الله يسلمك ويحفظك
أنا مرضيتش أقول نفس التشبيه اللى انت قولته ده لأنه هيقرف أكتر
هى فعلا كأنها إفراز مائى لكائن ينبح
عرض للطباعة
الواد بتاع ضحكني شكراً دا فعلاً هيعملي حاجة في صحتي قريب ... مع اني بشوفه صدفة
يخرب بيت اللي طلعه في التليفيزيون بجد !! اية دا !!؟؟
ههههههههههه
اي خدمه يا دكتور علشان تعرف اني بقري افكارك
لو هي فعلا حد واصفهلك فهي بتتوصف لوجع الكلي
وزيها عصير القصب هو برغاوي برضه ونفس لونها لما تتعتق
بس شتان ما بين الطعمين
لو فعلا الكلي تعباك ممكن تجيب عشب اسمه حلف بر وتغليه وتشربه
تاثيره تحفه وسريع جداااااااااا
بس طعمه لما تدوقه حتحس انك بتاكل الكائن بافرازاته
ونفس الطعم يا دكتره؟؟؟؟؟؟؟؟؟؟
على فكرة أنا بحب البيريل بس أول مرة شربتها كان على حمام سباحة كنت هقوم املاه قئ
و واحد صاحبي من كتر حبي للعربيات كان هيكلم المخرج و شركة الاهرام علشان أطلع في إعلان من بتوعهم :whtauwant:
أنا كدة مش فاطر بكرة حرام عليكم :B4_237:
ألف سلامة يا دكتور و شافاك الله و عافاك
نسيتوا كمان برنامج 100 مسا
السخيف الرذل ال ........
( اللهم إني صائم )
دمها تقيل جدا و بتستظرف نفسها
الف سلامة عليك يا دكتور احمد ....
جرب ال amstel zero بدل البيريل ارحم شوية :)) و اشربها متلجة احسن
انا شغال مية أكتر حاجة الحقيقة
ممكن باشرب موسي أو فيروز فري أو جولد
يارب تخلص على خير
الحصوات بتزيد فى رمضان مع الصيام وقلة الماء بالجسم وزادت نسبتها فى رمضان الحالى للحر الشديد اللى قلل الماء فى أجسامنا وسهّل تكوين الحصوات
وأعتقد إن من أهم أسبابها نقاء المياه الصحية الجميلة اللى بنشربها بسلطاتها بباباغنوجها والكلاوى هى اللى تفلترها
ربنا يعافينا جميعا
يعنى الدليل تجارب شخصية
شئ أحترمه جدا بس جايز ميبقاش مناسب لكل الناس للأسف
وألف شكر للوصفة ... مين يدرى جايز أجربها بعد د سامى ما يجربها
أنا فعلا هجربه علشان خاطرك
وربنا الشافى
لكن برضه الأعشاب بيكون ليها أعراض جانبية طبعا ودا مش معروف عند كل الناس
وعدم وجود دراسات كافية لطب الأعشاب هو سبب عدم تفضيلى له واحتمال الشفاء بعده وارد بسببه أو لأى سبب آخر غيره حتى لو بالوهم
والله طالما خاطري غالي عندك كده
انا ممكن اجيبه واجيلك لحد عندك لو ملاقيتهوش
ووحياه العيش والملح بيننا ما كلام وخلاص
بس تيجي تاخدني من علي الزراعي بره هههههههههه
------------------------------------------
نرجع لموضوع الاعشاب
انا اعرف ان فعلا فيه اعشاب ليها اثار جانبيه بس دا في الافراط في تناولها
زي جوزه الطيب مثلا بتعمل ادمان
وزي ان القرفه ليها اثار علي الحوامل علشان بتعمل انقباضات
غير كده معرفش
شفت بأه
المشكلة إننا ما نعرفش
وكل اللى بنسمعه كله كلام تجارب أو قيل وقال أو اختراعات
وحتى الاكياس اللى مرمية فى الشارع ومكتوب عليها للكلى والبواسير والقدرة الجنسية والكلام دا ماتضمنش أصلا فيها إيه
وأخيرا فيه أدوية كتير أصلها من الأعشاب زى سستون و كنير من الفوارات المستخلصة طبيا من أعشاب تمت دراستها
بس برضه هجربه إن شاء الله ووصيتك العيال
ههههههههههههههههههههههه
يمكن بالنسبالي انا اعتمادي علي الاعشاب كان من تجارب لناس اعرفهم
واصلا لاني مش بحب الادويه
جزئيه بقي اعشاب الرصيف دي فلو حيدوني عليها فلوس ماخدهاش
دا كفايه اشكال الناس اللي قاعده بتبيعها وكفايه ان 90% منهم بيتكلمو لغه مش لغتنا اصلا
بس انا بتعامل دايما
بالتيلو للكحه
والينسون
واحيانا الكمون للمغص
بجانب البرتقال والليمون للبرد
دكتور احمد شفاك الله وعفاك
استاذ شنورى عنده حق
الحلفا بر فعلا مفيد فى حالات renal stone and renal colics
و افتكر ان احنا كنا خدنا فى phytotherapy فى الكلية
و اصلا هو كده كده موجود فى السوق المصرى فى صورة دوا البروكسيمول المعروف لينا كلنا عبارة عن halfa barr extract
وعموما ديه شوية معلومات عنه
latin name: Cymbopogon proximus
part used: leaves
active constituent: halphabarol
Uses
This plant is mainly used as a medicinal plant. It is an antispasmodic, antiseptic,antipyretic and diuretic.
It is used mainly in renal problems and as it possesses spasmolytic effects especially on smooth muscles of the ureter, it is used in renal stone and renal colics
و نصيحة تانية برده الاحسن انك تجيب شعير و تغليه فى البيت و تبقى تصفيه و تسقعه و تحليه على حسب ما تحب مفيد اكتر ما تجيب فيروز او اى شراب شعير غازى اخر و فى النفس الوقت تقدر تتحكم فى نسبة السكر فيه لاخونا اللى عندهم مرض السكر
واخونا كلهم اللى عندهم مشاكل فى موضوع الحصوات و الكلى لازم تشرب على الاقل من خمسة الى سبعة لتر مياه العلاج ساعتها حيبقى مؤثر و الالم تأثيرها حيقل بشكل ملحوظ و الحصوة حتنزل بسرعة اكتر مما تتخيل و شرب المية الكتير حيخلى الكلى و الحالب و المثانة تتضخم جدا فبالتالى لو الحصوة كانت لازقة فى جدار الكلى او الحالب لما تشرب مية و تتضخم مش حتحس بالم شديد كل شوية عشان اعتها الحصوة مش حتبقى ضاغطة على جدار الكلى او الحالب
و يا دكتور احمد متقلقش من العلاج بالاعشاب نص شركات الدوا اللى فى مصر الكوالتى كنترول عندهم تعبان و حتلاقى نسبة المادة الفعالة من60-80% من المفروض تبقى موجودة وتلاقى نفسك عمال تشرب ادوية و حبوب و برده مفيش فايدة نتيجة لقلة الضمير فبالتالى بنضطر نعوض الكلام ده بالطب البديل
ألف شكر يابوحميد
طيب ما دا يثبت برضه نفس القضية
ليه أجيب أعشاب الحلفا وهى أصلا متوفرة فى دوا جاهز ومركز ونضيف؟
على الأقل الدوا معروف هاخد منه قد إيه وإمتى
يا عم شنورى طب والكمية اللى فى الحباية تساوى الموجودة فى كام فرع وللا كام ورقة؟
تحديد الكمية المأخوذة فى الفوار أو الدوا شبه مؤكده حتى لو شكيت انها قليلة (ودا غير مؤكد)
إنما تحديد كمية المادة الفعالة فى النبات نفسه مستحيل وبالتالى مش هتعرف إمتى ممكن تحصل مشاكل بسبب زيادة الجرعة
طالما هستخدم شئ فى علاج يبقى لازم أعرف معلومات أساسية أقلها مفعوله (على جميع أجهزة الجسم) وجرعته (أقل جرعة فعالة وأكبر جرعة غير خطيرة) وأخطاره (مفروض أعرف أخطاره القصيرة المدى والبعيدة المدى)
لو حاجة مش متوافره من دول يبقى مش علاج ، يبقى مغامرة
ما هى يا دكتور مركز و نظيف ديه فى مصر عليها قولان كتير جدا + صناعة الدواء فى الاساس بتدور فى كواليها اسرار و خفايا كتير مش لخدمة الانسانية على قد ما هى خدمة المساهمين و اصحاب الشركات
حكلمك على النقطة الاول
البروكسيمول اظن على ما افتكر انتاج شركة حكومية و اظن انها شركة النيل حتكلم عن تجربة شخصية معاه كنت بعمل بحث فى الكلية علمى و بنجيب منتجات كذا شركة و نبدا نقيس فيها كمية المادة الفعالة و نقارنها باللى مكتوب على العبوة اللى بحسبوا الناس على اساسه اكتر شركات طانت بتسقط فى الاختبار ده هى الشركات الحكومية و افتكر شركة النيل كانت بتسقط بامتياز لدرجة يا دكتورافتكر ان كان فيه دوا وصل لنسبة 35% من المادة الفعالة اللى المفروض تكون فيه بالعافية فبالتالى حضرتك بتجيب الدوا و تقعد تبلبع و مستنى نتيجة لكن الشركة بتنصب عليك و بتبقى سارقة من المادة الفعالة نقطة نضيف يا دكتور بقى ديه مش زى ما انت متخيل يعنى مفيش اى quality assurance حقيقى فى الشركات المصرية كلها العام و الخاص و الاستثمارى و ان وجد فبيبقى صورى و بالتالى المكن مبتنضفش بصورة دورية زى ما المفروض يحصل و اهم حاجه يملوا الورق و يحطوا علامة صح و خلاص و مفيش حاجه بتتراجع او بتننضف على ارض الواقع
انت لما بتعمل اعشاب لنفسك يا دكتور بتجيب كمية كويسة و تغسلها كويس و تجيب مية من الفلتر و تنضف الاناء اللى حتغلى فيه كويس
النقطة التانية بقى يا دكتور
جشع شركات الدوا وده شئ عالمى ويعتبر بعيد عن مصر شوية
شركات الدوا اللى بتصرف على الابحاث ميهماش انت ممكن تطلع دوا ولا لا المهم عندها انك تطلع دوا ذو جدوى اقتصادية يعنى ممكن يتم تجاهل العديد من الادوية اللى ممكن تكون ممتازة جدا عشان اقتصاديا الادوية ديه تكلفتها غالية وبتعالج امراض فى مناطق فقيرة بالتالى هما مبشتغلوش صدقة او احسان او من دافع انسانى لكن بيشتغلو من جانب مادى بحت حديك مثال
الحلفا بر مثلا ممكن يبقى فيها جنب المادة الفعالة مواد تانية بنسب ضئيلة لكنها ممتازة جدا فى علاج الحصوات لكن حتبقى تكلفى استخرجها غالية فيقولك ايه خلينا فى المادة الرئيسية و سيبك من باقى المواد مع ان باقى المواد ممكن تكون اكثر تاثير و اكثر كفاءة فى الجسم و ساعات وجود المادتين سوا يضاعف تاثير كل مادة و يحسن من ادائها و يخلى امتصاصها اسرع و يعالج المرض اسرع لكن هما بتجاهلوها عشان تكلفى استخرجها و فصلها حتبقى عالية عليهم و حتغلى سعر الدوا
فانا عندى الحلفا بر اجيبة و اغلية احسن من البروكسيمول عشان من الممكن بتكون فيه مواد تانية رنبا حطها فى الحلفا بر بتساعد المادة الفعالة على اتمام وظيفتها لما انا اعمل ناصح و اخد المادة الفعالة بس م خدش الفايدة كلها
عشان كده يا دكتور العالم الاول كله دلوقتى بدا يبدى اهتمام بالطب البديل و طب الاعشاب و فى اتجاه فكرى دلوقتى لموضوع العودة للطبيعة و الاغذية العضوية و الحياة بالاعشاب
الانسان العصرى يا دكتور بدا يتمرد على المادية و العقلانية القاصرة اللى مسيطرة عليه
و بعد ما كنا فى عصر العلمانية و المادية دخلنا فى عصر ما بعد العلمانية و ما بعد المادية انتظارا ليقظة المارد النائم
يا دكتور متقلقش كل الاعشاب المتداول و المعروفة فى الطب البديل بين الناس الtheraputic index بتاعتها عالية جدا و اكتر من الدوا بمراحل كمان و margin of safety بتعاها مطمئنة جدا جدا و عشان يحصلك تسمم من عشب ما لازم مثلا تضرب تلاته كيلو حلفا بر مع اتنين لتر مية و تغليهم و تشربهم كلهم على الفطار
الميزة فى الاعشاب عن الدوا العادى يا دكتور زى ما قلت لحضرتك قبل كده
الاعشاب فيها مواد تانية غير المادة الفعالة بتساعد المادة الفعالة على اداء وظيقتها و تعظم الاستفادة منها و تحسن من اداءها
وده مبيبقاش متوافر فى الدوا العادى اللى بحتوى على المادة الفعالة فقط لا غير
و بعدين يا دكتور متنتظرش clinical trails على الاعشاب عشان اللى بتعملها شركات الدوا و بيدفع عليها فلوس كتير الدوا بيبقى فيه حقوق ملكية و ثمن الدوا بيرجع كل الفلوس اللى اتصرفت على التجارب بتاعته لكن الاعشاب الشركات مبتصرفش عليها عشان ديه ملهاش حقوق ملكية فكرية يعنى مصدر مقتوح اى حد يعبيها ويبعها و بالتالى محدش حيصرف على التجارب بتاعتها لو ناس تانية حتشاركة الربح
و ديه من العيوب المستوحشة للنظم الرأسمالية
لا تهدف لخدمة الانسان لكن هى فقط فى خدمة صاحب راس المال
......
مين اللى قاللك الجرعة دى؟
معلومة قرأتها؟
تجربة شخصية؟
منين جبت الكلام ده؟
معنى كلامك إنك ماتقدرش تحدد أساسا الجرعة الفعالة من العشب قد إيه وبالتأكيد ماتقدرش تحدد الجرعة السمية يبقى تنصح بيه إزاى؟
لكن العشب المستخلص فى الدوا معروف جرعته ومتجرب مع الأطباء على الأقل ومرضاهم فضلا عن الشركات
الدوا اللى فيه أعشاب بيبقى فيه مستخلص العشب يعنى العشب باللى فيهاقتباس:
الاعشاب فيها مواد تانية غير المادة الفعالة بتساعد المادة الفعالة على اداء وظيقتها و تعظم الاستفادة منها و تحسن من اداءها
وده مبيبقاش متوافر فى الدوا العادى اللى بحتوى على المادة الفعالة فقط لا غير
وكون العشب فيه مواد بتساعده برضه معلومة مرسلة غير مدعومة
حاجة طبعا تكسف إن من قديم قديم الأزل وطب الأعشاب والطب البديل موجود وكل مراجعه قيل وقالاقتباس:
و بعدين يا دكتور متنتظرش clinical trails على الاعشاب عشان اللى بتعملها شركات الدوا و بيدفع عليها فلوس كتير الدوا بيبقى فيه حقوق ملكية و ثمن الدوا بيرجع كل الفلوس اللى اتصرفت على التجارب بتاعته لكن الاعشاب الشركات مبتصرفش عليها عشان ديه ملهاش حقوق ملكية فكرية يعنى مصدر مقتوح اى حد يعبيها ويبعها و بالتالى محدش حيصرف على التجارب بتاعتها لو ناس تانية حتشاركة الربح
قيل وقال ماتنفعش فى الطب يابوحميد
اللى ينفع مع واحد ممكن يكون مميت لغيره ، ومش كل الأعشاب حلفا البر
ياريت ييجى يوم نلاقى فيه دراسة مرجعية من إحدى كلياتنا تستوفى فيه تغطية هذا الجزء المهمل من الطب الاقتصادى
بسم الله ما شاء الله , الموضوع بقى لبن سمك تمر هندى :ma:
اولا : الف سلامة للدكتوران احمد و احمد و ربنا يجعله فى ميزان حسناتكوا
ثانيا : انا بصراحة تعمدت احط الفيديو بدون اى توضيح للهدف منه علشان اشوف كل عضو هيفكر و يرد ازاى و لقيت ان الاغلبية زعلانيين انهم بيتريقوا على اغنية وطنية + انى اعرف عدد من الناس شيطين غضبا من الاعلان و الاغنية !!!
ثالثا : انا الاعلان ده شد انتباهى على القهوة من تريقة الناس عليه و برضه فيه ناس متضيقة على الاغنية الوطنية , انا بصراحة اللى شد انتباهى هو راى احد الجالسين بان الاعلان صدر قرار بوقف عرضه لان سبب احراج لقيادات الحزب الوطنى لانه بيدعو للتغيير او بيحمل فكرة التغيير المرفوض سياسيا + انها فكرة تغيير مع اغنية وطنية , بس الراى ده انا شيفه زيادة عن اللزوم لان التغيي رمش هيكون عن طريق حتت الجبنة
اخيرا : سوال بس للزعلانيين على الاغانى الوطنية و الناس اللى بتقول رموز وكده هتفرق معك بيسخروا من اغنية وطنية ؟؟؟ ما هما سخروا و مسخروا بكرامة الشعب الارض من زمان ؟؟؟ والرموز المصرية دلوقتى مبقتش غير احمد عز و رفقائه
انا مش مع الاعلان لانه سخييف جدا و عارف ان ردى ممكن يكون غريب شوية
تلاحظ ان الإعلان كلماته اتغيرت
بعد التغيير
YouTube - ‫ط§ط¹ظ„ط§ظ† ط¬ط¨ظ†ط© ط§ظ„ظ…طµط±ظٹظٹظ† ط¨ط´ظƒظ„ظ‡ط§ ط§ظ„ط¬ط¯ظٹط¯‬‎
قبل
YouTube - ‫ط§ط¹ظ„ط§ظ† ط¬ط¨ظ†ط© ط§ظ„ظ…طµط±ظٹظٹظ†‬‎
ياريت يتم فصل المشاركات الخارجة عن موضوع الاعلانات في موضوع منفصل