سير الكاتينة الجديد اتقطع في الويرا 2004

**byounes** · 31-08-2010 03:52 PM

السلام عليكم
في يوم عادي من ايامنا الحلوة كنت ماشي علي الدائري واذا بالعربية تفصل وانا ماشي ، ادور مافيش وانا مستبعد تماما انو سير الكاتينة لأني لسة مغيرو في صيانة الـ60000. (العربية ماشية 67000)

المهم لما نقلت العربية للميكانيكي عرفت انه السير ، وتفسير الميكانيكي للحصل انو نتيجة ان العربية كانت سخنت وكانت علي وشك ان وش السلندر يضرب من اربع شهور وان السير تاثر بالحرارة وبالتالي اتقطع. في تفسير تاني سمعتو من واحد صحبي ان اللي ركب السير ممكن يكون شده زيادة عن اللزوم وبالتالي اتقطع.

نتيجة اللي حصل طبعا الموتور محتاج طقم صبابات وشنابر وكام حاجة كدة مش عارفها ، يا ريت اللي مر بنفس التجربة يعرضها عشان نستفيد ، لأني معرفش اذا كانت الحاجات دي هاتحل المشكلة جذريا ولا لأ.

وشكرا،

**ahmed_h_g** · 01-09-2010 03:33 AM

متقلقش الموضوع بسيط
أهم ما فى الأمر الصنايعى اللى هيشتغل فى العربيه
لو ممتاذ هيطلع شغل ممتاذ لو بيتعلم هيخليك تكره العربيه
دلوقتى هتحتاج لطقم صبابات و جوان وش سلندر و سير وبلية كاتينه وطقم شمبر وشوية تناتيف بسيطه
لو هتقدر تجيب وش سلندر أستعمال يستحسن
لو القديم شغال أشترى طقم الصباب من وكالة البلح وطقم الشمبر غيره وهاته من شارع دمشق أضمن هوه وسير وبلية الكاتينه