طنابير وتيل الماتركس -- كلاكيت تالت مرة
شباب، عندي مشكله مكفرة سيئاتي في الماتريكس. على السرعات فوق ٧٠ ومع الفرامل بحس بغربلة في الدركسيون و في دواسة الفرامل. طبعا التوكيل كشفوا وطلعت طنابير. غيرتها في الضمان و غيرت التيل على حسابي. الكلام ده كانت العربية عاملة حوالي ٤٥ - ٥٠ ألف كم
دلوقتي وبعد ١٥ ألف كم من المرة اللي فاتت (العربية دلوقتي عاملة ٦٣ ألف كم) نفس الموضوع اتكرر تاني. :11:لما قلتلهم تاني ف التوكيل ازاي الطنبورة ماتكملش ال ٢٠ الف حتى قالولي البهوات ان القطعة اللي بتتغير ضمن الضمان ماعليهاش ضمان تاني :H_angry[1]:
بس قالولي جرب تغير التيل والمشكلة هاتتحل. غيرته وفعلا المشكلة اختفت بس خلال اقل من شهر رجعت تاني زي الاول بالظبط :36_1_40[1]:
المشلكة بقا اني مش فاهم ايه اللي ممكن يبوظ طنابير او تيل بالشكل ده. وطبعا ماعنديش ادني ثقة في النصابين بتوع التوكيل انهم يفهموا ايه سبب المشكلة.
حد عنده رأي أو يعرف عفشجي بيفهم؟ (لو قريب للهرم يبقا تمام )
