انا مش عارف ايه البخل ده مديني العربية مفيهاش مية مساحات؟
دلوقتي احط ايه؟ مية وعليها جلانس؟ والنسبة قد ايه؟ ولا مية بس؟ وغلط اسيبها كدة مفروض انرل علاطول اعملها صح؟
عرض للطباعة
انا مش عارف ايه البخل ده مديني العربية مفيهاش مية مساحات؟
دلوقتي احط ايه؟ مية وعليها جلانس؟ والنسبة قد ايه؟ ولا مية بس؟ وغلط اسيبها كدة مفروض انرل علاطول اعملها صح؟
اهي استرجلت وشربت بريل بتاع الاطباق
بس حاسس اني زودتها شويه في البريل الميه بترغي عالقزاز، مع اني حطيت معلقة سكر على لترين ميه
اظن كان مفروض اديها جلانس عشان ميرغيش مش بريل بس الدماغ مفوته مع الصيام
وبالمناسبة، قربة المساحات لترين بظبط من غير الرقبة اللي طالعة من الكبوت
جلانس يا ريس
اه مانا اكتشفت لما لقيت الميه بترغي ع القزاز ههههههههه
هههههههههههه
كل اللي حيحصلك حتلاقي الازاز مجير ف انت ممكن تزود المياه لغايه ما تخفف النسبه شويه او تقعد ترش منها علي الازاز لحد ما تخلص وبعدين تعمل الي انت عايزه .
انت لسه شفت حاجه ياما هتشوف من الكروز لسه واسئل مجرب
طب ميه المساحات بتروح برده علي السقف زي عندي وبتنزل جوه العربيه لو الشباك مفتوح ولا انا عربيتي بس اللي بتعمل كده
علي العموم نادي ضحايا الكروز بيرحب باي ضحيه جديده
حاول تخلص المية الى حطتها بأسرع و قت ممكن
و عندك بديل من اثنين
الاول تجيب زجاجة ميام معدنية ( طبيعية) وتحط 200 ملى جلانس او ما شابة على لتر ونص مياة المياة الطبيعية ( المعدنية ) يعنى ماتحطش مياة عادية لانها تعمل صدة يعنى الى هاتوفرة فى القريب هاتدفع اكثر منة فى البعيد
الثانى فى اى بنزينة هاتلاقى زجاجة مياة مخصوصة للمساحات و فى الغالب هاتكون مصرى
فشوف اية الحل المناسب ليك بس اهم حاجة ابعد عن مياة الحنفية العادية لاى حاجة داخلية فى العربية
و بالتوفيق
ونضيف العيب دا لقائمة عيوب الكروز
العيب رقم.... : ماء المساحات اللى جاى مع الزيرو بيخلص بسرعة
ضحية ليه بس؟ انتي ليه مصرة تكرهيني فيها، العربية كويسة والمية بتطلع ف نص القزلز عادي
لو عندك مشكلة نحاول نساعدك بس لا تبخسوا الناس اشيائهم
متشكر عالفكرة الهايلة
العربية لا جاتلي الورق مكتوب فيه انها مخزونة بقالها شهر ونص، وقبلها 3 شهور في البحر، طبيعي المية هتنشف
+1111111111111111111111111111111111111111111111111 111111111 للصبح
حصل مع اخو صحبى يوم ما اشترى العربيه لقيته حط فى القربه بتاعت المساحات صابون سائل ملها على الاخر صابون سائل فقط لا غير
فوجئت بالحركه دى .. قمت انا وصاحبى فضينا القربه من الصابون ده بالعاااااااااافيه عشان كان صابون مركز وتقيل ورخم بهدل يومها العربيه واضطرينا اننا نغسلها كلها بسبب الموضوع ده ومليت قربه المساحات ميه من الحنفيه عاااااااااادى جدا طبعا كان فى بقايا من الصابون فى القربه فـ ظبطوا الادأء شويه الميه مع كميه صابون صغيره جداااااااااا
يا كمال باشا الصابون السايل والجلانس والكلام دا كله غلط جداااااااا بيسد خراطيم الميه علي المدى البعيد هتلاقي في كارفور مياه للمساحات بتضاف للميه العاديه عشان تعادل الph بتعها وتخليها غير مضره ومتخليش حاجه تصدي وهتلاقيها بحوالي 20 جنيه وممكن تقضيك لمده اكتر من سنه ونص كمان لانك بتحط شويه صغيرين اوي تقريبا قد الغطا ونتيجتها ممتازه ومش بتخلي الزجاج مجير خالص
وكمان اللي عايز اقوله عيب ايه ان الميه خلصت دا حسب الاستخدام انا عندي بقالها 7شهور ولسه مخلصتش وممكن كنت بخلصها في اسبوع في العربيه القديمه عشان مكنتش بركن في جراج وكنت كل مطلع بالعربيه اشغل الميه فبتخلص
واللي بيقول انه بيغرق السقف والباب فتحات الميه دي بتتوجه يعني لو معاك دبوس ابره تدخله مكان الخرم وتظبط الاتجاه فوق وتحت ويمين وشمال عادي جدا
انا زمان في النوبيرا كنت عامله علي الجناب عشان لما اجي جنب واحد صحبي ارخم عليه وارش ميه علي الزجاج الجانبي اللي غالبا بيكون مفتوح ههههههههه
انا مش شايف اي ضحايا
ياريت اللي عارف يتكلم واللي مش عارف يسئل وكلنا نستفيد
وبكده نكون حلينا مشكله عويصه عند نادي الضحايا
واهلا بيكم في نادي محبي الكروز
ارجو من حضرتك توضيح انهى مشاركة تقصد بيها الى مش عارف ؟
و اشكر حضرتك على التوضيح مقدما
ان مقصدش اي حد من القسم هنا خالص يا جماعه ان بقول علي الناس اللي مصدقت تلاقي اي حاجه تتكلم عليها وعملين نادي كارهي الكروز وبيتكلموا علي عيب مش موجود اصلا لكن ممكن يكون التعبير خني ولا حاجه بس انا مقصدشش التعبير اللفظي لكن في المجمل
زي اللي بيزغرط في الزفه وخلاص هههييييييييييييييييه يالا في عيب في عيب
واسف لو كلامي حد فهمه غلط
ممكن تبقى تحط مياة مقطرة وعليها جلانس
انا قاقت، انزل افضيها ولا اسيبها المرة دي وبعد كدة اشوف حوار كارفور ده؟
انا والله امبارح كنت ف كارفور الصحراوي وجبت منظف تابلوه ومنظف فرش ومعطر وفرشة للعربية من بره، وقعدت ادور على اى حاجة للمساحات ملقتش، فيا ريت لوعندك اسمه او صورة للقزازة اكون شاكر
متقلقش ولا حاجه مره واحده مش مشكله المهم متكنش عالطول
علي فكره دا كمان موجود في اون زا رن وانا مش فاكر اسمه دلوقتي لكن لما انزل مصر الاسبوع القادم هصورهولك وارفع الصوره ان شاء الله
او ممكن نتقابل بما انك هرماوي زي
ويكون ليا الشرف
علي فكره يا باشا انا دلوقتي بس فهمت
انت فاكر اني بعلق علي رد سؤال كمال باشا
لااااااااااااااااااا خالص انا مش بعلق علي موضوع الميه خاااااالص
انا بتكلم علي اللي بيقول عيب في العربيه من غير وجه حق وفي ناس لقيتها مصدقه وكلام زي ربنا يتولاهم زي منكون جبنا توك توك هو دا اللي نرفزني جدا
وعلي فكره انا لاقيت تعليق الميه علي السقف دا في موضوع نادي الضحايا
ومرضتدش اعلق او اقول رد
لكن لما لاقيت الموضوع اتكرر كتير وناس بقت مصدقه
قلت لأ لازم ارد واوضح الموضوع دا الساكت عن الحق شيطان اخرس
وبعدين يا كبير اختلاف الرأي لا يفسد للود قضيه
واسف للمره المليون ولو كان كلامي اتفهم غلط
حبيب قلبي مقدرش علي زعلك:b4_007:
فى بعض العربيات بيبقى فى تحكم فى ضخ المياه بتاعت المساحات
بالنسبه للفيرنا عندى الدراع مش بدوس عليه للأخر بدوس نص دوسه عشان الميه متطلعش على الدهر
فى الكروز لو فيها الامكانيه بتاعت التحكم يبقى اكيد هتبقى فى الدراع
لو مش موجوده يبقى تعمل زى ما انا بعمل عشان الميه متطلعش على دهر العربيه وتروح للشنطه كمان
بلاش جلانس ولا بريل
هات cyclo من on the run او من اى حته
بحوالى 15 - 20 جنيه
made in usa
اشتريته من حوالى 9 شهور ولسه معايا لحد دلوقتى
http://img704.imageshack.us/img704/5333/29122009555.jpg
فضى الميا اللى عندك خالص
واملاها مياه تانى وفضيها تانى عشان التانك ينضف
وبعد كدا حط شويه صغيرين حوالى 50 مللى بالكتير على ازاتين ميه بس كدا
وممكن تلاقى انواع تانيه غير الامريكى دا بس مجربتهاش قبل كدا
عموما جرب وقوللى النتيجه
يلا بينا يا باشا ده شيء يسعدني والله
التانك بتاع المساحات 2 لتر بالتمام.... احط عليهم اد ايه؟ والشيئ اللي ف القزازة ده منظف ولا مطهر ولا صابون والامريكان بيشتغلونا ولا ايه.... بهرج طبعاً هنزل فوريرا على On the Run انفذ وقتي وتعيش ماما امريكا
الاول انت راجل محترم جدا و انا ماقدرش اذعل منك
يا راجل لسة فاكر الموضوع دة كبر دماغك
انا خفت كل الى شاركو يفتكرو هم المقصودين و بالتالى تحصل مشكلة
لكن لو على المشاركة بتاعتى ولا يهمك قول الى انت عايزة
اما عن الدفاع عن العربية بالحق فليك حق يستفزك الهجوم انا كمان عملت زيك
انا رديت فى موضوع تانى اسمة تقريبا
نادى ضحاية كروز
و بالتوفيق للجميع
بص ياباشا بالنسبة للمياه حط مياه نظيفه ويستحسن معدنيه زى ما استاذ ايمن قالك وشوية cyclo زى ما أستاذ حسام أوبتراوى قالك ...
بالنسبه لرش المياه على السقف .... حاول تظبط مكان الرشاشات .. لو دخلت أى حاجه رفيعه فى الرشاشات ( دبوس رفيع مثلا ً ) وحاولت تنزلها لتحت أو ترفعها لفوق حتلاقيها بتتحرك معاك وأظبطها زى مأنت عايز ( تقريباً تظبطها فى نصف الزجاج بالظبط ) .... بس براحه مش بعنف وبلاش دبوس طري لأحسن يتكسر جوه الرشاشات ويسدها ..... أنا عن نفسى بستعمل أصغر مقاس من مفكات الساعات والنظارات ... جربها وإبقى طمنا ....
وبلاش تسيب مياه المساحات لما تخلص خالص ، حاول تملاها أول بأول علشان لو فى رواسب فى آخر قربة المساحات متسدش الرشاشات .
تمام كده زي ما الاستاذ حسام بيقول ... هوه ده الصح :colsmil: