امتي هتنزل شيفروليه كروز 2011؟؟؟؟؟؟؟

**thedestroyer** · 31-08-2010 12:12 PM

يا جماعه محدش يفدني في الموضوع ده انا خلاص بعت وناويت اخر كلام ان شاء الله عز وجل اجيب شيفروليه كروز بس انا مستخسر اجيب 2010 واحنا في شهر 9 آخر السنه عاوز أجيب 2011 وسالت جميع الوكلاء قالو لسه منزلتش حاجة في الشيفروليه 2011 غير لانوس وافيو طيب انا دلوقتي من غير عربيه وبحتجها طبعا في شغلي اوى استنه قد ايه هتنزل امته 2011 ان شاء الله شيفروليه كروز يا ريت لو حد عنده اى معلومات بس يكون متاكد منها في الانتظار وجزاكم الله كل خير

ممنوع استخدام اللون الاحمر في المداخلات او التوقيع حيث إنه مخصص فقط للمداخلات الادارية من قبل الاشراف والإدارة
مشرف 12 ب

**kamalsalem** · 31-08-2010 12:18 PM

اولا اللون الاحمر ده هيلم المشرفين عليك وش هههه

ثانيا منصور عنده 2011 وهي هي نفس العربية ال 2010 عامة

**thedestroyer** · 31-08-2010 12:31 PM

المشاركة الأصلية كتبت بواسطة kamalsalem

اولا اللون الاحمر ده هيلم المشرفين عليك وش هههه

ثانيا منصور عنده 2011 وهي هي نفس العربية ال 2010 عامة

ههههههه لازم بقه يا باشا منصور يعني الأحمر بس ياباشا اكيد شيفروليه كروز نزلت 2011 كروز بس ؟؟؟؟؟

اصل انا علي طول بكلمهم في الجرايد مش بلاقي غير لانوس وافيو بس من شيفروليه الى نزلوااا

**engaass** · 31-08-2010 12:35 PM

اللون الاحمر خاص بمكاتبات الادارة فقط

**thedestroyer** · 31-08-2010 12:35 PM

ويا باشا احنا متاكدين مليون في الميه ان الشكل مش هيتغير بس معلش رخصتك لما تكون 3010 غير 2011 هتفرق برضو في البيع بعد عمر ان شاء الله

**kamalsalem** · 31-08-2010 12:36 PM

المشاركة الأصلية كتبت بواسطة thedestroyer

ههههههه لازم بقه يا باشا منصور يعني الأحمر بس ياباشا اكيد شيفروليه كروز نزلت 2011 كروز بس ؟؟؟؟؟

اصل انا علي طول بكلمهم في الجرايد مش بلاقي غير لانوس وافيو بس من شيفروليه الى نزلوااا

بص يا باشا... انا الجمعه قبل اللي فاتت رخت منصور احجز وده كن اليوم اللي عرفت فيه انه العرض خلص والعربيه غليت وانه التسليم بقى ف خلال اسبوعين والدفعه الجديده ترخيص 2011 وانه العربيه مفيهاش مسمار هيتغير

**thedestroyer** · 31-08-2010 12:56 PM

معلش بقه مكنتش اعرف موضوع اللون الاحمر ده ياريت المشرفين يقبلوا ده ثانيا يعني استنه ان شاء الله كمان اسبوعين يكون مستر منصور باشا حن ونزل 2011 من شيفرولبه كروز ؟؟؟ وانا باكد يا اخوانى الاعضاء والمشرفين العظماء ان الفكره اني مش استني الشكل يتغير لان مش متوقع تماما الشكل يتغير لانه لسه ملحقش بس انا بتكلم في الترخيص الترخيص الترخيص لما تكون رخصتك 2011 غير 2010 خاصه انك في اواخر 2010 بس انا عاوز اعرف موضوع الاسبوعين ده اكيد ولا ؟؟؟؟؟؟؟؟؟ وشكرا جدااا

**ahmed88hassan** · 31-08-2010 06:56 PM

اعتقد انها مش هتنزل قبل العيد
الأضمن انك تقرص علي نفسك وتستني لشهر 10

**kamalsalem** · 31-08-2010 07:55 PM

هو ليه الناس بتفكر ف بيع العربية قبل ما تشتريها

مش تريقة والله انا فعلا مش حاسس انه اصلا العربية مفروض تكون استثمار

واسف على تغيير الموضوع... باشا الكروز لسه بالقانون قدامها على الاقل 4 سنين (الكوري كده) وبعد اربع سنين يعملوا فيس ليفت زي الانترا ما عمالين يحطوا ف نواكل وينزلوا عربيات وبعدين في السنه ال5 الشكل يتغير