الموضوع: الفوكس 2003

اخى العزيز

كتجربه شخصيه لى انا كان عندى اسكورت زيتك 98 1600 وفكرت نفس تفكيرك ان اركب الفوكس 2003 وبحثت بالانترنت عن فوكاس 2003 وقتها من 3 سنوات لقيت حوالى 5 عربيات وتتفاوت اسعارهم من 62 الى 75 طبعا علشان تشترى الفورد لازم يكون سليمهموش هتشترى ولسه هتصرف كمان

اول شىء بيع سيارتك الاسكورت واتكل على الله وشوف فوكاس تكون اتوماتك وتكون سليمه ولازم تروح بيها التوكيل تعمل فحص هناك
وهتحس بفاااااارق كبير بين الاسكروت والفوكاس اهم شىء تشترى سياره سليمه وتتاكد من جميع ازرار التابلوه
بخصوص قطع غيارها متوفره كتير عند نفس الناس ال بتتعامل معهم فى الاسكورت وكمان نفس الميكانيكى ال بتتعامل معه وهقولك سر انت لو بعت الاسكورت وركبت لانوس او نوبيرا او اسبرنزا او متسوبيشى موش هتحس براحه لان فورد له طابع مميز
وربنا يوفقك فى الاختيار باذن الله

الفوكاس فئة اعلى من الاسكورت و طبعا فيه فرق بينهم بس الاهم انها تكون سليمة
موضوع الصيانة بتاعت الفوكاس هاتكون اصعب كتير من صيانة الاسكورت 1300 و فيه فرق كبير بينهم في اسعار قطع الغيار
بس خلي بالك ان بدايل الفورد و خصوصا لواحد ركبها من زيرو مش كتير زي مقالa3reda

اولا شكرا يااستاذ a3reda وجوزيف باشا
ثانيا بئي كلام الاخ a3reda طمني الي حد ما وشجعني علي الموضوع دا خصوصا انك تقريبا عملت نفس اللي انا عايز اعمله دلوقتي
بس جوزيف بيقول ان قطع الغيار اغلي ودي حاجة مفروغ منها ومتوقعة طبعا بس فرق الغلو دا اد ايه؟يعني مقبول ولا فرق كبير وكمان الصيانة مش زيها زي اي عرية فورد لو ميكانسكي فورد يشتغل فيها زي ما الاستاذ a3reda بيقول ؟
معلش ياجماعة استحملوا اخوكوا شوية لاني فعلا مش هلاقي احسن منكوا اساله في الموضوع دا

وشكر ا للاستاذa3reda ,وجوزيف باشا مرة تانية

يا معلم وليد لا شكر على واجب
بص موضوع الصيانة بيختلف اختلاف كلي ما بين نظام بسيط في الاسكورت لنظام عالي و معقد في الفوكاس يعني
الاسكورت معاك كاتينة جنزير ( تتغير كل دهر من الزمن ) اي صنيعي شاطر و بيفهم ممكن يتعامل معاها و الصبابات هما 8 صبابات و تكيهاتهم شاكوش و مسمار ( بيانو ) و الدنيا بسيطة او بمعني ادق بدائية
الفوكاس بقي الموضوع كبير 16 صباب تقريبا و التكيهات كوستبان و بلوف و الكاتينة سير ( بيعد 100 الف كم ) و تغيرهم لابد من متخصص فورد مش اي صنيعي في البلد عندك يعني كل مشكلة فيها هاتبقي محتاج تنورنا في العاصمة
إلى جانب ان فيه فروق كبيرة في قطع الغيار نظرا لاختلاف طبيعة الموتور و منها ( المقارنة بين قطع غيار الفيستا بتاعتي 1300 و الفيستا 1250 موتور زيتيك ) جوان غطاء تكيهات 26 جنيه و التاني ب 90 جنيه تقليد و الاصلي رقم كبير
خرطوم الفايز عندي الاصلي في حدود 200 و التاني ب 500
بلية شداد الكاتينة الاصلي في الفوكاس ممكن توصل لـ 1000
حط الكلام ده في حسبانك

الاسكورت كاتيجوري والفوكس كاتيجوري تاني خالص بس لو ممكن حد يكتبلنا كل الاوبشن الي فيها اكون شاكر ليكو اوي.
معلش سؤال جانبي حضرتك كنت جايب الاسكورت زيرو بكام؟؟؟

والله ياجماعة انا استقريت بئي وعزمت النية علي التغيير وقطع غيار الفوكس وصيانتها ربنا يعيني عليها بئي
انا عرضت الاسكورت للبيع ولما ربنا يكرم هابدأ ادور بئي علي الفوكس اللي موجود
egytamer باشا انا مش عارف والله سعر الاسكورت لما جبناها زيرو كانت كام لان السيد الوالد هو اللي كان شاريها مش انا

استاذ جوزيف انا اتذكر انى غيرت سير الكاتينه فورت اسكورت 1600 زيتك انجكشان وكان السير جلد موش جنزير