الموضوع: إن شاء الله مقبل علي حجز بيرسونا "في حد ينصحني بحاجه"

المشاركة الأصلية كتبت بواسطة ams_5000

ههههههههههههههه
عيب عليك يا باشا دا أنا أشتري الإليجانس وأديهالك هديه :)
أنا مش معايا رقم أ.محسن صالح ممكن تقولهولي لو عندك

الكلمه ده متطلعش الا من شخص عايركب بروتون كلك ذوق

تمام و الله الشغل ده من رجالة البرتون انا بس عندى سؤال يعنى هو دلوقتى ممكن ناس تحجز الاليجانس و لا لسة بدليل ان اصلا سعرها لسة مش متحدد لانى بجد بفكر فى الجين 2 او البيرسونا دلوقتى بس لو الموضوع مش هيطول يبقى الواحد يستنى الاليجانس و لا انتوا ايه رايكوا....................

المشاركة الأصلية كتبت بواسطة alarabiya11

الكلمه ده متطلعش الا من شخص عايركب بروتون كلك ذوق

[overline]
مرسي يا جميل، بس واللهي الناس في المنتدي ده وخاصة قسم البروتون يستاهلوا أكتر من كده "بجد قسم متعاون أوي"
[/overline]

المشاركة الأصلية كتبت بواسطة ayman_52

البيرسونــا الاليجانس نازله خلال الفتـره القادمــه , هى مسأله وقت فقط , حاجـه تنظيميه من التوكيل ...

انما اظن انها بدات تنزل على كشوف الحجوزات فى التوكيــل

والف الف مبـــروك مقدمــا , وتستلـم على الف خير يــارب

شكرا يا أيمن باشا علي مرورك، يارب بس تنزل علي شهر 10 عشان أنا معتش قادر أستحمل أكتر من كده، والله يبارك فيك يا قمر مقدما، هو أنا لو حجزت رمضان ما يخلص هيتعملي خصم 4000 جنيه علي الإليجانس؟؟

المشاركة الأصلية كتبت بواسطة mido_soliman

مبروووك مقدما يا احمد بية وتستلم على الف خير ان شاء الله ولو احتجت اى حاجة كلمنى يباشا
ايموووووو صحيح ؟؟؟ الاليجانس نازلة بموتور ال cps
حتبقى جامدة جدا جدا على فكرة لو نزلت بالموتور دة ويبقى غالبا جينا الجديدة حتنزل بنفس الموتور :))))

ربنا يخليك يا أبو حميد، أنا إن شاء الله عايز أقابلك قبل ما أحجز عشا نأسألك عن حاجات كده، إنت نازل إمتي الزقازيق

المشاركة الأصلية كتبت بواسطة m.almaghraby

معتقدش انها نازلة سي بي اس

عالعموم الف مبروك مقدما


بس نصيحة بلاش ال هاف اوبشن او الميد لاين

خليك فالهاي لاين بس

الله يبارك فيك يا باشا، أنا برضو بقول إنها مش نازله بموتور cps، إن شاء الله أجيب الهاي لاين بس يا رب يكون سعرها معقول.

المشاركة الأصلية كتبت بواسطة jisso82

معلش إنى اتأخرت عليك فى الرد
أولا فيه مانيوال هاى لاين و أوتو هاى لاين و الفرق الوحيد اللى بينهم إن الأوتو فيها فوجات ورا و المانيوال لأ و باقى الكماليات زى ما هى و بعدين الميديوم لاين لحد اللحظة دى ما نزلش مصر أساسا لا فى الجين ولا البرسونا
أما بالنسبة للإليجانس فما تقلقش إن شاء الله مش هتعدى ال100 لأنها هتنزل مكان البرسونا الحالية أصلا و محسن صالح قال إن لحد دلوقتى متفقين إنهم ينزلوها بنفس السعر خاصة إن الفروق مش ضخمة أوى على الرغم من وضوحها بس هى أصلا غليت 4000 عشان زيادة الجمارك فتمنها الرسمى حاليا بعيد عن الخصم بتاع رمضان 96000 و نفترض كمان لأنها موديل جديد و فيه شوية كماليات زيادة زى المرايات اللى بإشارة و الاسبويلر و الكراسى الجلد و مثبت السرعة فهتزيد مثلا بتاع 2000 هتبقى إن شاء الله 98000 و ده كلام محسن صالح من غير ما تتعب نفسك و تكلمه
و ده لينك عن الإليجانس برده:
http://www.nilemotors.net/nile/149020-a.html
و دى صورها:
http://www.nilemotors.net/nile/14156...-elegance.html

مرسي يا باشا اللينكات دي حلوه اوي،ومرسي علي المعلومات الجميله دي، ويا رب ربنا يسهل ويبقي سعرها مش أكتر من كده، طيب لو حجزت في رمضان هلحق الخصم ده ولا الخصم ده مش علي الاليجانس؟؟