الموضوع: ساعات بتطلع فرقعه من الشكمان كده لما اجى ادور وفى مشكله فى البنزين - بولو 2001

المشاركة الأصلية كتبت بواسطة seashark

انا نفسي بس اعتب عليك في طريقة عرضك للمشكلة يعني حاول انك تعرض المشكلة بنظام و وضوح اكتر من كده (ده نقد بناء متزعلش مني) فعلا الموضوع ملخبط جدا بس ما علينا

انا بعتذر على طريقة عرضى بس مشاكل العربيه قرفانى فكنت لما بفتكر حاجه بكتبها على طول

1. البطارية نامت منك 3 مرات يبءي تروح لكهربائي و تخليه يقيس الشحن بتاعها و يشوف هتنفع تتشحن و تكمل بيها شويه و لا عايزه تتغير.
2. مش فاهم يعني ايه عداد الزيت اتصفر.
اصبح اصفار 00000
3. صوت فرقعة من الشكمان ممكن يكون علبة الشكمان فيها حته مخرومة او مكسورة او في الماسورة لازم تبص علي الشكمان من اول الفرن لحد الديل عشان تشوف فين المشكلة.
جميل
4. اللي فهمتو منك ان عوامة البنزين بتخرف و بتدي قراءات غلط و بكده هتحتاج تغير العوامة.
الموضوع ده سهل ولا اتعايش مع المشكله
5. برضه انت بتقول يا ريت حد يفهمني الاستهلاك عامل ازاي يعني المفروض انها عاربيتك و انت عارف استهلاكها و بعدين هيكون استهلاكها عادي زي اي عربيه هتعمل في المتوسط مثلا 300 كم في الصفيحة.
دى اول عربيه اركبها فمش عارف متوسط الاستهلاك ايه عشان كده بسأل حد يكون عارف
وبمناسبة الاستهلاك ده عمرى مابجيبه بصفحتين
6. برضه فهمت منك ان في مشكلتين في الدبرياج انه عالي و ده سهل انه يتظبط زي ما انت عايز و انه ناشف و ده ممكن يكون حاجة في البلية و الديسك خلي الميكانيكي يزيتلك سلك الدبرياج هيظبط معاك و لو رجع ناشي تاني يبءي زي ما قولتلك ديسيك و بلية.
هو فى واحد فعلا نعمه قبل كده بشوية زيت ورجع بقى ناشف تانى فكده ممكن تكون المشكله فى الديسك ولا ايه ، انا عاوز حد يكون بيفهم اروحله
7. هل المرايا اليمين اصغر من الشمال : لا تعليق.
هههههههه افهم من كده انها مشكله مش تمام
لانى والله انا كنت مستغرب بردو بس كل مابص على بولو 2001 الاقى المرايه اليمين اصغر انا عاوز اتأكد لانها بجد ملهاش فايده عندى كده
ومتشكر جدا على الرد والمشاركه فى مشكلتى

7.

المشاركة الأصلية كتبت بواسطة mesho_kimi

طبيعي اما البطاريه تنام عداد الزيت يصفر ، بالنسبه للعوامه فهى فيها مشكله ممكن تتعايش معاها كده بس تبقه عارف هى فيها قد ايه ، بتحط صفيحه فى اليوم ده كده خراب بيوت ألا أذا كنت بتعمل فوق ال 250 كيلو فى اليوم ، الدبرياج من أنععم دواسات الدبرياج اللى شوفتها فى حياتى ولما بركب عربيات تانيه بعاني من نشوفية دواساتها وكمان المفروض العربيه فيها سلك دبرياج سنتريك وده بيرجلش نفسه على حركة رجلك ودية ميزه كبيره جداً

هل تغير العوامه ده مقرف ولا ايه ؟؟؟
وبالنسبه للاستهلاك فعلا انا بحس انه فظيييع جدا بدخل البنزينه كتييير ومظنش عمرى وصلت ل 250 بالصفيحه وبالنسبه للدبرياج من اتقل الدبرياجات اللى شوفتها ومره روحت لواحد نعمه شويه ورجع تانى نشف انا هتجنن والله وعاوز حد بيفهم يسوق عربيتى يشوفلى كمية المشاكل دى عشان مليش خبره كويسه ومش عاوز اروح ارميها لميكانيكى يقلبنى فلوسى كلها
وشكرا جزيلا على المشاركه

احسن حاجة انك تروح لميكانيكي كويس و يكون فاهم و سمعته كويسه و تخليه يشوف المشاكل دي بنفسه لان احنا هنا مهما ردينا عليك برضه مش هيكون زي الميكانيكي اللي شايف المشكلة ادامه و جربها بنفسه.

اتمنالك التوفيق
و كل سنة و انت طيب

شكرا جزيلا

بس انا بحب اسأل هنا الاول عشان ماروحش لميكانيكى اقوله خد طلع المشاكل اللى فيها عشان معنديش ميكانيكى ثقه فممكن يشقلبلى العربيه

فياريت لو حد يعرف ميكانيكى كويس يعرفنى
وشكراا

يا جماعه صحيح فى مشكله عندى قرفانى بردو مش مخليانى اغسل العربيه خاالص

لانى غسلتها مرتين وفى المرتين فى مياه بتنقط جامد من تحت التابلوه فى الكرسي اليمين وبتنزل عالسجاد وبتخلى العربيه ريحتها وحشه
اروح لمين يظبطلى الموضوع ده لان العربيه حالتها وحشه

المشاركة الأصلية كتبت بواسطة smalltoto

يا جماعه صحيح فى مشكله عندى قرفانى بردو مش مخليانى اغسل العربيه خاالص

لانى غسلتها مرتين وفى المرتين فى مياه بتنقط جامد من تحت التابلوه فى الكرسي اليمين وبتنزل عالسجاد وبتخلى العربيه ريحتها وحشه
اروح لمين يظبطلى الموضوع ده لان العربيه حالتها وحشه

روح لواحد بتاع تكييفات وقلو سلكلى مجرى المياه اللى فى صدر العربيه عشان بتدخلى مياه جوه
وممكن تعملها بنفسك
هتشيل الوش الفبر اللى تحت المساحات وتجيب سيخ رفيع وتمشيه فى المجرى اللى فى اقصى اليمين واقصى الشمال وتحط مياه فيها لو جريت على طول يبقى سلكت مجريتش يبقى محتاجه تنضف تانى

المشاركة الأصلية كتبت بواسطة smalltoto

فجأه بطارية العربيه نامت منى بتاع 3 مرات وعداد الزيت اتصفر واضطريت ازقها عشان تشتغل ومن ساعتها العربيه بتبطل كتير منى وانا ماشي او فى حته زحمه
راجع شحن الدينمو واكشف على حاله البطريه
ومن ساعتها بردو بقى ساعات لما اجى ادور اسمع صوت فرقعه ناعمه كده من الشكمان
راجع على البوجيهات وسلوكها
فى مشكله فى عداد البنزين او العوامه
لان عندى العربيه عملت مرتين يوصل البنزين للربع وبعدين يثبت لغاية اما تقطع بنزين فبالتالى علامة البنزين مش بتنور للخطر وبعدين ساعات امون بنزين والاقى العداد يقل وبعدين يعلى تانى سنه بسيطه فهتجنن
العوامه محتاجه صيانه لو منفعتش يبقى تتغير بواحده زيها بالظبط


وبعدين حاسس ان العربيه بتسحب بنزين بغباااااااء لانى تقريبا لازم لك يوم احط صفيحه
ياريت حد يعرفنى الاستهلاك عامل ازاى
راجع زى ما قلتلك على البوجيهات الأول ما جبتش نتيجه يبقى راجع فلتر هوا ونضف رشاشات
الأستهلاك 250 فى الصفيحه بالنسبه لموتورك
انا سوقت اوكتفايا a4 ولانوس و 128 تقريبا محستش بانى دوست على الدبرياج فيهم
عربيتى بقى كأنى فى الجيم وبلعب تمارين رجل واى حد يركبها يقولى ده عاالى جدا
هو كده ولا عاوز يتوطى
راجع مستوى الدبرياج عند حد بيفهم وومكن يكون الديسك وحش هل فى رعشه فى الطلعه
ولما اكون عالاول والعربيه ماشيه من نفسها واجى ادوس عالبنزين سنه بسيطه العربيه بتتنطر كده فجأه وبردو ساعات لما اكون ماشي واجى افرمل العربيه زى بتتنط او بتكركر مش عارف
بردو هقولك شوف البوجيهات وسلوكها
وهل المرايه اليمين اصغر من الشمال ؟؟
لانى مش بشوف فيها اى حاجه مهما ظبطها
هى فعلا اصغر بس مش لدرجه انك ماتشوفش منها وهما عامليتها كدا عشان كتير ما بنخدش بالنا منها وتتخبط اكثر من الشمال
وشكرااا

العفو