ابنى الصغير عنده انحراف ( حول ) مش عارف حصل فجاءه ولا هو من زمان وأحنا مكناش واخدين بالنا
عاوز مركز او دكتور محترم يكون سبق التعامل معاه عشان بصراحه موضوع العين ده حساس قوى ومش عاوز حد نص نص
انا عاوز اوديه المغربى بس معايا واحده فى الشغل بتشتم فيهم قوى وخوفتنى منهم
يا ريت لو يكون المركز او الدكتور ناحيه المعادى وحلوان
ولو حد عنده اى تجربه فى الموضوع ده يا ريت ما يبخلش علي بيها
كان نفسى افيدك والله بس انا سكان بعيد عن المناطق الى حضرتك قلتها بس بدعى له من قلبى ربنا يشفية ان شاء الله
ويطمنك عليك
نور العيون مفيش احلي حاجه من كده بجد انا عملت عمليه فيها من سنتين والحمد الله وعلفكره فيها دكاتره استشاريين
إن شاء الله خير و يطلع حاجة بسيطة
أنا أختي و هي صغيرة كان عندها برضه كدة حول ملحوظ و لما الدكتور كشف عليها قال ان دة مش حول و هتبقى عادية بس يتم ملاحظتها كل فترة
ربنا يطمنك عليه
عادي و ماتقلقش
الاطفال اول ما يتولدوا و لغاية سن ممكن 6 او 7 سنوات بيبقى عينيهم لسة مش مظبوطة و انا برضة و ديت بنتي للدكتور و هي صغيرة و قاللي لما تكبر حايروح
لو تنزل مدينة نصر اقولك على عنوان دكتور كبير و علامة في طب العيون
عيادتة في عباس العقاد فوق موبينيل
الف شكر يا جماعه على شعوركم الطيب
ربنا يبارك فى اولادكم جميعا
ربنا يباركك فيك ولو اتدتنى العنوان والتيلفون اكون شاكراقتباس:
المشاركة الأصلية كتبت بواسطة adham
الف سلامة على ابنك وربنا يطمنك عليه
في دكتور اسمه حسين شاكر قدام استاد الكلية الحربية كان والدي راحله علشان كان لازم يعمل عملية جسم زجاجي بس زحمة موووووت لازم تحجز قبلها وبيديلك معاد مايقلش عن ثلاث شهور على الاقل ويمكن ازيد
مستشفى النور للعيون
من افضل المستفيات المتخصصة فى طب العيون
و يوجد عندهم تخصص عيون اطفال يعنى دكتور متخصص عيون اطفال مش كل حاجة
هم ليهم 2 مستشفى فى القاهرة و احدة فى المهندسين تقاطع شارع احمد عرابى مع ش السودان و الثانية شارع مصطفى النحاس مدينة نصر
عن التليفون مش لاقية دلوقتى بس لو اتصلت بالدليل 140 هيدهولك حسب الفرع الى قريب من ااسكن
و الف سلامة وان شاء الله تطلع حاجة بسيطة
فيه دكتور ممتاز هو اسمه دكتور عمرو عبد العظيم حبيب في اسكندريه عنوانه 50ش عمر لطفي كامب شيزار الترام الدور الثالث في الاسكندريه تليفون الدكتور الشخصي 0101563547
وحتروح بعيد ليه يا باشا
دكتور شريف منسي اخي وحبيبي وعمره ما بخل علي حد باستشاره
http://www.nilemotors.net/Nile/55299-a.html
لدرجه اني مره سالته علي حاجه في الجراحه لصديق ليا حيعمل عمليه
وراحله والدكتور عمل فوق الواجب الف واجب
ورشحله احسن ناس تعملهاله
وبتكاليف اقل وبطرق جراحيه انضف بكتير من الي صاحبي كان حيعملها
فى دكتورة كويسة قوى و متخصصة فى حول الأطفال بس هى عيادتها فى باب اللوق تقريبا لو قريب منك ممكن ابعتلك العنوان والتليفون
انصحك لازم لازم تروح تشوفه وتهتم بالموضوع
انا حصلي كده وانا صغير
والي زاد وغطي اني وقعت من علو دور علي دماغي واثر علي عيني
في دكتور كان مشهور اوي اوي فاكره لحد دلوقت عندكم في القاهره
فاكره لحد دلوقت وفاكر شكل عيادته اسمه دكتور حامد الدفراوي وعيادته في شارع رشدي
مش عارف بقي عايش ولا توفي حاليا
ده الي عملي العمليتين بتوع عيني وكان سني وقتها 5 او 6 سنين
بس كانت مكلفه جدا جدا وقتها يعني العملتين كلفوا 9 الاف جنيه (بمقاييس دلوقت بالميت 60 ولا 70 الف)
بس مظنش هتبقي بالغلو ده دلوقت خصوصا ان كل يوم في تكنولوجيا جديده
لان وقتها كنت بسافر القاهره تلات مرات كل شهر علشان اعمل كشف علي قاع العين
لانه مكنش موجود في اسيوط
ولاني كنت طفل ومكنش ينفع قياس النظر العادي
مع تدريبات نظر في الايام الي كنت ببقي في اسيوط فيها
واحب اطمنك ان العمليتين نجحوا (وده بمقاييس زمان وتنكنولوجيا زمان)
يعني ان شاء الله ربنا هيتتمم لابنك الشفا ومتقلقش
انا قلتلك علي الي حصل معايا لسببين
اول حاجه تهتم بالموضوع لانه فعلا يقلق لانه طفل ومحتاج رعايه خاصه
تاني حاجه علشان انقلك تجربتي لعل وعسي تكون دليل ليك
وان شاء الله كل ما هتسرع في العلاج هيجيب نتيجه اسرع لانه طفل والتغيرات هتبان بسرعه
وبرضه علي راي شنوري شوف اخونا الدكتور شريف منسي
راجل محترم وجدع جدا جدا وهيقولك علي المفيد
A.Yakout
يا جماعه انا شاكر فضلكم وشعوركم الطيب ربنا يبارك فيكم جميعا
باتفق مع شنورياقتباس:
المشاركة الأصلية كتبت بواسطة shnory
نفس الشئ حصل معايا لما استشرت دكتور شريف في حاجة شخصية لحد من الأقارب
جزاه الله عنا كل خير
وإن شاء الله يطلع الموضوع بسيط وميكونش فيه داعي للقلق
ربنا يطمنك عليه
الف سلامة علي اببنك و بإذن الله بسيطة
طبعا انا مع الأراء اللي بتقول استشير د/ شريق منسي لأنه اكتر واحدد هيوجهك صح بحكم انه طبيب عيون و الدكتور شريف من الشخصيات المحترمة دا و عمره ما بيتأخر عن تقديم المساعدة لأي حد في المنتدي
ربنا يطمنك
متلفش كتير
د فتحى الصياد شارع جامعة الدول العربية فى ميدان سفنكس
ان شاء الل
ت 3477400 النمرة دى قبل زيادة الرقم الثامن مش عارف ممكن تزودلها 2 أو 3 فى الاول
ده راجل محترم وفاهم كويس جدا واستاذ
ربنا يطمنك ويشفيه لك
الحجز بالتليفون
ان شاء الله خير يا باشا و متقلقش
ألف سلامة عليه
ربنا يطمك
الحقيقة معنديش فكرة عن الكلام ده
كان نفسي أفيدك
ربنا يطمك عليه
بسم الله الرحمن الرحيم
احب اقولك يا باشا انا لفيت مصر عشان الموضوع ده ورحت لحوالي اكتر من 15 دكتور في الغربيه والمنصوره والقاهرة وطبعا المنوفيه لاني من سكانها
الحول الي عند ابني (حول وحشي ) يعني الحول لبره مش لجوه ود نتيجه لضعف عضلات العين وانا اكتشفت ده عند ابني وهوا عمره سنه.
المهم بعد اللف اقتنعت باراء 2 دكاتره
1- الدكتوره هاله الهلالي ودي متخصصه في الحول عند الاطفال وعندها عيادتين واحد في المعادي (71 شارع 9 المعادي )ا المهندسين(8شارع سوريا) ورقم العياده0223597556
-
2- حازم ياسين شارع شهاب المهندسين ورقم العياده 0237487667
الحمد لله بعد المتابعه و اللف على كل دول اخر المضوع تمارين للعين (بنغطيها 4 ساعات في اليوم) مع نظاره والحمد لله احنا احسن من ناس كتير وربنا يدمها نعمه
عالخاصاقتباس:
المشاركة الأصلية كتبت بواسطة zkralla
الف شكر وجزاكم الله خيرا
لاحظت الموضوع ده في بنتي الكبيرة من فترة, بس كان بيظهر ساعات و ساعات, ولما القلق زاد عرضناها علي دكتور كبير في هونج كونج و طمنا بعد كشوفات كتير جداً ان ده موضوع طبيعي بيحصل لنسبة مش قليلة من الاطفال و بيروح مع الوقت, و لزيادة التأكيد عرضناها علي مستشفي متخصصة في الصين و النتيجة كانت نفس الكلام, مش معني كلامي انك ماتعرضش ابن حضرتك علي دكتور متخصص, بس انا حبيت اطمنك ان الموضوع ممكن يكون بسيط وطبيعي زي ما هو ممكن يكون حاجة محتاجة علاج, دعواتي بحق الشهر الكريم انه يكون موضوع بسيط و تطمن علي ابنك في اسرع وقت, و اضم صوتي للاخ لطفي بخصوص الدكتور حسين شاكر.
يا جماعه أنا والله انا عاجز عن شكركم جميعا
يا رب كلكم بحق الشهر الفضيل الكريم ربنا يحفظكم واولادكم واهلكم وكل ذوى الحقوق عليكم واسأل كل من دعا لى بظهر الغيب ان يعطى الله له واولاده مثله
الحمد لله لسه جاى من عند استاذ فى المعادى وقالى غالبا ده اسمه حول كاذب بيبقى نتيجه لعرض زياده للمنطقه بين العينين
الكلام ده بنسبه 90%
بس عاوز يطمئن على قاع العين يوم الاثنين
لا تنسونا من صالح دعائكم