انا جربت تغيير اضاءة العدادات بعد اما قريت الموضوع الرائع ده
http://www.nilemotors.net/Nile/74247-2009.html
و الحمد لله طلعت النتيجة حلوة و مش بطالة و بقي العداد صورته اهه
http://a.imageshack.us/img529/4280/photo0153y.jpg
http://a.imageshack.us/img837/3113/photo0154q.jpg
بس انا لاقيت في منتدي الكماليات ناس بتعمل عدادت علي التابلوه و بتعمل الدايرة الكهربائية بتاعتها و بعد كده بيصمموا شكل للعداد (( اللي هي الورقة اللي مكتوب عليه السرعات )) زي ديه
http://a.imageshack.us/img651/8296/1...868952173f.jpg
بس ديه بتاعت الفيرنا
المهم ندخل بقي في الموضوع...............
احنا لو عرفنا نصمم ورقة بنفس مقاس ورقة العدادات بتاعت الفيرنا و غيرنا في شكلها علي الكمبيوتر و زودنا الوان عليه يعني مثلا يبقي شكلها كده
http://a.imageshack.us/img832/3285/mphai.jpg
http://a.imageshack.us/img714/300/rpmai.jpg
و بعد اما نصممها و نظبط مقاستها زي الورقة الاصلية بتاعت الفيرنا
الخطوة التانية بقي ان احنا نطبعها عند اي استوديو عشان تبقي الورقة جامدة و ناشفة
و بعد كدة نركبها في العداد و حيبقي بجد تحفة
و انا سألت عضو هنا في المنتدي اسمه abo hosni كان بيعمل عداد بس اللي بيتحط علي التابلوة و كان بيصمم ورقة ليه و هو اللي مديني صور العدادات اللي متظبطة ديه علي فكرة..... قالي:
(( بص يا سيدي، التصميم كان على الوورد بعدين تاخد الصور screenshot على الفوتوشوب و المقاسات زي ما هترفعها من على العربية هتحطها على الفوتوشوب و تضبط مقاس الصورة كاملة على 10×15 سم لأن ده المقاس الستاندرد بتاع صور الاستديو و أي حد هيطبعها لك في استديو تصوير هتطلع بنفس المقاس بالضبط. و ابقى اضبط الرزليوشن على 300 بيكسل/إنش مثلا
ممكن تجرب كذا مرة لحد ما تستقر على شكل و لون و كده))
حتقولولي : طيب ايه المشكلة يا سيدي ؟؟ :Oc_sun1[1]:
حقولكوا : اني مبعرفش اشتغل علي الفوتوشوب و اصمم اشكال و كده
فا لو حد عجبه الفكرة يا ريت يفيدنا في الموضوع و لو حتي وصل لتصميم يرفع صورته في الموضوع و يكون نفس مقاس الورقة بتاعت الفيرنا ...و كده يبقي الموضوع بصراحة انتهي لأن اللي فاضل الطباعة في اي ستوديو و ديه حاجة سهلة
انا اسف جدا جدا اني طولت عليكوا....اعذروني لأني مغرم بموضوع تعديل الفيرنا ده :fun_36_3_4[1]: