت علية و كان الرد كالتالى
فية نوعين
واحد للشيفورلية و دة فى حدود ال 14 جنية فعلا
و نوع تانى بتاع الاوبل و دة ب 34 ج
وبيركبو حسب المتواجد او حسب اختيار العميل
مع العلم ان فى اوقات كثير بيبقى فية خصومات على قطع الغيار
و نصحونى علشان بحط موبيل 1 انى احط بتاع الاوبل الى هو فى حدود 34 ج علشان الزيت بيقعد 10000
على العموم بالتوفيق

اللف مبروووووووووك وقعبال صيانه المليون ان شاء الله

تمام ياباشا ويارب عقبال صيانه 100 الف ويارب منصور يكون اتحسن فعلا فى المعامله
وع فكره اخوك معاه نفس عربيتك ورايح اعمل صيانه 5000 بس فى القاضى تابع منصور شيفورليه - الاسماعيليه وربنا يسهل

اقتباس:

---

المشاركة الأصلية كتبت بواسطة هشام حمزه

مبروك يا باشا وعقبال ال 250 ألف على خير ان شاء الله

---

الله يبارك فيك ياباشا ربنا يكرمك

اقتباس:

---

المشاركة الأصلية كتبت بواسطة afrtow

مبروك عليك
اعتقد المواد المستخدمه ديه الكوليهات اللي بيربطوا بيها العجل في الطاسه

---

وبيقولوا عليها برضه " أفيز "

بس الطاسات معليهاش حاجه :)

ممكن يكونوا نسيوا يحطوها

اقتباس:

---

المشاركة الأصلية كتبت بواسطة kamalsalem

الله يبرد قلبك ويباركلك في عربيتك ان شااااء واحد احد

---

ربنا يخليك ويباركلك فى الكروز ان شاء الله

اقتباس:

---

المشاركة الأصلية كتبت بواسطة memo823000

مبروط ياحسام وعقبال صيانة ال 25 الف بس تكون للكروز
انا عايز اعرف موتور الافيو 5 اوتوماتيك 2009 بتاخد كام لتر زيت لانى انا بحط زيت شل ال 10 الاف وكمان 4 لتر وفى غيرت زيت فى التوكيل اول مره حطلى زيت موبيل 10 الاف بس مكملش 4 لتر كان حوالى 3ونصف

واستخدم زيت فيسكو ال 3000 ولا اخلينى فى الشيل - علما بانى اخر مره حطيت زيت توتال 10 الاف وكان مكتوب عليه صنع فى فرنسا ومعبا فى مصر بس بصراحه محستش بفرق كبير بس لونه اغمق سنه من الشيل اللى حاسس انو عامل زى زيت الاكل

برجاء التوضيح من اهل الخبره
والسلام عليكم

وايه رايكو فى زيت توتال للفتيس الاتوماتيك لانه برده مكتوب عليه صنع فى فرنسا ومعبا فى مصر - والباقى بينصح بزيت موبيل او ايسو للفتيس الاتوماتيك

---

والله ياباشا انا عمرى ماجربت غير زيت موبيل 10000

اما بالنسبه للكميه فاكيد بتبقى موجوده فى الكتالوج

بص فيه ولو مش عندك دور على النت

لو لقيته هابعتهولك

اقتباس:

---

المشاركة الأصلية كتبت بواسطة fawzyyyy

مبروووك يا حسام و عقبال ما تعمل صيانة ال 100 الف ان شاء الله


يا ريت كل الناس اما تعمل اي صيانة تكتب تقرير عنها.....مش لازم يحصل مصيبة او مشاكل معاكوا في التوكيل عشان تكتبوا موضوع......اتعلموا من حسام باشا

---

الله يبارك فيك يادكتور ربنا يخليك وبالتوفيق فى الامتحانات

اقتباس:

---

المشاركة الأصلية كتبت بواسطة dark_smoky

الف مبروك يا حسام ، و عقبال صيانة المليون ، كويس و الله ان منصور يتحسن و يبقي في دقة في المواعيد كده ... انا عن نفسي أخدت قرار ان الصيانات بتاعتي اللي جايه هاعملها في منصور القاهرة الجديدة لأنه قريب ليا.
بس انت دلوقتي 25000 ك ماغيرتش تيل ولا فلاتر و بوجيهات ؟؟؟
طيب ليه ...

---

الله يبارك فيك

تقريبا هما محوشنلى كل حاجه لصيانة ال 30

شكلى هادفعلى يجى 1000 جنيه المره الجايه :)

اقتباس:

---

المشاركة الأصلية كتبت بواسطة Gabrial

مبروك يا حسام،عقبال صيانة الكوبيه :)).

---

الله يبارك فيك ويسمع من بقك ربنا :):)

اقتباس:

---

المشاركة الأصلية كتبت بواسطة mshehata500

ألف مبروك ياحسام وربنا يكفيك شر طريقها ويديك خيرها يارب.
أنت طمنتنى لانى ان شاء الله هشترى
أوبترا أتوماتيك .

---

الله يبارك فيك

واختيار موفق باذن الله وربنا يباركلك فيها ويبعد عنك المشاكل

وعلى فكره انا سمعت ان موديلات 2011 هاتنزل بجنوط سبور وسى دى بدل كاسيت

يابختك ياعم :)

اقتباس:

---

المشاركة الأصلية كتبت بواسطة aymanmaly

الكافية لاتية سعرة 9 جنية والله كويس اهم حاجة طمة كان حلو و لا لأ
هاهاها
الف مبروك صيانة ال 25000 و عقبال صيانة ال250 الف
موضوع الفلتر دة استفذنى جدا و سألت علية و كان الرد كالتالى
فية نوعين
واحد للشيفورلية و دة فى حدود ال 14 جنية فعلا
و نوع تانى بتاع الاوبل و دة ب 34 ج
وبيركبو حسب المتواجد او حسب اختيار العميل
مع العلم ان فى اوقات كثير بيبقى فية خصومات على قطع الغيار
و نصحونى علشان بحط موبيل 1 انى احط بتاع الاوبل الى هو فى حدود 34 ج علشان الزيت بيقعد 10000
على العموم بالتوفيق

---

اللاتيه كان جامد طبعا دا من Pasqua :)

ياريتهم كانوا حطولى بتاع الاوبل زى كل مره

طيب ومن تجربة حضرتك للفلتر ابو 14

هل فى اى اختلافات ملحوظه بين الاتنين ؟

اقتباس:

---

المشاركة الأصلية كتبت بواسطة dj_bex

اللف مبروووووووووك وقعبال صيانه المليون ان شاء الله

---

الله يبارك فيك

اقتباس:

---

المشاركة الأصلية كتبت بواسطة hema_fg2

تمام ياباشا ويارب عقبال صيانه 100 الف ويارب منصور يكون اتحسن فعلا فى المعامله
وع فكره اخوك معاه نفس عربيتك ورايح اعمل صيانه 5000 بس فى القاضى تابع منصور شيفورليه - الاسماعيليه وربنا يسهل

---

مبروك مقدما على الصيانه ياباشا وربنا يباركلك فيها

اول صيانه الصيانه فيها مجانيه

يعنى هاتدفع تمن الزيت والفلتر و 10 % ضريبه على الفلتر

بس كدا

بالنسبالى مافيش فرق بين نوعين الفلتر
فالزيت بينزل بنفس درجة اللون
لاكنهم بيقولوا بتاع الاوبل احسن بدون ذكر اسباب واضحة

الف مبروك يا فنان وعقبال صيانه الـ مليون إن شاء الله

اقتباس:

---

المشاركة الأصلية كتبت بواسطة bassemraafat

الف مبروك يا فنان وعقبال صيانه الـ مليون إن شاء الله

---

الله يبارك فيك ياباشا :)