أدخل قول تجربتك مع الاحتكاكات وعملت فيها ايه

**mohamedhmk** · 31-08-2010 11:11 PM

السلام عليكم ورحمة الله وبركاته

انا حبيت اعمل الموضوع ده علشان يكون مرجع للناس كلها

طبعا كلنا شيفين

مفيش عربيه في شارع مش محكوكه او مخبوطه وده طبعا نظرا لرعونه معظم قائدي السيارات وعدم اكتراسهم

العجيب ان الحك ده بيحصلك في الغالب والعربيه راكنه

او في بعض الحالات وانت بتحاول تركن في اماكن صعبه

المهم كل واحد يقول تجربته مع الاحتكاكات واتعامل معاها ازاي

ايه المواد الي استخدمها وانواعها ايه ومنين

وما هي النتيجه بعد المعالجه بهذه المواد

وهذا الموضوع للفائده العامة

**mohsh_84** · 01-09-2010 02:03 AM

متابع

**mooz_salsa** · 01-09-2010 02:23 AM

اتخبط في الرفر الخلفي من ميكروباص الترامكو واتقطع لحمته باارنديت (اتنين امبول بيطخلطوا مع بعض) الحمد لله شكلها مقبول بس عمرها مبترجع زي الاول عاملة فرق . الرفرف الخلفي ضعيف شوطة كورة دخلته لجوه المهم شلت بطانة الشنطة ورديته بأيدي وان شاء الله اخر السنة الم كله واصلح تأمين .

**mooz_salsa** · 01-09-2010 02:29 AM

اتخبطت في الصداد الخلفي من ميكروباص الترامكو اتخلع كله وكان في قطع ضبة ومفتاح جبت مادة اسمها ارنديت (اتنين امبول بيتخلطوا مع بعض) لحمته بيها الحمد لله طلع شكلها مقبول ، الرفرف الخلفي ضعيف جداً وخصوصاً منطقة فوق الكاوتش اتنى من شوطة حلوة في ماتش كورة المهم شلت بطانة الشنطة ورديته بأيدي

**zkralla** · 01-09-2010 02:33 AM

المشاركة الأصلية كتبت بواسطة mooz_salsa

اتخبطت في الصداد الخلفي من ميكروباص الترامكو اتخلع كله وكان في قطع ضبة ومفتاح جبت مادة اسمها ارنديت (اتنين امبول بيتخلطوا مع بعض) لحمته بيها الحمد لله طلع شكلها مقبول

، الرفرف الخلفي ضعيف جداً وخصوصاً منطقة فوق الكاوتش اتنى من شوطة حلوة في ماتش كورة المهم شلت بطانة الشنطة ورديته بأيدي

والرفرف الامامى كمان ضعيف
رفارف العربيه بصفه عامه صاجها خفيف قوى
كل الحكات الى فى العربيه عندى سايبها زى ما هى

**hugan** · 01-09-2010 02:34 AM

الموضوع خارج اللوجان

الحمد لله معظم الخبطات وهي واقفه سواء الاسبرانزا او الشاهين وبتبقي خبطات بسيطه او حكات
والاتنين عندي فابريقه خوارج
برد الخبطات علي البارد
لاني حريص علي عدم الرش
والبو هيجي يلمع بكو مباوند وبوليش وبتطلع كويسه
الخبطه الاشد كانت في الشاهين
سائق نقل اقل مايوصف بانه غبي
الشارع عندنا لايسمح سوي بمرور سياره واحد مع ركن صف سيارات علي الشمال
وسائق النقل قادم من اول الشارع وشايف انه في سياره قادمه وقربت توصل لاخر الشارع واصر علي الدخول وركن اقصي اليمين علشان التاني يخرج طبعا المسافه لاتسمح بوجود 3 سيارات بجوار بعضهم
طبعا حصل ان الخبطه جت في سوكه الباب الخلفي للشاهين
ذهبت لاكثر من سمكري والكل يصر علي الرد علي الساخن
لكن الحمد لله عندما ذهبت للمصيف في رائس البر
ذهبت لسمكر ي استطاع ان يردها علي البارد واصبحت غير مرئيه الا لو دققت النظر فيها

**AirForces** · 01-09-2010 03:03 AM

ليييه فكرتنى
انا بحاول احافظ على العربية على قد ما اقدر لكن تأتى الرياح بما لا تشتهى السفن
مرة وانا ماشى فى حالى وطوالى وبعدين الشارع قدامى بيتقسم نصين يا امشى تحت الكوبرى يا اطلع على الكوبرى وانا كنت همشى تحت الكوبرى الاقى صوت جاى من ورا واحد حارق جامد على الموتور بعربية قديمة وراح واخد غرزة من قدامى من اليمين عشان يطلع الكوبرى وراح حاككلى الرفرف اللى قدام يمين بس الحمدلله ما اتطبقش بس البويا اتقشرت
وتانى مرة العربية راكنها فى الجرااااج وانزل الاقى العتب مخبوط وداخل لجوه ومتقشر . طب اعمل إيه بس اركنها فى البلكونة
غير طبعا الخطوط اللى مجرحة العربية مهو لازم الناس تسيب بصمتها ازاى يسيبوا عربية نضيفة يعنى

المهم انا سايبهم زى ما هما لحد دلوقتى يا ريت الناس اللى مجربين إزالة الخدوش يقولولنا نوع البوليش اللى بيستخدموه إيه .. انا اعرف انه فى نوع اسمه ارمور اول بيقولوا كويس بس ما لقيتش منه اللون الفيرانى

**georgedada82** · 01-09-2010 05:36 AM

الداير بتاع الرفرف اللي ورا عندي يمين متطبق حبة بسيطة والبوهية سليمة

بس اكتشفت اني مش لوحدي تقريبا كل ما اعدي علي عربية لوجان تقريبا حوالي 90 % من العربيات كده

**solom609** · 01-09-2010 04:16 PM

اكتر حاجة بتضايقني و تعصبني العيال الصغيرة و اصحاب النفوس المريضة اللي بيمشوا يجرحوا العربيات بمسامير او باي حاجة في ايديهم و لو ملقاش حاجة ممكن يعض في العربية لمجرد انه يشبع هواية عنده

-

الموضوع: أدخل قول تجربتك مع الاحتكاكات وعملت فيها ايه

LinkBack

أدوات الموضوع

عرض

-

-

-

المواضيع المتشابهه

وعملت صيانة ال 20,000

لو سمحتم حد يفهمنى يعنى ايه سينسور بارك وبكام ومنين لانى بخاف من الاحتكاكات

الاحتكاكات اعمل فيها اية ؟

أدخل وشوف مصر زمااااااان كان فيها ايه

هل يوجد marker لإزالة أماكن الاحتكاكات في السيارات الكيا؟؟

الكلمات الدلالية لهذا الموضوع

المفضلات

المفضلات

ضوابط المشاركة