الموضوع: ساعدوني بليز: لانسر بوما 1.3 ولا كيا سيراتو ؟ و هي لانسر 2011 نزلت ؟

انا عايزة اشتري عربية جديدة قبل العيد فكرت كتير و لقيت افضل حل لانسر بوما 1.3 اوتوماتيك لان سعرها مناسب ليا (هو ده اللي معايا ) و كمان عربية ياباني و قطع غيارها متوفرة و رخيصة و سهلة الصيانة خارج التوكيل و محدش اشتكى منها ..الخ , بس مش عارفة هي هتنزل 2011 اصلا و لا لا ؟ لاني قريت في منتدى انها هتتوقف من 2011 و طبعا انا مش هشتري 2010 لاننا في اخر السنة , كمان لقيت الكيا سيراتو (نيو) 1.6 اوتوماتيك فئة الex ب 108 يعني تقريبا نفس تمن ال lancer 1.3 auto ففكرت فيها خصوصا ان سمعت ان 2011 منها نفسها و نزلت تقريبا , لكن ناس كتير قالوا كوري و قطع غيارها غالية و صيانتها مكلفة و عفشتها ناشفة و بتعوم مع الفرامل و ليها مشاكل مع الجنط ال 17 و صوتها بيعلى بعد ال 120 كم/س لانها اربع نقلات بس و عزلها مش عالي و مش مريحة اوي في السفر خصوصا للمقاعد الخلفية عشان نظام التعليق بتاعها (انا طبعا معرفش يعني ايه نظام التعليق الخلفي بتاع العفشة ده :d بس قريت ده كتير في منتديات من مهندسين و ناس فاهمة) .. يعني من الاخر الكيل مشاكلها كتير رغم الرفاهية و الشكل الرائع و الاوبشنز العالية و السعر المناسب , و في الاخر مش عارفة اخد قرار و اعصابي تعبت ... ارجوكم افيدوني اعمل ايه ؟ و اشتري ايه موديل 2011 ؟(( مع العلم ان العربية دي اخويا هيركبها معايا يعني مش عايزة عربية شكلها بناتي ولا حاجة))؟ و اسفة على الاطالة

انا شخصيا بفضل اللانسر 1600 سى سى و لو سبورت ها تبقى حكاية لان بصراحة العربية دى جامدة جدا و شبابية و بتستحمل البهدلة و ليها اعتمادية عالية جدا بعكس السيراتو لسه عربية جديدة و ماظهرتش كل عيوبها وبدليل ان اللانسر بقالها حوالى 11 سنه مافيش حد اشتكى منها لا وكمان فى ناس كتير دلوقتى بتطلب الموديلات القديمة اللى هى الكريستاله و المكواه و كمان قطع غيار اللانسر موجودة فى كل مكان و موجود منها اليابانى و الصينى و الكورى و الامانى و الاسبانى و كمان العربية دى ممكن حضرتك تعملى فيها كل الاوبشن اللى انتى عايزاه يعنى انظمه صوت و usb و دي فى دى و زينون و كل حاجة تتخيليها ممكن تتعمل فيها و سيبك من اللى يقولك دى بقت شكل قديم و الكلام الفاضى ده حضرتك لو عايزه عربية تتمنظرى بيها يبقى السيراتو و لو عايزة عربية تتمنظرى بيها و تعيش معاكى على طول و مش هاتفكرى تروحى لمكانيكى يبقى لانسر انا و الله العظيم انا كنت حاجز كيا كارينز خليجى من معرض فى مدينة نصر و روحت استلمها احترت بين الكارينز و السيراتو و اللانسر و الحمد لله انى اشتريت اللانسر و جبت ساعتها لانسر سبورت خليجى 2009 و الحمد لله العربية زى الفل و على فكرة كل الصيانات بتاعتها انا بعملها بنفسى ما عدا صيانة الالف الوحيدة اللى عملتها فى التوكيل و كل فترة كده بروح التوكيل اعمل عليها تيست بالكمبيوتر و الحمد لله مافيش اى حاجة و المهندس هناك ماصدقش ان كل حاجة انا بعملها بنفسى