تاكسي لندن يسير في شوارع القاهرة

**Mody_Benz** · 02-09-2010 08:17 AM

كفااااااااااية عربياااااات
حرااااااااام العربيات بقت اكتر من البنى ادمين هنروح فين تانى

**Car's Sniper** · 02-09-2010 08:57 AM

المشاركة الأصلية كتبت بواسطة othmanelshaikh

على فكره الموضوع مش سئ قوي للدرجه !!

طالما هانجيب...يبقى نجيب حاجة عصرية وشيك

**D . a .\ AYMAN** · 02-09-2010 04:17 PM

المشاركة الأصلية كتبت بواسطة cars sniper

طالما هانجيب...يبقى نجيب حاجة عصرية وشيك

ما إحنا جبنا فعلا .. وجبنا حاجة عصرية وشيك كمان

أمال التاكسي الأبيض ده معمول ليه

بقى عندنا تاكسي أبيض في أسود وتاكسي أبيض لوحده وتاكسي أصفر وتاكسي برتقالي في إسماعلية وتاكسي أزرق مش عارف فين وبني مش عارف فين برضه وفحلقي هنا وكاكي هناك وألوان ماتعرفش هية إيه اساسا .. ليه كل ده ..... كان ناقص اللون الأسود بصراحة لأ وإيه بالشكل العجيب ده

أنا مابقتش أعرف إيه التاكسي وإيه اللى مش تاكسي وأنا ماشي في الشارع وبقى كتير منهم حتى شايلين كلمة تاكسي اللى المفروض تكون محطوطة على العربية

**raedegypt** · 02-09-2010 05:36 PM

الحل تاكسى موحد على مستوى الجمهوريه باللون الابيض وعليه شرايط فسفوريه تميزة عن اى عربيه مكتوب عليه تاكسى بالعربى والانجليزى بالخط العريض الفسفورى يشع من وميض الكشافات وتكون عربيات موديل السنه لاربع سنين فقط وينتهى ترخيصها باستبدالها باخرى وهكذا وبعدد ثابت لان شوارع البلد لاتتحمل زيادة دة حرام احنا بنعمل شلل فى الطرق بسبب الفوضى ال احنا فيها . كدة نضمن لشوارع مصر سيارات حديثه على طول وخدمه عاليه للموصلات وكفايه تلوث وتشوة البلد بسيارات قديمه ومعطله توقف المرور لساعات